Click it and Unblock the Notifications
Just In
Don't Miss
-
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
IPL 2024: ഇംപാക്ട് പ്ലെയര് ബൗളര്മാരെ ദുര്ബലരാക്കുന്നു; ബാറ്റിംഗിനെ സഹായിക്കുന്നുവെന്ന് ബുംറ -
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ഗൗരിയമ്മയുടെ ജെഎസ്എസ് സിപിഎമ്മില്‍ ലയിക്കുന്നു
തിരുവനന്തപുരം: കെ ആര്‍ ഗൗരിയമ്മയുടെ പാര്‍ട്ടിയായ ജെഎസ്എസ് സിപിഎമ്മില്‍ ലയിക്കാന്‍ ഏകദേശ ധാരണയായതായി റിപ്പോര്‍ട്ട്. ഇതുമായി ബന്ധപ്പെട്ട് കോടിയേരി ബാലകൃഷ്ണന്‍ ഗൗരിയമ്മയുമായി നടത്തിയ ചര്‍ച്ചയില്‍ അന്തിമ തീരുമാനമായതായും ഔദ്യോഗിക പ്രഖ്യാപനം ഉടന്‍ ഉണ്ടാകുമെന്നും ജെഎസ്എസ്സുമായി അടുത്ത വൃത്തങ്ങള്‍ സൂചിപ്പിച്ചു.
നേരത്തെ പാര്‍ട്ടിയെ എല്‍ഡിഎഫില്‍ എടുക്കണമെന്നും സിപിഎമ്മില്‍ ലയിക്കുന്ന പ്രശ്‌നമില്ലെന്നുമായിരുന്നു ഗൗരിയമ്മയുടെ നിലപാട്. എന്നാല്‍ കോടിയേരി ബാലകൃഷ്ണന്‍ സെക്രട്ടറി സ്ഥാനം ഏറ്റടുത്തതിനുശേഷം ജെഎസ്എസ് പ്രവര്‍ത്തകരെ സിപിഎമ്മിലേക്ക് തിരികെയെത്തിക്കാന്‍ ശ്രമം തുടങ്ങിയിരുന്നു. പ്രധാന നേതാക്കള്‍ അനുകൂല നിലപാട് സ്വീകരിച്ചതോടെയാണ് ഗൗരിയമ്മയും തറവാട്ടിലേക്ക് മടങ്ങാന്‍ തീരുമാനിച്ചത്.
തന്റെ കൂടെ സിപിഎം വിട്ടവര്‍ക്ക് തിരികെ എത്തുമ്പോള്‍ സ്ഥാനങ്ങള്‍ നല്‍കണമെന്നാണ് ഗൗരിയമ്മയുടെ പ്രധാന ഉപാധി. ഈ ഉപാധി സിപിഎമ്മില്‍ ചര്‍ച്ച ചെയ്തശേഷം അറിയിക്കാമൈന്ന് കോടിയേരി ഉറപ്പു നല്‍കിയിട്ടുണ്ട്. ഗൗരിയമ്മയുടെ ചാത്തനാട്ടെ വീട്ടില്‍ ചേര്‍ന്ന യോഗത്തില്‍ ഭൂരിപക്ഷം ജെഎസ്എസ് നേതാക്കളും സിപിഎമ്മിലേക്ക് മടങ്ങാന്‍ താത്പര്യം പ്രകടിപ്പിച്ചു.
ജെഎസ്എസ് പാര്‍ട്ടിയിലേക്ക് തിരികെ എത്തുന്നതോടെ ആലപ്പുഴയില്‍ സിപിഎമ്മിനെ കൂടുതല്‍ ശക്തിപ്പെടുത്താന്‍ സാധിക്കുമെന്നാണ് പാര്‍ട്ടി വിലയിരുത്തല്‍. പാര്‍ട്ടി വിട്ടുപോയവരെയും മുന്നണി വിട്ടുപോയവരെയും അടുത്ത പഞ്ചായത്ത് തെരഞ്ഞെടുപ്പിന് മുന്‍പായി തിരികെ എത്തിക്കുകയാണ് സെക്രട്ടറിയായി സ്ഥാനമേറ്റശേഷം കോടിയേരിയുടെ പ്രഥമ ദൗത്യം.
