എംഎല്എയുടെ ഇടപെടല്: ആഘോഷ കമ്മിറ്റിയുടെ അക്കൗണ്ടിലേക്ക് പണമെത്തി, ഇനി ഓണം തകര്ക്കും!!
കൊച്ചി: തൃക്കാക്കര നഗരസഭയ്ക്ക് ഒരു എംഎല്എ ഉണ്ട്. ഈ വാക്കുകള് അന്വര്ത്ഥമാക്കി ഉമാ തോമസ്. നഗരസഭയിലെ ഭരണസമിതിയുടെ പരാതിക്ക് പരിഹാരം കണ്ടിരിക്കുകയാണ് എംഎല്എ. ഓണാഘോഷത്തിന് പണമില്ലെന്ന പേടി എല്ലാ കൊല്ലത്തെയും പോലെ ഇത്തവണ നഗരസഭാ ഭരണസമിതിക്കുണ്ടായിരുന്നു.
എന്നാല് ഉമാ തോമസ് എംഎല്എയുടെ ഇടപെടലിനെ തുടര്ന്ന് ഇതിനൊരു പരിഹാരമായിരിക്കുകയാണ്. അവധിയില് പ്രവേശിച്ചിരുന്ന നഗരസഭാ സെക്രട്ടറി ബി അനില് കുമാര് തിങ്കളാഴ്ച്ച തിരികെ വന്നു. മിനുട്ടുകള്ക്കുള്ളില് ആഘോഷ കമ്മിറ്റിയുടെ അക്കൗണ്ടിലേക്ക് പണവുമെത്തി.
24 ലക്ഷം രൂപയാണ് അക്കൗണ്ടിലേക്ക് നിക്ഷേപിച്ചത്. ഓണാഘോഷ പരിപാടിയില് പങ്കെടുത്ത് സദ്യയും കഴിച്ചാണ് അനില് കുമാര് മടങ്ങിയത്. തൃക്കാക്കര നഗരസഭയുടെ ഓണാഘോഷത്തിനായി സര്ക്കാര് 25 ലക്ഷം രൂപ നേരത്തെ അനുവദിച്ചതാണ്. എന്നാല് ഇതിന് ശേഷം വന് പ്രശ്നങ്ങളാണ് നടന്നത്.
ഈ പണം ഓണാഘോഷ കമ്മിറ്റിയുടെ അക്കൗണ്ടിലേക്ക് ഇടാതെ മുനിസിപ്പല് സെക്രട്ടറി അവധിയില് പ്രവേശിപ്പിച്ചെന്ന ആരോപണവുമായി നഗരസഭാ ചെയര്പേഴ്സണ് അജിത തങ്കപ്പന് രംഗത്തെത്തുകയായിരുന്നു. ഇതോടെ വലയ വിവാദമാണ് ഉയര്ന്നത്.
എംഎല്എ ഈ വിഷയത്തില് പിന്നാലെ തന്നെ ഇടപെട്ടു. തിങ്കളാഴ്ച്ച തന്നെ പണം കൈമാറാനുള്ള നടപടി സ്വീകരിക്കണമെന്ന് എംഎല്എ താക്കീത് നല്കി. ഇതോടെയാണ് നഗരസഭാ സെക്രട്ടറി നേരിട്ട് വന്ന് പണം നല്കിയത്. എംഎല്എ താക്കീത് നല്കിയതോടെയാണ് പണം ലഭിച്ചതെന്ന് തൃക്കാക്കര ഭരണസമിതി പറയുന്നു.
അതേസമയം താന് ഓണം അലവന്സ് നല്കാനാണ് നഗരസഭയില് എത്തിയതെന്ന് സെക്രട്ടറി ബി അനില് കുമാര് പറഞ്ഞു. എന്തായാലും സംഭവം നഗരസഭയ്ക്ക് തന്നെ നാണക്കേടായി മാറിയിരിക്കുകയാണ്. ഭരണസമിതിയിലെ തന്നെ അംഗങ്ങളുടെ പരസ്പര പോര് തീര്ക്കാന് ഒടുവില് എംഎല്എ ഇടപെടേണ്ടി വന്നുവെന്നാണ് വിമര്ശനം.
