Click it and Unblock the Notifications
Just In
Don't Miss
-
ദിലീപിന്റെ വളര്ച്ച ഇങ്ങനെയായിരുന്നു! സൂപ്പര്താര പദവി ദിലീപിന് കാലം നല്കിയ സമ്മാനമായിരുന്നു -
ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന് -
ദാമ്പത്യത്തിന്റെ ഒന്നാമത്തെ നിയമം: വിവാഹജീവിതത്തിലേക്ക് കുടുംബക്കാരെ പ്രവേശിപ്പിക്കാതിരിക്കുക -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
ആരാണ് രാം ലല്ല? അയോധ്യയിലെ തര്‍ക്ക ഭൂമിയുടെ പുതിയ അവകാശി
ദില്ലി: അയോധ്യയിലെ തര്‍ക്ക ഭൂമിയില്‍ അവകാശവാദം ഉന്നയിച്ച രണ്ടു കക്ഷികളുടെ വാദങ്ങള്‍ തള്ളിയാണ് സുപ്രീംകോടതി ഭൂമി രാം ലല്ലയ്ക്ക് വിട്ടുകൊടുത്തത്. ഹിന്ദു ക്ഷേത്രങ്ങളുടെ കേസുകള്‍ പരിഗണിക്കുമ്പോള്‍ ക്ഷേത്രത്തിലെ പ്രതിഷ്ഠയ്ക്ക് കേസില്‍ കക്ഷിയാകാനും പരാതി നല്‍കുന്നതിനും നിയമപ്രകാരം അനുമതിയുണ്ട്.
രാമന്റെ ജന്മസ്ഥലമാണ് അയോധ്യയിലെ തര്‍ക്ക ഭൂമി എന്നാണ് ഹൈന്ദവ വിശ്വാസം. അയോധ്യ പ്രതിഷ്ഠയായി പരിഗണിക്കുന്നത് രാമന്റെ കുട്ടിക്കാലത്തെ പ്രതിഷ്ഠയായി കരുതുന്ന രാം ലല്ലയെ ആണ്. അതുകൊണ്ടാണ് രാം ലല്ല അയോധ്യ കേസില്‍ കക്ഷിയായത്. അയോധ്യ കേസില്‍ രാം ലല്ലയ്ക്ക് പുറമെ സന്ന്യാസി സമൂഹമായ നിര്‍മോഹി അഖാരയും സുന്നി വഖഫ് ബോര്‍ഡുമാണ് കക്ഷികള്‍. സുന്നി വഖഫ് ബോര്‍ഡിനും നിര്‍മോഹി അഖാരയ്ക്കും ഭൂമിയില്‍ പൂര്‍ണമായ കൈവശാവകാശമുണ്ടെന്ന് തെളിയിക്കാന്‍ സാധിച്ചിട്ടില്ലെന്ന് സുപ്രീംകോടതി വ്യക്തമാക്കി.
പ്രതിഷ്ഠയ്ക്ക് കോടതിയില്‍ പ്രതിനിധിയാകുക അടുത്ത മനുഷ്യ സുഹൃത്താണ്. മുതിര്‍ന്ന വിഎച്ച് പി നേതാവ് ത്രിലോക് നാഥ് പാണ്ഡെയാണ് രാം ലല്ലയെ കോടതിയില്‍ പ്രതിനിധീകരിക്കുന്നത്. കേസില്‍ ഒടുവില്‍ കക്ഷി ചേര്‍ന്ന പ്രധാന കക്ഷിയാണ് രാം ലല്ല. 1959ലാണ് നിര്‍മോഹി അഖാര കോടതിയിലെത്തിയത്. 1961ല്‍ വഖഫ് ബോര്‍ഡും കോടതിയിലെത്തി. 1989ലാണ് രാം ലല്ല കക്ഷി ചേര്‍ന്നത്.
Recommended Video
തര്‍ക്ക ഭൂമിയായ 2.77 ഏക്കറിന്റെ കൈവശാവകാശം രാം ലല്ല പ്രതിഷ്ഠയ്ക്കാണ് ഇപ്പോള്‍ സുപ്രീംകോടതി നല്‍കിയിരിക്കുന്നത്. സുപ്രീംകോടതി നിയോഗിക്കുന്ന ട്രസ്റ്റായിരിക്കും ക്ഷേത്രം പണിയുക. മുസ്ലിംകള്‍ക്ക് ഈ ഭൂമിയില്‍ അവകാശം ഉണ്ടാകില്ല. പള്ളി പണിയുന്നത് അയോധ്യയില്‍ മറ്റൊരിടത്ത് അഞ്ച് ഏക്കര്‍ കേന്ദ്രസര്‍ക്കാരോ സംസ്ഥാന സര്‍ക്കാരോ കണ്ടെത്തി നല്‍കണമെന്നും വിധിയില്‍ പറയുന്നു.
