Click it and Unblock the Notifications
Just In
Don't Miss
-
IPL 2024: ആദ്യ 16 ബോളില് 31, അടുത്ത 21 ബോളില് 19! വീണ്ടും ഫിഫ്റ്റിക്കു കളിച്ച് കോലി, വിമര്ശനം -
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
'അഞ്ച് ദിവസമായി ആശുപത്രിയിലായിരുന്നു, ഹെൽത്ത് ഇഷ്യു ഇല്ലായിരുന്നുവെങ്കിൽ ചിലപ്പോൾ കപ്പ് അടിച്ചേനെ' -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
യുവാവിന്റെ കൊലപാതകം; കാസര്‍ക്കോട്ട് നിരോധനാജ്ഞ
നഗരത്തിലെ തുണിക്കടയിലെ ജീവനക്കാരനായ ടി എ സാബിത്ത്(18)ആണ് കുത്തേറ്റ് മരിച്ചത്. ഞായറാഴ്ച രാവിലെ പതിനൊന്നുമണിയോടെ സുഹൃത്തിനൊപ്പം ബൈക്കില്‍ സഞ്ചരിക്കുന്നതിനിടെയാണ് സാബത്തിന് കുത്തേറ്റത്. ബൈക്കില്‍ പിന്തുടര്‍ന്ന രണ്ടുപേര്‍ സാബിത്തിനെ കുത്തിയശേഷം കടന്നുകളയുകയായിരുന്നു.
നെഞ്ചില്‍ ആഴത്തില്‍ കുത്തേറ്റ യുവാവിനെ ആശുപത്രിയില്‍ എത്തിച്ചെങ്കിലും ഉച്ചയോടെ മരിയ്ക്കുകയായിരുന്നു. കൊലപാതകം ആസൂത്രിതമാണെന്ന സംശയത്തിലാണ് പൊലീസ്. സംഭവവുമായി ബന്ധപ്പെട്ട് കണ്ടാലറിയാവുന്ന ഏഴുപേര്‍ക്കെതിരെ ടൗണ്‍ പൊലീസ് കേസെടുത്തിട്ടുണ്ട്.
മരണ വിവരം നാട്ടുകാര്‍ അറിഞ്ഞതോടെ പലയിടങ്ങളിലും അക്രമം നടന്നു. കര്‍ണാടക ട്രാന്‍സ്‌പോര്‍ട്ട് ബസ് ഉള്‍പ്പെടെ വാഹനങ്ങള്‍ക്കും കടകള്‍ക്കും നേരെ കല്ലേറുണ്ടായി. ബസ് സര്‍വീസുകള്‍ നിലച്ചു. സ്വകാര്യ വാഹനങ്ങള്‍ തടഞ്ഞിട്ട് തകര്‍ത്തിട്ടുണ്ട്.
കുത്തേറ്റ യുവാവിനെ പ്രവേശിപ്പിച്ച ആശുപത്രി പരിസരത്തും സംഘര്‍ഷമുണ്ടായി. പൊലീസിന്റെ സാന്നിധ്യം കുറഞ്ഞത് അക്രമം പടരാന്‍ ഇടയാക്കി. വൈകുന്നേരത്തോടെ നഗരത്തിലും സംഘര്‍ഷസാധ്യതയുള്ള സ്ഥലങ്ങളിലും പൊലീസിനെ വിന്യസിയ്ക്കുകയായിരുന്നു.
സംഘര്‍ഷസാധ്യത കണക്കിലെടുത്ത് സംഘടിയ്ക്കുന്നതും പ്രകടനം നടത്തുന്നതും നിരോധിച്ചിട്ടുണ്ട്, വൈകീട്ട് ആറിനും രാവിലെ ആറിനുമിടയില്‍ ബൈക്ക് യാത്രയും നിരോധിച്ചിട്ടുണ്ട്. പകല്‍ ഒന്നില്‍ക്കൂടുതല്‍ പേര്‍ ബൈക്കില്‍ സഞ്ചരിക്കരുതെന്നും കളക്ടറുടെ ഉത്തരവില്‍ പറയുന്നു.
