കേസെടുക്കാന് അമിത താത്പര്യം കാണിച്ചു: മണി
ഇതുമായി ബന്ധപ്പെട്ട് സുപ്രീംകോടതിയില് നിലനില്ക്കുന്ന കേസില് സര്ക്കാര് സത്യവാങ്മൂലത്തിന് നല്കിയ മറുപടിയിലാണ് മണി ഇക്കാര്യം അറിയിച്ചത്. എഫ്ഐആര് റദ്ദാക്കണമെന്നാവശ്യപ്പെട്ടാണ് മണി സുപ്രീംകോടതിയെ സമീപിച്ചത്. മുന്പ് ഹൈക്കോടതി മണിയുടെ ആവശ്യം തള്ളിയിരുന്നു. മണിയ്ക്കെതിരായ എഫ്ഐആര് നിലനില്ക്കുന്നതാണെന്ന് സംസ്ഥാന സര്ക്കാര് സുപ്രീംകോടതിയെ അറിയിച്ചിരുന്നു. കേസ് ഒന്പതിന് പരിഗണിക്കും.
പാര്ട്ടിക്ക് പ്രതിയോഗികളെ കൈകാര്യം ചെയ്തും വകവരുത്തിയും ശീലമുണ്ടെന്ന മണിയുടെ പരാമര്ശമാണ് വിവാദത്തിലായത്. വിവാദ പരാമര്ശത്തെ തുടര്ന്ന് ഇടുക്കിയിലെ രാഷ്ട്രീയ കൊലപാതകങ്ങളെ കുറിച്ച് അന്വേഷിക്കാന് സര്ക്കാര് പ്രത്യേക അന്വേഷണ സംഘത്തെ നിയോഗിച്ചിരുന്നു. തൊടുപുഴയില് നടത്തിയ പ്രസംഗത്തിലാണ് മണിയുടെ ഭാഗത്തു നിന്ന് വിവാദ പരാമര്ശങ്ങളുണ്ടായത്.
ടിപി വധത്തില് പാര്ട്ടിക്ക് പങ്കില്ല. കൊലപാതകം നടത്തിയാല് അത് തുറന്നു പറയാനുളള ആര്ജവം പാര്ട്ടിക്കുണ്ട്. പീരുമേട്ടില് അയ്യപ്പദാസിനെ കൊന്ന ബാലുവിന്റെ കൊലപാതകം ഇതിനുദാഹരണമാണ്.
ശാന്തന്പാറയില് പാര്ട്ടിക്ക് എതിരെ പ്രവര്ത്തിച്ചവരെ പട്ടിക തയാറാക്കിയാണ് വകവരുത്തിയത്. മൂന്ന് പേരെ വെടിവച്ചും കുത്തിയും അടിച്ചുമാണ് കൊലപ്പെടുത്തിയത്. സഖാക്കളെ കൊന്ന എല്ലാവരോടും പ്രതികാരം ചെയ്യാന് സാധിച്ചിട്ടില്ല. പ്രസ്ഥാനത്തിന്റെ ശക്തിയനുസരിച്ചാണ് തിരിച്ചടിക്കുന്നത് എന്നും മണി പറഞ്ഞിരുന്നു.
Click it and Unblock the Notifications
Sign in with Google