Click it and Unblock the Notifications
Just In
Don't Miss
-
അവളെ എനിക്ക് മടുക്കില്ല, അവളെ ആശ്രയിച്ചാണ് ഞാനുള്ളത്; ഭാര്യയെക്കുറിച്ച് ധ്യാന് പറഞ്ഞത് -
ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന് -
ദാമ്പത്യത്തിന്റെ ഒന്നാമത്തെ നിയമം: വിവാഹജീവിതത്തിലേക്ക് കുടുംബക്കാരെ പ്രവേശിപ്പിക്കാതിരിക്കുക -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
ജിഎസ്ടി:തമിഴ്‌നാട്ടില്‍ അനിശ്ചിതകാല തിയേറ്റര്‍ സമരം, മറ്റു വഴികള്‍ തേടുമെന്ന് നിര്‍മ്മാതാക്കള്‍..
ആയിരത്തിലധികം തിയേറ്ററുകള്‍ അടച്ചിട്ടിരിക്കുന്നു
ചെന്നൈ: ജിഎസ്ടിയില്‍ തദ്ദേശ സ്ഥാപനങ്ങള്‍ക്ക് വിനോദ നികുതി ഈടാക്കുന്നതില്‍ പ്രതിഷേധിച്ച് തമിഴ്‌നാട്ടിലെ തിയേറ്റര്‍ ഉടമകള്‍ പ്രഖ്യാപിച്ച അനിശ്ചിതകാല തിയേറ്റര്‍ സമരം ആരംഭിച്ചു. 1100 ഓളം തിയേറ്ററുകള്‍ തീരുമാനത്തില്‍ പ്രതിഷേധിച്ച് അടച്ചിട്ടിരിക്കുകയാണ്. ജിഎസ്ടി പ്രകാരം 58 ശതമാനമാണ് നികുതിയിനത്തില്‍ തിയേറ്റര്‍ ഉടമകള്‍ നല്‍കേണ്ടി വരിക. ജിഎസ്ടിയുടെ 28 ശതമാനം നികുതിയും മുന്‍സിപ്പല്‍ കോര്‍പ്പറേഷനു നല്‍കേണ്ട 30 ശതമാനം നികുതിയും ഉള്‍പ്പെടുത്തിയാണ് ഇത്. നികുതിയില്‍ മാറ്റം വരുത്തണമെന്നാവശ്യപ്പെട്ടാണ് പ്രതിഷേധം.
ഞായറാഴ്ച വരെ ടിക്കറ്റുകള്‍ പഴയ നിരക്കിലാണ് വിറ്റത്. സമരത്തിന്റെ ഭാഗമായി പ്രതിഷേധ സമരവും സംഘടിപ്പിക്കുമെന്ന് തമിഴ്‌നാട് ഫിലിം പ്രൊഡ്യൂസേഴ്‌സ് കൗണ്‍സില്‍ അദ്ധ്യക്ഷന്‍ വിശാല്‍ അറിയിച്ചു. അധിക നികുതി ഏര്‍പ്പെടുത്തിയത് സിനിമാ മേഖലയില്‍ വലിയ പ്രതിസന്ധികള്‍ സൃഷ്ടിക്കുമെന്നും വിശാല്‍ പറഞ്ഞു. ജിഎസ്ടിയില്‍ മാറ്റം വരുത്തിയില്ലെങ്കില്‍ മുന്‍സിപ്പല്‍ കോര്‍പ്പറേഷന്റെ നികുതി ഒഴിവാക്കാന്‍ സര്‍ക്കാര്‍ വേണ്ട ഇടപെടലുകള്‍ നടത്തണമെന്ന് തമിഴ്‌നാട് ഫിലിം പ്രൊഡ്യൂസേഴ്‌സ് കൗണ്‍സില്‍ ആവശ്യപ്പെട്ടു.
അതേസമയം തിയേറ്ററുകള്‍ അനിശ്ചിത കാലത്തേക്ക് അടച്ചിടാനാണ് ഉടമകളുടെ തീരുമാനമെങ്കില്‍ സിനിമാ റിലീസിന് മറ്റു മാര്‍ഗ്ഗങ്ങള്‍ തേടുമെന്ന് നിര്‍മ്മാതാക്കള്‍ അറിയിച്ചു. സമരം സര്‍ക്കാരിനെതിരെയുള്ള നീക്കമല്ലെന്നും മറ്റു മാര്‍ഗ്ഗങ്ങളില്ലാത്തു കൊണ്ടാണ് സമരത്തിലേക്കു നീങ്ങിയതെന്നും തമിഴ്‌നാട് ഫിലിം ചേംബര്‍ ഓഫ് കൊമേഴ്‌സ് അദ്ധ്യക്ഷന്‍ അഭിരാമി രാമനാഥന്‍ പറഞ്ഞു.
