കൊച്ചിക്ക് അഭിമാന നേട്ടം: ദക്ഷിണേന്ത്യയിലെ ആദ്യ വയോജന സൗഹൃദ നഗരമായി പ്രഖ്യാപിച്ച് ഡബ്ല്യൂഎച്ച്ഒ
കൊച്ചി: ലോകാരോഗ്യ സംഘടന (വേള്ഡ് ഹെല്ത്ത് ഓര്ഗനൈസേഷന്) വയോജന സൗഹൃദ നഗരമായി പ്രഖ്യാപിക്കുന്ന ദക്ഷിണേഷ്യയിലെ ആദ്യത്തെ നഗരം എന്ന സുപ്രധാന നേട്ടം കൊച്ചി കൈവരിച്ചു. ഇന്നലെ (29.02.2024) വേള്ഡ് ഹെല്ത്ത് ഓര്ഗനൈസേഷന്റെ ആസ്ഥാനമായ ജനീവയില് വെച്ചാണ് ഈ സുപ്രധാനപ്രഖ്യാപനം നടന്നതെന്ന് മേയർ എം അനില് കുമാർ പറഞ്ഞു.
കൊച്ചി നഗരം വയോജനങ്ങൾക്കായി നടത്തുന്ന പദ്ധതികള്ക്ക് അംഗീകാരമെന്ന നിലയിലും തുടര് പ്രവര്ത്തനങ്ങള് മറ്റ് നഗരങ്ങളിലെ പ്രതിനിധികള്ക്ക് മുന്നില് അവതരിപ്പിക്കുന്നതിനുമായി 2024 ജൂണ് 14-ാം തീയതി ലോകാരോഗ്യ സംഘടനയുടെ ലീഡര് ഷിപ്പ് സബ്മിറ്റില് ലോകനഗരങ്ങളുടെ പ്രതിനിധിയായി പങ്കെടുത്തിരുന്നു. വയോജന സൗഹൃദ നഗരം എന്ന പദവി ലഭിക്കുന്നതിന് ഇതും ഒരു പ്രധാന ഘടകമായിരുന്നു.
മുതിര്ന്ന പൗരന്മാര്ക്ക് ആവശ്യമായ അടിസ്ഥാന സൗകര്യം ഒരുക്കുന്നതിലും മാനസികവും ശാരീരികാരോഗ്യത്തിനും അനുകൂലമായ സാഹചര്യം സൃഷ്ടിക്കുന്നതിനുമായി കഴിഞ്ഞ മൂന്നുവര്ഷമായി കൊച്ചി നഗരസഭ നടത്തിയ പരിശ്രമങ്ങള്ക്കായുള്ള അംഗീകാരമാണ് ഈ വലിയ നേട്ടം. മാജിക്സ് എന്ന സന്നദ്ധ സംഘടന, ഐ.എം.എ. എന്നീ സ്ഥാപനങ്ങളുമായി സഹകരിച്ച് ലോകാരോഗ്യ സംഘടനയുടെ നിര്ദ്ദേശങ്ങള്ക്കടിസ്ഥാനമാക്കിയുള്ള നൂതന പദ്ധതികളും പരിപാടികളും നഗരസഭ ഈ കാലയളവില് നടപ്പിലാക്കി.
പൊതുയിടങ്ങളും കെട്ടിടങ്ങളും വയോജന സൗഹൃദമാക്കുക, മുതിര്ന്നവരുടെ സാമൂഹികമായ ജീവിതത്തിന് ഉതകുന്ന സൗകര്യങ്ങള് ഒരുക്കുക, വയോജനങ്ങള്ക്ക് ആരോഗ്യസേവനങ്ങള് ലഭ്യമാക്കുക, കോളേജുകളുമായി സഹകരിച്ച് നൂതന സാങ്കേതികവിദ്യയിലുള്ള പരിശീലനം ലഭ്യമാക്കുന്ന വയോവിജ്ഞാനം പദ്ധതി, വയോജനങ്ങള്ക്ക് മാത്രമായുള്ള സീനിയര് ടാക്സി സര്വീസ്, മാതൃകാ സായം പ്രഭ പകല് വീട് എന്നിവയടക്കമുള്ള നിരവധി നൂതന പദ്ധതികള് കഴിഞ്ഞ മൂന്ന് വര്ഷങ്ങളിലായി കൊച്ചി നഗരസഭ നടപ്പിലാക്കിയിട്ടുണ്ടെന്നും മേയർ പറയുന്നു.
