എനിയ്ക്കെതിരെ ക്രിമിനല് സംഘം: കുഞ്ഞാലിക്കുട്ടി
തനിയ്ക്കെതിരായ അനധികൃത സ്വത്ത് കേസ് തൃശൂര് വിജിലന്സ് കോടതി തള്ളിയതിനെപ്പറ്റി മാധ്യമ പ്രവര്ത്തകരോട് പ്രതികരിക്കുകയായിരുന്നു അദ്ദേഹം.
ജീവിതത്തില് എത്രപേരെ ദ്രോഹിക്കാന് കഴിഞ്ഞുവെന്ന് ഓര്ത്തെടുത്ത് ആഹ്ളാദിക്കുന്നവരാണിവര്. വി.എസിനും മകനും എതിരെ എത്രയോ ആരോപണങ്ങളുണ്ട്. കേട്ടാല് നിങ്ങള് പോലും ഞെട്ടിപ്പോകും. അത്രയ്ക്കുണ്ട് ലിസ്റ്റ്. കേസുകള് എനിക്ക് പുതിയതല്ല. മജിസ്ട്രേട്ട് കോടതി മുതല് സുപ്രീം കോടതി വരെ പതിനേഴോളം കോടതി-ഋകളിലായി ഒട്ടേറെ കേസുകള് നേരിട്ടിട്ടുണ്ട്. അതെല്ലാം തള്ളിപ്പോയിട്ടുമുണ്ട്- അദ്ദേഹം പറഞ്ഞു.
കേസുകള് നല്കുന്നതിന് പിന്നില് മൂന്നുനാലുപേരുള്പ്പെട്ട ക്രിമിനല് സംഘവും അവര്ക്ക് പിന്നില് വി.എസുമാണുള്ളത്. മുസ്ലീം ലീഗിലെ ആരും ഈ സംഘത്തില് ഇല്ലെന്ന് ഉറപ്പുവരുത്തിയിട്ടുണ്ടെന്നും ഒരു ചോദ്യത്തിന് മറുപടിയായി അദ്ദേഹം പറഞ്ഞു.
കാസര്കോട് വെടിവയ്പ്പ് കേസ് സി.ബി.ഐയെ ഏല്പിക്കാനുള്ള കോടതി തീരുമാനത്തെ സ്വാഗതം ചെയ്യുന്നതായി അദ്ദേഹം പറഞ്ഞു.
ചൊവ്വാഴ്ച ഐ.ടി വ്യവസായ നയവുമായി ബന്ധപ്പെട്ട് വിവിധ തൊഴില് സംഘടനാ നേതാക്കളുമായി നടത്തിയ യോഗത്തിനുശേഷമാണ് മന്ത്രി വാര്ത്താലേഖകരെ കണ്ടത്. പൂട്ടിക്കിടക്കുന്ന മാവൂര് റയോണ്സ്, അലിന്ഡ് എന്നിവിടങ്ങളിലെ തൊഴിലാളികള്ക്ക് അയ്യായിരം രൂപാവീതം ഓണം പ്രത്യേക അലവന്സ് നല്കുംമെന്ന് അദ്ദേഹം അറിയിച്ചു.
Click it and Unblock the Notifications
Sign in with Google