പര്ദ്ദ ഉപേക്ഷിച്ച് നഗ്നതയിലൂടെ 20കാരിയുടെ വിപ്ലവം
മാസങ്ങള് നീണ്ട രാഷ്ട്രീയ പ്രക്ഷോഭങ്ങളിലൂടെ രാജ്യത്ത് ഭരണമാറ്റം ഉണ്ടായെങ്കിലും ആലിയയുടെ നടപടിയെ യാഥാസ്ഥിതികരും ലിബിറല് വിഭാഗവും ഒരുപോലെ എതിര്ക്കുകയാണ്. ഈ മാസം 28ന് നടക്കുന്ന പാര്ലമെന്റ് തെരഞ്ഞെടുപ്പ് മുന്നില്ക്കണ്ടാണ് ലിബിറല് വിഭാഗവും എല്മാദിക്കെതിരെ തിരിഞ്ഞിരിക്കുന്നതെന്ന് റിപ്പോര്ട്ടുകളുണ്ട്.
മുന് പ്രസിഡന്റ് ഹോസ്നി മുബാറക്കിന്റെ ഏകാധിപത്യത്തിന് അന്ത്യം കുറിച്ച ജനാധിപത്യപ്രക്ഷോഭത്തിനു ശേഷം നടക്കുന്ന തിരഞ്ഞെടുപ്പ് എന്ന നിലയില് ഈജിപ്തിലെ മുഴുവന് പാര്ട്ടികളും ഭരണംപിടിക്കുന്നതിനുള്ള ശ്രമത്തിലാണ്. എല്മാദിയുടെ നഗ്നചിത്രങ്ങള് രാജ്യത്തു വ്യാപക പ്രതിഷേധത്തിനു ഇടയാക്കിയതായി വിവിധ മാധ്യമങ്ങള് റിപ്പോര്ട്ടുചെയ്തു.
മുസ്ലീം ഭൂരിപക്ഷ രാജ്യമായ ഈജിപ്തില് സ്ത്രീകള് പര്ദയും മുഖാവരണവും ഇല്ലാതെ വീടിന് പുറത്തിറങ്ങാറില്ല. ഇങ്ങനെയൊരു സാമൂഹ്യസാഹചര്യം നിലനില്ക്കുന്ന രാജ്യത്താണ് ആലിയയുടെ ആവിഷ്ക്കാര സ്വാതന്ത്ര്യം വിവാദത്തിലായിരിക്കുന്നത്.
ഫേസ്ബുക്കിലൂടെ വിപ്ലവം നടന്ന രാജ്യത്ത് ട്വിറ്ററിലൂടെയുള്ള ആലിയയുടെ വിപ്ലവം എത്രത്തോളം ചലനം സൃഷ്ടിയ്ക്കുമെന്നാണ് ലോകം ഉറ്റുനോക്കുന്നത്. സംഭവം എല്ലാവരും എതിര്ക്കുന്നുണ്ടെങ്കിലും ഒരാഴ്ച കൊണ്ട് ആലിയയുടെ ബ്ലോഗിലെത്തിയത് 15 ലക്ഷം പേരാണ്.