ഏകീകൃത സിവില് കോഡ് ബില്ല് അവതരിപ്പിച്ച് ബിജെപി; കോണ്ഗ്രസിന്റെ മൗനത്തില് അതൃപ്തി പരസ്യമാക്കി ലീഗ്
ന്യൂദല്ഹി: പ്രതിപക്ഷ ബഹളത്തിനിടെ ഏകീകൃത സിവില് കോഡ് ബില് രാജ്യസഭയില് അവതരിപ്പിച്ച് ബി ജെ പി എം പി കിരോഡി ലാല് മീണ. സ്വകാര്യ ബില്ലായാണ് കിരോഡി ലാല് മീണ ബില് അവതരിപ്പിച്ചത്. ബില്ലിനെതിരെ പ്രതിപക്ഷം മൂന്ന് പ്രമേയങ്ങള് അവതരിപ്പിച്ചെങ്കിലും വോട്ടെടുപ്പിലൂടെ അത് പരാജയപ്പെട്ടു. രാജ്യത്തെ ശിഥിലമാക്കുന്നതാണ് ബില്ല് എന്ന് പ്രതിപക്ഷം ആരോപിച്ചു.
അതേസമയം ഭരണഘടനയുടെ നിര്ദ്ദേശ തത്വങ്ങള്ക്ക് കീഴിലുള്ള ഒരു വിഷയം ഉന്നയിക്കുന്നത് അംഗത്തിന്റെ നിയമാനുസൃതമായ അവകാശമാണെന്ന് കേന്ദ്രമന്ത്രി പിയൂഷ് ഗോയല് വാദിച്ചു. ഈ വിഷയം സഭയില് ചര്ച്ച ചെയ്യട്ടെ. ഈ ഘട്ടത്തില് സര്ക്കാരിനെ ധിക്കരിക്കാന് ശ്രമിക്കുകയും ബില്ലിനെ വിമര്ശിക്കാന് ശ്രമിക്കുകയും ചെയ്യുന്നത് അനാവശ്യമാണ് എന്നും അദ്ദേഹം പറഞ്ഞു.
തുടര്ന്ന് രാജ്യസഭാ ചെയര്മാന് ജഗ്ദീപ് ധന്ഖര് ബില് ശബ്ദവോട്ടിന് വെച്ചു. ഇതില് 23 നെതിരെ 63 വോട്ടുകള്ക്ക് പ്രതിപക്ഷത്തിന്റെ പ്രമേയം പരാജയപ്പെടുകയായിരുന്നു. സി പി ഐ എം, മുസ്ലീം ലീഗ്, സി പി ഐ, കോണ്ഗ്രസ്, ഡി എം കെ, തൃണമൂല് കോണ്ഗ്രസ് എന്നീ കക്ഷികളാണ് ബില്ലിനെതിരെ ശക്തമായി പ്രതിഷേധവുമായി രംഗത്തെത്തിയത്.
എത്ര ഭൂരിപക്ഷമുണ്ടെങ്കിലും പ്രതിഷേധങ്ങളെ അടിച്ചമര്ത്തിയാലും നിയമം കൊണ്ടുവരാന് അനുവദിക്കില്ല എന്ന് മുസ്ലീം ലീഗ് എം പി അബ്ദുള് വഹാബ് പറഞ്ഞു. അതേസമയം സഭയില് ഏകീകൃത സിവില് കോഡ് ചര്ച്ചക്ക് വരുമ്പോള് കോണ്ഗ്രസ് അംഗങ്ങളുടെ അഭാവം അബ്ദുള് വഹാബ് ചൂണ്ടിക്കാട്ടുകയും ചെയ്തു. ഇതിന് പിന്നാലെയാണ് കോണ്ഗ്രസും വിഷയത്തില് പ്രതികരിച്ചത്.
അതേസമയം ഏകീകൃത സിവില് കോഡ് ആവശ്യമോ അഭികാമ്യമോ അല്ലെന്ന ലോ കമ്മീഷന് റിപ്പോര്ട്ട് ചൂണ്ടിക്കാട്ടിയായിരുന്നു സി പി ഐ എം എം പി ജോണ് ബ്രിട്ടാസ് ബില്ലിനെ എതിര്ത്തത്. ഏകീകൃത സിവില് കോഡ് എന്ന ആശയം തന്നെ മതേതരത്വത്തിന് എതിരാണെന്ന് ഡി എം കെയുടെ തിരുച്ചി ശിവയും പറഞ്ഞു.
