പ്രധാനമന്ത്രിക്ക് കത്തെഴുതുന്നത് എങ്ങനെ രാജ്യദ്രോഹ കുറ്റമാകും? പുതിയ കത്തുമായി 180 പേര്
ദില്ലി; ആള്ക്കൂട്ട കൊലപാതകത്തില് ആശങ്ക അറിയിച്ച് പ്രധാനമന്ത്രിക്ക് കത്തെഴുതിയതിന് പ്രമുഖര്ക്കെതിരെ കേസെടുത്ത നടപടിയില് പ്രതിഷേധം പുകയുന്നു. നടപടിയില് ആശങ്ക അറിയിച്ച് വീണ്ടും സാംസ്കാരിക-സാഹിത്യ ലോകത്തെ 180 ഓളം പ്രമുഖര് പ്രധാനമന്ത്രിക്ക് കത്തയച്ചു. നടന് നസറുദ്ദീന് ഷാ, ആനന്ദ് പ്രധാന്, ചരിത്രകാരി റോമിലാ ഥാപര് എന്നിവര് ഉള്പ്പെടെയുള്ളവരാണ് കത്തയച്ചത്. പ്രധാനമന്ത്രിക്ക് കത്തെഴുതുന്നത് എങ്ങനെ രാജ്യദ്രോഹകുറ്റമാകുമെന്ന് ഇവര് കത്തില് ചോദിക്കുന്നു.
രാജ്യത്തെ ആള്ക്കൂട്ട കൊലയില് ആശങ്കയറിച്ച് പ്രധാനമന്ത്രിക്ക് കത്തെഴുതുന്നത് എങ്ങനെ രാജ്യദ്രോഹ കുറ്റമാകും? കോടതികളെ ഉപയോഗിച്ച് പൗരന്മാരെ നിശബ്ദരാക്കാനുള്ള ശ്രമമാണോയെന്ന് പുതിയ കത്തില് പ്രമുഖര് ചോദിക്കുന്നു. 49 പേരും രാജ്യത്തെ പൗരന്മാര് എന്ന നിലയിലുള്ള തങ്ങളുടെ കടമ നിര്വ്വഹിക്കുകയാണ് ചെയ്തതെന്നും ഇവര് കത്തില് പറയുന്നു.
അശോക് വാജ്പേയി, ജെറി പിന്റോസ ഇറാ ഭാസ്കര്, ജീത്ത് തയ്യില്, ഷംസുല് ഇസ്ലാം, ടി.എം കൃഷ്ണ തുടങ്ങിയവരും കത്തില് ഒപ്പിട്ടുണ്ട്. എതിര്ശബ്ദങ്ങളെ നിശബ്ദരാക്കാനുള്ള നീക്കങ്ങള്ക്കെതിരെ പ്രതിഷേധം തുടരുമെന്നും ഇവര് വ്യക്തമാക്കി.
കഴിഞ്ഞ ആഴ്ചയാണ് സംവിധായകന് അടൂര് ഗോപാലകൃഷ്ണന്, മണിരത്നം, ശ്യാം ബെനഗല്, അപര്ണ്ണ സെന്, അനുരാഗ് കശ്യപ്, ചരിത്രകാരന് രാമചന്ദ്രഗുഹ, എഴുത്തുകാരന് അമിത് ചൗധരി, ആശിഷ് നന്ദി, അഭിനേതാവ് കെ എസ് ശര്മ്മ തുടങ്ങിയ 49 പ്രമുഖര്ക്കെതിരെ ദേശദ്രേഹ കുറ്റം ഉള്പ്പെടെ ചുമത്തി കേസെടുത്തത്. രാജ്യത്ത് വര്ധിച്ച് വരുന്ന ആള്ക്കൂട്ട ആക്രമണങ്ങളില് ആശങ്ക അറിയിച്ചുകൊണ്ടായിരുന്നു ഇവര് പ്രധാനമന്ത്രിക്ക് തുറന്ന കത്തെഴുതിയത്. ദേശദ്രോഹത്തിന് പുറമേ ചില മതങ്ങളെ അപമാനിക്കല് , പൊതുശല്യം എന്നിങ്ങനെയുള്ള വകുപ്പുകള് ചുമത്തിയാണ് കേസെടുത്തത്.
മുസഫര്പൂര് സ്വദേശിയായ അഭിഭാഷകന്റെ ഹര്ജിയെ തുടര്ന്നാണായിരുന്നു കോടതി ഉത്തരവ്. പ്രമുഖ വ്യക്തികള് നല്കിയ കത്ത് രാജ്യത്തിന്റെ യശസിന് കളങ്കമേല്പ്പിക്കുന്നുവെന്നും ശ്രദ്ധേയമായ പ്രവര്ത്തനം കാഴ്ച വയ്ക്കുന്ന പ്രധാനമന്ത്രിയെ ഇകഴ്ത്തുന്നതിന് കാരണമാകുമെന്നുമായിരുന്നു അഭിഭാഷകന് സുധീര് കുമാര് ഓജ ചീഫ് ജുഡീഷ്യല് മജിസ്ട്രേറ്റ് മുമ്പാകെ നല്കിയ ഹര്ജിയില് ആരോപിച്ചത്.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google