ജലനിരപ്പ് ഉയരുന്നു: ഇടുക്കി ഡാം ചൊവ്വാഴ്ച രാവിലെ 6ന് തുറക്കും, ജാഗ്രതാ നിര്ദ്ദേശം
ഇടുക്കി: ജലനിരപ്പ് ക്രമാധീതമായി ഉയരുന്ന സാഹചര്യത്തില് ഇടുക്കി ഡാം ചൊവ്വാഴ്ച രാവിലെ 6 മണി മുതല് ഡാമിന്റെ ഒരു ഷട്ടര് 40 സെമി മുതല് 150 സെമി വരെ ഉയര്ത്തി 40 മുതല് 150 ക്യൂമെക്സ് വരെ നിയന്ത്രിത അളവില് ജലം പുറത്തേക്ക് ഒഴുക്കി വിടുമെന്ന് അധികൃതര് അറിയിച്ചു. ചെറുതോണി ഡാമിന്റെ താഴെ പ്രാദേശത്തുള്ളവരും പെരിയാറിന്റെ ഇരുകരകളിലുള്ളവരും അതീവ ജാഗ്രത പാലിക്കണമെന്ന് ജില്ലാ കളക്ടര് അറിയിച്ചു.
ചെറുതോണി ടൗണ് മുതല് പെരിയാറിനെ ഇരുകരകളിലും ഉള്ളവര് അതീവ ജാഗ്രത പാലിക്കണം. ഡാം തുറക്കുന്ന സമയം വെള്ളപ്പാച്ചില് ഉണ്ടാകുന്ന സ്ഥലങ്ങളില് പുഴ മുറിച്ചു കടക്കുന്നത് നിരോധിച്ചിരിക്കുന്നു. ഈ സ്ഥലങ്ങളിലെ പുഴകളില് മീന്പിടുത്തം നിരോധിച്ചു. നദിയില് കുളിക്കുന്നതും തുണി അലക്കുന്നതും ഒഴിവാക്കുക. ഈ മേഖലകളില് വിനോദസഞ്ചാരത്തിന് നിയന്ത്രണം ഏര്പ്പെടുത്തിയിട്ടുണ്ട്. പൊതുജനങ്ങള് പോലീസിന്റെ നിര്ദ്ദേശങ്ങള് കര്ശനമായി പാലിക്കണം. മാധ്യമപ്രവര്ത്തകര് അവര്ക്ക് അനുവദിച്ചിരിക്കുന്ന സ്ഥലങ്ങളില് നിന്ന് മാത്രം ചിത്രീകരണം നടത്തണമെന്ന് ജില്ലാ ഭരണകൂടം അറിയിച്ചു.
അതേസമയം, ജലനിരപ്പ് ഉയര്ന്നതിന്റെ പശ്ചാത്തലത്തില് മുല്ലപ്പെരിയാര് അണക്കെട്ടിലെ ഷട്ടറുകള് കൂടുതല് ഉയര്ത്തിയിരുന്നു. ഒമ്പത് ഷട്ടറുകള് 120 സെമി അധികമായാണ് ഉയര്ത്തിയത്. ഇതോടെ 1256.09 ക്യുസെക്സ് ജലം പെരിയാറിലേക്ക് എത്തും. ഷട്ടറുകള് ഉയര്ത്തിയ സാഹചര്യത്തില് പെരിയാറിന്റെ ഇരു കരയിലും താമസിക്കുന്നവര് ജാഗ്രത പാലിക്കണമെന്ന് ജില്ലാ ഭരണകൂടം നിര്ദ്ദേശിച്ചിട്ടുണ്ട്. ജനങ്ങള് പരിഭ്രാന്തരാകേണ്ട ആവശ്യമില്ലെന്നും എല്ലാ മുന് കരുതലുകളും സ്വീകരിച്ചിട്ടുണ്ടെന്ന് ജില്ലാ കളക്ടര് വ്യക്തമാക്കി.