ബില്ല് ഭരണഘടനയുടെ വ്യവസ്ഥകള്ക്ക് വിരുദ്ധമാണെന്ന് സമാജ്വാദി പാര്ട്ടിയുടെ ആര്ജി വര്മയും പറഞ്ഞു. അതിനിടെ ഏകീകൃത സിവില് കോഡ് നടപ്പാക്കുന്നത് ചര്ച്ച ചെയ്യുന്നതിനായി ബി ജെ പി എം പി ഹര്നാഥ് സിംഗ് യാദവ് രാജ്യസഭയില് ശൂന്യവേളയില് നോട്ടീസ് നല്കി.
2019ലെ ലോക്സഭാ തിരഞ്ഞെടുപ്പ് പ്രകടനപത്രികയില് ബിജെപി അധികാരത്തിലെത്തിയാല് ഏകീകൃത സിവില് കോഡ് നടപ്പാക്കുമെന്ന് വാഗ്ദാനം ചെയ്തിരുന്നു. പ്രധാനമന്ത്രിയുടെ സ്വന്തം സംസ്ഥാനത്ത് നേടിയ ചരിത്രപരമായ വിജയത്തിന് ഒരു ദിവസത്തിന് ശേഷമാണ് ബി ജെ പി രാജ്യസഭയില് ബില്ല് അവതരിപ്പിച്ചത് എന്നതും ശ്രദ്ധേയമാണ്.
-
'കറുപ്പിന്റെ ഭീകരത കണ്ടാൽ പെറ്റ തള്ള പോലും സഹിക്കില്ല'; ആ കളിയാക്കൽ..ആർഎൽവി രാമകൃഷ്ണൻ -
സ്വർണത്തിന് വീഴാനുള്ള പ്ലാനൊന്നും അല്ല..പവൻ വിലയിൽ 40,000ത്തിൻ്റെ വർധനവ് ഉണ്ടാകും..പ്രവചനം -
ദിലീപിനെ വിട്ടിറങ്ങിയത് പത്ത് പൈസയില്ലാതെ, ഇന്ന് മഞ്ജു ഒരു സിനിമയ്ക്ക് വാങ്ങുന്നത്! കയ്യിൽ വമ്പൻ ബ്രാൻഡുകളും -
‘നാല് മന്ത്രിമാർ തോൽക്കും’- 80 സീറ്റ് ഉറപ്പെന്ന് യുഡിഎഫ് ജില്ലാ കമ്മിറ്റികളുടെ റിപ്പോർട്ട് -
ഗജകേസരി യോഗം അക്ഷയ തൃതീയയിൽ; സ്വർണം വാങ്ങും, ഈ രാശിക്കാർക്ക് ബമ്പർ നേട്ടം, പണം ഒഴുകും! -
'മഞ്ചേശ്വരത്ത് ബിജെപി ജയിക്കാതിരിക്കാൻ നിലപാട് എടുത്തു, നേമത്ത് പിന്തുണ ശിവൻകുട്ടിക്ക്'; എസ്ഡിപിഐ -
വൈദ്യുതി ബില്ല് കണ്ട് ഷോക്കടിച്ചോ? സ്മാർട്ട് മീറ്ററിലെ ഈ രഹസ്യ വിദ്യയിലൂടെ ബില്ല് പകുതിയായി കുറയ്ക്കാം! -
തമിഴ്നാട്ടിൽ വിജയ്ക്കും ടിവികെയ്ക്കും ഒരു സ്വാധീനവുമില്ലെന്ന് ശരത് കുമാർ; 'പോരാട്ടം അവർ തമ്മിൽ' -
കുടുംബസ്വത്ത് അനുഭവയോഗത്തില് വരും, വസ്തു,വാഹനാദികള് സമ്പാദിക്കും, കച്ചവടക്കാര്ക്കു ലാഭം വര്ധിക്കും, നാൾഫലം -
ചരിത്രത്തിലാദ്യമായി ബീഹാറിന് ബിജെപി മുഖ്യമന്ത്രി, സാമ്രാട്ട് ചൗധരിയുടെ സത്യപ്രതിജ്ഞ ബുധനാഴ്ച -
ഏഴ് വർഷത്തിന് ശേഷം ഇറാനിൽ നിന്ന് ഇന്ത്യയിലേക്ക് എണ്ണയെത്തി; 15 കപ്പലുകൾ ഹോർമുസിൽ കുടുങ്ങി കിടക്കുന്നു -
പ്രായം തോൽക്കും, നിങ്ങൾ തിളങ്ങും; യുവത്വം തിരിച്ചുകിട്ടാൻ ഇതാ 5 വഴികൾ!
Click it and Unblock the Notifications
Sign in with Google