20 ലക്ഷം തൊഴിലവസരങ്ങളുമായി ഫ്ളിപ്പ്കാര്ട്ട് എത്തുന്നു
ബംഗളൂരു: ഇന്ത്യയില് 20 ലക്ഷം തൊഴിലവസരങ്ങള് സൃഷ്ടിക്കുമെന്ന് പ്രമുഖ ഇകൊമേഴ്സ് കമ്പനിയായ ഫ്ളിപ്പ്കാര്ട്ട്.
ലോജിസ്റ്റിക്, വെയര്ഹൗസിംഗ് മേഖലകളിലായിരിക്കും 60 ശതമാനം തൊഴിലവസരങ്ങളുമെന്ന് ഫ്ളിപ്പ്കാര്ട്ട് അറിയിച്ചു. ഇ കൊമേഴ്സില് വേഗത്തിലുണ്ടാകുന്ന വളര്ച്ച ഈ മേഖലയില് തൊഴിലവസരങ്ങള് വര്ദ്ധിപ്പിക്കാന് കാരണമാകുന്നു.
രണ്ടാംനിര, മൂന്നാംനിര നഗരങ്ങളില് 50 മുതല് 60ശതമാനത്തോളം തൊഴിലവസരങ്ങള് നടപ്പുവര്ഷത്തില് തന്നെ സൃഷ്ടിക്കാനാകുമെന്നാണ് ഫ്ളിപ്പ്കാര്ട്ടിന്റെ കണക്കുകൂട്ടല്. ഗാര്ഹികോപകരണങ്ങള്, വസ്ത്രങ്ങള്, മൊബൈല് ആക്സസറികള് തുടങ്ങിയവയുടെ വില്പ്പനക്കാര്ക്കാണ് കൂടുതല് തൊഴിലാളികളെ വേണ്ടത്.
കഴിഞ്ഞ വര്ഷം മാത്രം ഇ കൊമേഴ്സ് മേഖലയില് അഞ്ചുലക്ഷം പേര്ക്ക് തൊഴില് നല്കിയതായി ഫ്ളിപ്പ്കാര്ട്ട് വാര്ത്താക്കുറിപ്പില് അറിയിച്ചു. ഇന്ത്യയിലെ 20 നഗരങ്ങളിലെ ചെറുകിട വ്യവസായ മേഖലയില് തല്പരരായവര്ക്ക് പരിശീലനം നല്കാനും ഫ്ളിപ്പ്കാര്ട്ടിനു പദ്ധതിയുണ്ട്.
Click it and Unblock the Notifications
Sign in with Google