അതേസമയം നഗരസഭ റിജ്യനല് ജോയിന്റ് ഡയറക്ടറുടെ നിര്ദേശപ്രകാരം തൊഴിലുറപ്പ് തൊഴിലാളികള്ക്കും ഹരിത കര്മ സേനയുള്പ്പെടെയുള്ള തൊഴിലാളികള്ക്കും ഹരിത കര്മ സേനയുള്പ്പെടെയുള്ള തൊഴിലാളികള്ക്കും അലവന്സ് വിതരണം പൂര്ത്തിയാക്കിയാണ് മടങ്ങുന്നതെന്നും സെക്രട്ടറി വ്യക്തമാക്കി.
എന്നാല് എന്തുകൊണ്ട് ആഘോഷങ്ങള്ക്കുള്ള പണം നേരത്തെ നല്കിയില്ല എന്ന ചോദ്യത്തിന് ഇതുവരെ ഉത്തരം ലഭിച്ചിട്ടില്ല. ഇത്തവണ പണമുണ്ടായിട്ടും എന്തുകൊണ്ടാണ് അത് കൈയ്യില് വെച്ചിരുന്നതെന്നതിനും ഉത്തരമില്ല. സമിതിയിലെ അംഗങ്ങള് തമ്മില് പരസ്പര വിശ്വാസമില്ലായ്മയാണ് പ്രശ്നങ്ങള്ക്ക് കാരണമെന്നും വിലയിരുത്തലുണ്ട്.
-
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന് -
'മഞ്ജു വാര്യർ കോടിക്കണക്കിന് രൂപയാണ് ഇങ്ങനെ സമ്പാദിക്കുന്നത്,ഏതൊക്കെ കോലത്തിലാണ് വരുന്നത്';ശാന്തിവിള ദിനേശ് -
ഒരു ആപ്പിൾ ഐഫോൺ വാങ്ങാൻ ആഗ്രഹിക്കാത്തവർ ആരുണ്ട്? എങ്കിൽ ഐഫോൺ 15 തന്നെയാവാം, വില? -
മോഹൻലാലിൻ്റെ ആഡംബര വസതികൾ കണ്ണുതള്ളിക്കും; ദുബായിൽ 25 കോടിയുടെ ഫ്ലാറ്റ്, ഊട്ടിയിൽ ആഡംബര വില്ല,കൊച്ചിയിലും -
തമിഴ്നാട്ടിൽ ബിജെപി-ടിവികെ സഖ്യമോ? ചുക്കാൻ പിടിക്കുന്നത് പവൻ കല്യാൺ? ഒടുവിൽ ആ തീരുമാനം അറിയിച്ചു -
കേരളം കിട്ടിയില്ലെങ്കിൽ എന്താ, തമിഴ്നാട് ബിജെപിയുടെ കൈകളിലേക്ക്?.ഡിഎംകെയ വീഴ്ത്തുമെന്ന് സർവ്വെ -
എൽഡിഎഫും യുഡിഎഫും ഒപ്പത്തിനൊപ്പമെത്തും, കിംഗ് മേക്കറാകുമോ ബിജെപി? മാട്രിസ്-ഐഎഎന്സ് സർവ്വേ ഫലം -
നടന് വിജയിയെ വിടാതെ ബിജെപി; കുടുങ്ങിയത് എഐഎഡിഎംകെ, സെങ്കോട്ടയ്യന് ഡിഎംകെ പിടിക്കുമോ -
'12ാം വയസില് കുഞ്ഞാലിക്കുട്ടിയെ കാണാന് തുടങ്ങിയതാ'; സബാഹ് രണ്ടുംകല്പ്പിച്ച്, കണക്കുകള് അനുകൂലം -
കൊയിലാണ്ടി, ബാലുശ്ശേരി നിലനിർത്തുക സിപിഎമ്മിന് വെല്ലുവിളി; തിരുവമ്പാടിയിലും കനത്ത പോരാട്ടം ഉറപ്പ് -
കണ്ണൂരിൽ പൊട്ടിത്തെറി: മുതിർന്ന സിപിഎം നേതാവ് ടികെ ഗോവിന്ദൻ പാർട്ടി വിട്ടു
Click it and Unblock the Notifications
Sign in with Google