ഇതിനിടെ തമിഴ്നാടിനെതിരെ വിമര്ശനവുമായി ജലവിഭവ വകുപ്പ് മന്ത്രി റോഷി അഗസ്റ്റിന് രംഗത്തെത്തി. മുല്ലപ്പെരിയാറിന്റെ ഷട്ടറുകള് രാത്രി തുറന്നുവിടുന്നത് അംഗീകരിക്കാനാവില്ലെന്ന് റോഷി അഗസ്റ്റിന് പറഞ്ഞു. തമിഴ്നാട് സര്ക്കാര് ഇങ്ങനെ ചെയ്യാന് പാടില്ലെന്നും എല്ലാ മുന്കരുതലുകളും സ്വീകരിച്ചിട്ടുണ്ടെന്നും മന്ത്രി വ്യക്തമാക്കി. കഴിഞ്ഞ ദിവസം മുല്ലപ്പെരിയാറില് വെള്ളം തുറന്നു വിട്ടതിനെ തുടര്ന്നു വെള്ളം കയറിയ വള്ളക്കടവിലുള്ള വീടുകള് ഇന്നലെ മന്ത്രി സന്ദര്ശിച്ചിരുന്നു. മഴ ഭീഷണി നിലനില്ക്കുന്നതിനാല് ക്യാന്വുകളിലേക്ക് മാറാന് അധികൃതര് ആവശ്യപ്പെട്ടിട്ടും വിസമ്മതിച്ച കുടുംബങ്ങളെയും നേരില് കണ്ട് മന്ത്രി സ്ഥിതിഗതികള് വിശദീകരിച്ചിരുന്നു. സുരക്ഷിത സ്ഥാനങ്ങളിലേക്ക് മാറ്റി. വാഴൂര് സോമന് എം എല് എ, ജില്ലാ കളക്ടര് ഷീബാ ജോര്ജ് എന്നിവരും ഒപ്പമുണ്ടായിരുന്നു.
മുല്ലപ്പെരിയാര് വിഷയത്തില് നേരത്തെ മുഖ്യമന്ത്രി പിണറായി വിജയന് തമിഴ്നാട് മുഖ്യമന്ത്രിക്ക് കത്ത് എഴുതിയിരുന്നു. മുല്ലപ്പെരിയാര് ഡാമില് നിന്നും കൃത്യമായ മുന്നറിയിപ്പില്ലാതെ വെള്ളം തുറന്നു വിടുന്നത് സുരക്ഷാ പ്രശ്നമുണ്ടാക്കുന്ന സാഹചര്യത്തില് എത്രയും പെട്ടെന്ന് പരിഹാര നടപടി സ്വീകരിക്കണമെന്നാണ് മുഖ്യമന്ത്രി കത്തില് ആവശ്യപ്പെട്ടത്. ഡാം സൈറ്റില് ഉദ്യോഗസ്ഥരുടെ നേതൃത്വത്തില് നിരന്തരമായ നിരീക്ഷണം ഉണ്ടാകണമെന്നും, ഷട്ടറുകള് തുറക്കുന്നത് കൃത്യമായ ആസൂത്രണത്തോടെയും മുന്നറിയിപ്പോടേയും ആയിരിക്കണമെന്നും ആവശ്യപ്പെട്ടു. മുന്നറിയിപ്പില്ലാതെ രാത്രിയിലും അതിരാവിലെയും വെള്ളം പുറന്തള്ളുന്നതു വഴി പരിഭ്രാന്തിയും അപകടസാധ്യതയും സൃഷ്ടിക്കപ്പെടുന്ന സാഹചര്യം ഒഴിവാക്കണമെന്നും മുഖ്യമന്ത്രി ആവശ്യപ്പെട്ടിരുന്നു.
കേരളത്തിലെ ജനങ്ങളുടെ സുരക്ഷ ഉറപ്പാക്കുമ്പോള് തന്നെ തമിഴ്നാടിന് ആവശ്യത്തിന് വെള്ളം ലഭിക്കണം എന്നതാണ് കേരള സര്ക്കാരിന്റെ അഭിപ്രായം. 2021 നവംബര് 30ന് വണ്ടിപെരിയാര് പോലുള്ള താഴ്ന്ന പ്രദേശങ്ങളിലെ ഉയര്ന്ന ജല നിരപ്പും ജനങ്ങള് അനുഭവിക്കുന്ന ആശങ്കയും സംബന്ധിച്ച് കേരള ചീഫ് സെക്രട്ടറി തമിഴ്നാട് ചീഫ് സെക്രട്ടറിക്ക് മുന്നറിയിപ്പ് നല്കിയിരുന്നു. ഏകദേശം 5700 ക്യൂസെക്സ് എന്ന തോതില് ഷട്ടള് തുറന്നതാണ് ജല നിരപ്പ് ഉയരാന് കാരണമായത്. പ്രദേശത്തെ വീടുകള് വെള്ളത്തിനടിയിലായതും വെള്ളപ്പൊക്കത്തിന് കാരണമായതും ഇതിനാലാണെന്നും മുഖ്യമന്ത്രി പറഞ്ഞു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ
Click it and Unblock the Notifications
Sign in with Google