മുതിര്ന്ന പൗരന്മാര്ക്കായുള്ള ദന്തസംരക്ഷണത്തില് ഊന്നിയുള്ള വയോസ്മിതം പദ്ധതി, വയോജനങ്ങളുടെ വിനോദസഞ്ചാര പരിപാടിയായ ജെറിയാട്രിക് ടൂറിസം പദ്ധതി, മുതിര്ന്ന പൗരന്മാര്ക്കായുള്ള കായികമേള, മുതിര്ന്ന പൗരന്മാരുടെ പ്രതിഭ കണ്ടെത്തുന്നതിനായുള്ള വയോപ്രതിഭ പദ്ധതി എന്നിവയും ഇതിനകം നടപ്പിലാക്കിയിട്ടുണ്ട്. വയോമിത്രം പദ്ധതിയില് ഉള്പ്പെടുന്ന ശരാശരി നാലായിരത്തോളം വയോജനങ്ങള്ക്ക് പ്രയോജനമാകും വിധം വിവിധ പദ്ധതികള് നടപ്പിലാക്കി വരുന്നുണ്ട്. തേവരയിലെ വൃദ്ധസദനം മന്ദിരം, മൂന്ന് ഓള്ഡ് എയ്ജ് ഹോം ക്ലിനിക്കുകള് എന്നിവ അടക്കം 45ഓളം ക്ലിനിക്കുകള് വയോജനങ്ങള്ക്കായി നഗരസഭ നടത്തിവരുന്നുണ്ട്.
ജീവിതശൈലീ രോഗങ്ങള് അടക്കമുള്ള വാര്ദ്ധക്യ സഹജമായ എല്ലാ രോഗങ്ങള്ക്കുമുള്ള മരുന്നുകളും ഇന്സുലിന് അടക്കമുള്ള മറ്റ് അവശ്യ മരുന്നുകളും വയോജനങ്ങള്ക്കായി നല്കിവരുന്നുണ്ട്. 45 ക്ലിനിക്കുകളും കേന്ദ്രീകരിച്ച് വയോജന ക്ലബ്ബുകള് രൂപീകരിച്ചിട്ടുണ്ട്. ഈ ക്ലബ്ബ് മുഖേന വിനോദയാത്രാ, കലാപ്രദര്ശങ്ങള്, സൗഹൃദ ചര്ച്ചകള്, യോഗാ ക്ലാസ്, ബോധവത്ക്കരണ ക്ലാസ് എന്നിവയും സംഘടിപ്പിച്ചുവരുന്നുണ്ട്. വയോജനങ്ങള്ക്ക് നിയമസഹായം ലഭ്യമാക്കുന്നതിനുള്ള പദ്ധതിയും കൊച്ചി നഗരസഭ നടപ്പിലാക്കിയിട്ടുണ്ട്.
മുതിര്ന്നവര്ക്ക് എല്ലാ മേഖലയുമായി ബന്ധപ്പെട്ട സഹായത്തിനു വേണ്ടി രൂപീകരിച്ചിട്ടുള്ള എല്ഡര് ഹെല്പ്പ് ലൈന് പദ്ധതി, എമര്ജന്സി മാനേജ് മെന്റ് ആന്റ് എമര്ജന്സി അലേര്ട്ട് സംവിധാനം, കായിക വിനോദ മേഖലയില് മുതിര്ന്ന പൗരന്മാര്ക്കൊപ്പം വിവിധ പ്രായവിഭാഗങ്ങളെ ഉള്ക്കൊള്ളിച്ചുകൊണ്ടുള്ള ജെനറേഷന് ഗെയിം പദ്ധതി, പ്രായമായവരിലെ പോഷകാഹാരശീലം വര്ദ്ധിപ്പിക്കുന്നതിനായുള്ള മൈക്രോഗ്രീന്സ് പദ്ധതി, മുതിര്ന്ന പൗരന്മാര്ക്ക് അവരുടെ വീടുകളിലെ അറ്റകുറ്റപ്പണികള് യഥാസമയം ചെയ്തു നല്കുന്നതിനായുള്ളാ ഹോം മെയിന്റനന്സ് സേവനങ്ങള്, വയോജനങ്ങള്ക്ക് ആവശ്യമായ സൈക്കോളജിക്കല് കൗണ്സിലിംഗ്, ഹോം കൗണ്സിലിംഗ്, വൈദ്യ സഹായം തുടങ്ങിയവ ലഭ്യമാക്കുന്നതിനുള്ള സല്ലാപം തുടങ്ങീ പദ്ധതികള്ക്കും തുടക്കം കുറിക്കാന് ഇതിനകം സാധിച്ചിട്ടുണ്ട്.
സജീവമായ വാര്ദ്ധക്യത്തെ പ്രോത്സാഹിപ്പിക്കുന്നതിനും പ്രായമായ പൗരന്മാര്ക്ക് അനുകൂലമായ അന്തരീക്ഷം സൃഷ്ടിക്കുന്നതിനുമുള്ള കൊച്ചിയുടെ പ്രതിബദ്ധത ലോകമെമ്പാടുമുള്ള നഗരങ്ങള്ക്ക് പ്രചോദനമാകുന്നതിന് കൊച്ചിക്ക് ലഭിച്ച ഈ രാജ്യാനന്തര അംഗീകാരം തീര്ച്ചയായും കാരണമാകും. എല്ലാ പ്രായത്തിലുള്ളവരെയും ഉള്ക്കൊള്ളുന്ന ഒരു സമൂഹം സൃഷ്ടിക്കുന്നതിന് ഈ അംഗീകാരം കൊച്ചിയെ സഹായിക്കും. സംതൃപ്തവും മാന്യവുമായ ജീവിതം നയിക്കാന് മുതിര്ന്നവരെ പിന്തുണയ്ക്കുന്നതിന് ദേശീയ-അന്തര്ദേശീയ സഹകരണങ്ങള് ഇതിലൂടെ ലഭ്യമാകും. നയപരമായ തീരുമാനങ്ങള് എടുക്കുന്നതിന് ലോകത്തിന്റെ മറ്റ് ഭാഗങ്ങളുമായി അനുഭവങ്ങള് പങ്കിടാനുള്ള അവസരവും കൊച്ചി നഗരത്തിനും നമ്മുടെ സംസ്ഥാനത്തിനും ഈ പദവിയിലൂടെ ലഭ്യമാകും.
