Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കോണ്‍ഗ്രസിന്റെ കേന്ദ്രമന്ത്രിയും ബിജെപിയില്‍!
ദില്ലി: ആം ആദ്മി പാര്‍ട്ടിയില്‍ നിന്നും തൃണമൂല്‍ കോണ്‍ഗ്രസില്‍ നിന്നും മാത്രമല്ല, ഇന്ത്യന്‍ നാഷണല്‍ കോണ്‍ഗ്രസില്‍ നിന്നും പ്രമുഖര്‍ ബി ജെ പിയിലേക്ക് എത്തുന്നു. യു പി എ ഭരണകാലത്ത് കേന്ദ്രമന്ത്രിയായിരുന്ന മുതിര്‍ന്ന കോണ്‍ഗ്രസ് നേതാവ് കൃഷ്ണ തിരാത് ആണ് ഏറ്റവും ഒടുവില്‍ ബി ജെ പിയില്‍ മെമ്പര്‍ഷിപ്പ് എടുത്ത പ്രമുഖ. കിരണ്‍ ബേദി, ഷാസിയ ഇല്‍മി, വിനോദ് കുമാര്‍ ബിന്നി എന്നിവര്‍ കഴിഞ്ഞ ദിവസങ്ങളിലായി ബി ജെ പിയില്‍ അംഗത്വമെടുത്തിരുന്നു.
ബി ജെ പി ദേശീയ പ്രസിഡണ്ട് അമിത് ഷായുടെ വസതിയിലെത്തി കൂടിക്കാഴ്ച നടത്തിയ ശേഷമാണ് തിരാത് പാര്‍ട്ടിയില്‍ അംഗത്വമെടുത്തത്. പാര്‍ട്ടിയുടെ ദില്ലി പ്രസിഡണ്ട് സതീഷ് ഉപാധ്യായയ്‌ക്കൊപ്പം അമിത് ഷാ തിരാതിനെ ബി ജെ പിയിലേക്ക് സ്വാഗതം ചെയ്തു. പാര്‍ട്ടിയില്‍ തനിക്ക് എന്ത് സ്ഥാനം ഉണ്ടാകുമെന്നത് പ്രസിഡണ്ട് തീരുമാനിക്കട്ടെ. തന്റെ പ്രവര്‍ത്തനം ജനങ്ങള്‍ക്ക് വേണ്ടിയായിരിക്കും - തിരാത് പറഞ്ഞു.
കോണ്‍ഗ്രസിന്റെ കൂടെ നിന്ന് തിരഞ്ഞെടുപ്പിനെ നേരിടാന്‍ ആരും തയ്യാറല്ല എന്ന് ബി ജെ പി നേതാവ് ശ്രീകാന്ത് ശര്‍മ പറഞ്ഞു. അതേസമയം തങ്ങളെ വിട്ട് ബി ജെ പിയില്‍ എത്തിയ കൃഷ്ണ തിരാതിനെ അവസരവാദി എന്നാണ് കോണ്‍ഗ്രസ് നേതാവ് രാജ്ദീപ് സുര്‍ജേവാല വിളിച്ചത്. ലോകത്തെ ഏറ്റവും സുന്ദരമായ മുഖത്തിനുടമ ബി ജെ പിക്കൊപ്പമാണ് എന്നാണ് പുതുതായി പാര്‍ട്ടിയില്‍ ചേരുന്നവര്‍ പറയുന്നത്.
ബി ജെ പി സ്ഥാനാര്‍ഥി പട്ടിക പ്രഖ്യാപിക്കുന്നതിന് തൊട്ടുമുന്‍പായിട്ടാണ് ദില്ലി സ്വദേശിനിയായ കൃഷ്ണ തിരാത് പാര്‍ട്ടിയിലെത്തിയത്. മന്‍മോഹന്‍ സിംഗ് മന്ത്രിസഭയില്‍ വനിതാ - ശിശുക്ഷേമ വകുപ്പ് മന്ത്രിയായിയിരുന്നു. ദില്ലി നിയമസഭയില്‍ മന്ത്രിയായും ഡെപ്യൂട്ടി സ്പീക്കറായും പ്രവര്‍ത്തിച്ചിട്ടുണ്ട്.
