ജൂഡിഷ്യല് അന്വേഷണം; സിപിഎം വാദം തെറ്റ്
എന്നാല് പിണറായി വിജയനോട് ജൂഡിഷ്യല് അന്വേഷണത്തെക്കുറിച്ച് ഒന്നും പറഞ്ഞിട്ടില്ലെന്ന് ആഭ്യന്തരമന്ത്രി തിരുവഞ്ചൂര് രാധാകൃഷ്ണന് പറഞ്ഞതോടെ സി പി എമ്മിന്റെ അവകാശവാദം പൊളിഞ്ഞു. സമരം അവസാനിപ്പിച്ച അന്ന് രാത്രി അഭിനന്ദിക്കാന് വേണ്ടിയായിരുന്നു പിണറായി വിജയനെ വിളിച്ചത്. ജൂഡിഷ്യല് അന്വേഷണത്തെക്കുറിച്ച് ഒന്നുംതന്നെ സംസാരിച്ചില്ല - തിരുവഞ്ചൂര് പറഞ്ഞു.
ബേക്കറി ജംഗ്ഷനില് സംഘര്ഷം ഉണ്ടായപ്പോള് അത് നേരിട്ടെത്തി സ്ഥിതിഗതികള് അവസാനിപ്പിച്ചതിനാണ് പിണറായി വിജയനെ അഭിനന്ദിച്ചതെന്നും തിരുവഞ്ചൂര് രാധാകൃഷ്ണന് ഇന്ത്യാവിഷന് നല്കിയ അഭിമുഖത്തില് പറഞ്ഞു. ജൂഡിഷ്യല് അന്വേഷണപരിധിയില് ആരൊക്കെ വരുമെന്ന് ചര്ച്ച ചെയ്യാനല്ല എന്ന് ആഭ്യന്തരമന്ത്രി തന്നെ തുറന്നുപറഞ്ഞതോടെ ഇത് സംബന്ധിച്ച സി പി എമ്മിന്റെ അവകാശവാദമാണ് പൊളിയുന്നത്.
മുഖ്യമന്ത്രിയുടെ രാജി ആവശ്യപ്പെട്ട് ആരംഭിച്ച സമരം പാതിവഴിയില് നിര്ത്തേണ്ടിവന്നത് സി പി എമ്മിനെ പ്രതിരോധത്തില് ആക്കിയിട്ടുണ്ട്. ജൂഡിഷ്യല് അന്വേഷണം പ്രഖ്യാപിച്ചത് സമരത്തിന്റെ വിജയമാണ് എന്നും സി പി എം നേതാക്കള് അവകാശപ്പെടുന്നുണ്ട്. ജൂഡിഷ്യല് അന്വേഷണത്തിന്റെ പരിധിയില് മുഖ്യമന്ത്രിയും ഓഫീസും ഉള്പ്പെടും എന്നും, ഇക്കാര്യം തങ്ങള്ക്ക് ഉറപ്പുകിട്ടി എന്നും ഇവര് പറയുന്നുണ്ട്.
Click it and Unblock the Notifications
Sign in with Google