നഗരസഭയുടെ 2024-25 സാമ്പത്തിക വര്ഷത്തെ ബജറ്റില് എറ്റവും പ്രാധാന്യം നല്കിയ മേഖല വയോജന സൗഹൃദം ആയിരുന്നു. കൊച്ചിയെ വയോജന സൗഹൃദ നഗരമാക്കുന്നതിന് ആവിഷ്ക്കരിച്ച് നടപ്പിലാക്കുന്ന പദ്ധതികള്ക്കായി 5 കോടി രൂപയാണ് ഈ സാമ്പത്തിക വര്ഷത്തെ ബജറ്റില് നീക്കിയിരിക്കുന്നത്. കൊച്ചിയെ വയോജന സൗഹൃദ നഗരമാക്കി മാറ്റുന്നതിനുള്ള പദ്ധതികളില് കൊച്ചി നഗരസഭയോടൊപ്പം സഹകരിച്ച മാജിക്സ്, ഐ.എം.എ. തുടങ്ങിയ എല്ലാ സംഘനകളേയും ഈ അവസരത്തില് അഭിനന്ദിക്കുന്നുവെന്നും മേയർ പറഞ്ഞു.
-
സ്വർണം വില കത്തിക്കയറി; വിഷുവിന് ഒരു പവൻ വാങ്ങാൻ കാത്തിരുന്നവർക്ക് തിരിച്ചടി, ഇന്നത്തെ വില അറിയാം -
'ഡിറ്റാച്ച്മെൻ്റ് പഠിച്ചാൽ പിന്നെ മറ്റൊന്നും നിങ്ങളെ ഒന്നും ബാധിക്കില്ല';മഞ്ജു വാര്യർ -
'കറുപ്പിന്റെ ഭീകരത കണ്ടാൽ പെറ്റ തള്ള പോലും സഹിക്കില്ല'; ആ കളിയാക്കൽ..ആർഎൽവി രാമകൃഷ്ണൻ -
സ്വർണത്തിന് വീഴാനുള്ള പ്ലാനൊന്നും അല്ല..പവൻ വിലയിൽ 40,000ത്തിൻ്റെ വർധനവ് ഉണ്ടാകും..പ്രവചനം -
ദിലീപിനെ വിട്ടിറങ്ങിയത് പത്ത് പൈസയില്ലാതെ, ഇന്ന് മഞ്ജു ഒരു സിനിമയ്ക്ക് വാങ്ങുന്നത്! കയ്യിൽ വമ്പൻ ബ്രാൻഡുകളും -
‘നാല് മന്ത്രിമാർ തോൽക്കും’- 80 സീറ്റ് ഉറപ്പെന്ന് യുഡിഎഫ് ജില്ലാ കമ്മിറ്റികളുടെ റിപ്പോർട്ട് -
ഗജകേസരി യോഗം അക്ഷയ തൃതീയയിൽ; സ്വർണം വാങ്ങും, ഈ രാശിക്കാർക്ക് ബമ്പർ നേട്ടം, പണം ഒഴുകും! -
'മഞ്ചേശ്വരത്ത് ബിജെപി ജയിക്കാതിരിക്കാൻ നിലപാട് എടുത്തു, നേമത്ത് പിന്തുണ ശിവൻകുട്ടിക്ക്'; എസ്ഡിപിഐ -
വൈദ്യുതി ബില്ല് കണ്ട് ഷോക്കടിച്ചോ? സ്മാർട്ട് മീറ്ററിലെ ഈ രഹസ്യ വിദ്യയിലൂടെ ബില്ല് പകുതിയായി കുറയ്ക്കാം! -
തമിഴ്നാട്ടിൽ വിജയ്ക്കും ടിവികെയ്ക്കും ഒരു സ്വാധീനവുമില്ലെന്ന് ശരത് കുമാർ; 'പോരാട്ടം അവർ തമ്മിൽ' -
കുടുംബസ്വത്ത് അനുഭവയോഗത്തില് വരും, വസ്തു,വാഹനാദികള് സമ്പാദിക്കും, കച്ചവടക്കാര്ക്കു ലാഭം വര്ധിക്കും, നാൾഫലം -
ചരിത്രത്തിലാദ്യമായി ബീഹാറിന് ബിജെപി മുഖ്യമന്ത്രി, സാമ്രാട്ട് ചൗധരിയുടെ സത്യപ്രതിജ്ഞ ബുധനാഴ്ച
Click it and Unblock the Notifications
Sign in with Google