വിദേശനിക്ഷേപം: തീരുമാനം മരവിപ്പിച്ചു
ഒടുവില് പ്രതിപക്ഷകക്ഷികളുടെയും ഘടകകക്ഷികളുടെയും സമ്മര്ദ്ദത്തിനും പ്രതിഷേധങ്ങള്ക്കും മുന്നില് സര്ക്കാര് മുട്ടുമടക്കിയെന്നു വേണം കരുതാന്. പാര്ലമെന്റ് സ്തംഭനം ഒഴിവാക്കാനുള്ള അടവുനയമാണ് ഇതെന്ന് പ്രതിപക്ഷം സംശയിക്കുന്നുണ്ട്. അതുകൊണ്ടു തന്നെ മരവിപ്പിക്കലല്ല, തീരുമാനം പിന്വലിക്കലാണ് വേണ്ടതെന്നും ഇക്കാര്യം സര്ക്കാര് ഔദ്യോഗികമായി പ്രഖ്യാപിക്കുന്നതുവരെ സമരം തുടരുമെന്നും ബിജെപിയും ഇടതുപാര്ട്ടികളും പ്രഖ്യാപിച്ചിട്ടുണ്ട്.
തൃണമൂല് കോണ്ഗ്രസ്, ഡിഎംകെ എന്നീ ഘടകകക്ഷികളും ചില കോണ്ഗ്രസ് എംപിമാരും വിദേശനിക്ഷേപ തീരുമാനത്തിനെതിരേ പരസ്യമായി രംഗത്തുവന്നത് സര്ക്കാറിനെ വെട്ടിലാക്കിയിരുന്നു. തീരുമാനം പിന്വലിക്കുന്ന പ്രശ്നമില്ലെന്ന് പ്രധാനമന്ത്രി മന്മോഹന് സിങ് തന്നെ ഒന്നിലേറെ തവണ പ്രഖ്യാപിച്ചിരുന്നതുമാണ്.
പ്രധാനമന്ത്രി തന്നെ നേരിട്ടുവിളിച്ച് മമതാ ബാനര്ജിയുമായി ഈ വിഷയം സംസാരിച്ചിരുന്നു. കൂടാതെ കൊല്ക്കത്തയിലെത്തിയ ധനകാര്യമന്ത്രി പ്രണബ് മുഖര്ജി മമതയുമായി രണ്ടു തവണ ചര്ച്ച നടത്തിയെങ്കിലും ഫലമുണ്ടായില്ല. പാര്ലമെന്റില് വോട്ടെടുപ്പ് ഉണ്ടായാല് തൃണമൂല് കോണ്ഗ്രസിലെ 18 എംപിമാരുടെ പിന്തുണയില്ലെങ്കില് സര്ക്കാര് പരാജയപ്പെടുമെന്നുറപ്പായതോടെയാണ് ഈ കീഴടങ്ങല്.
Click it and Unblock the Notifications
Sign in with Google