ബിജെപിക്ക് വോട്ട് ചെയ്തവര് പശ്ചാത്തപിക്കുന്നു; വോട്ട് മറിച്ച കോണ്ഗ്രസ് മാപ്പ് പറയണമെന്ന് മണിക് സര്ക്കാര്
അഗര്ത്തല: ത്രിപുരയില് ബി ജെ പി-ഐ പി എഫ് ടി ഭരണത്തിന്റെ കഴിഞ്ഞ നാല് വര്ഷത്തിനിടെ സംസ്ഥാനത്ത് നിരവധി സി പി ഐ എം നേതാക്കളും പ്രവര്ത്തകരും കൊല്ലപ്പെട്ടതായി പ്രതിപക്ഷ നേതാവും മുന് മുഖ്യമന്ത്രിയുമായ മണിക് സര്ക്കാര് ആരോപിച്ചു. കഴിഞ്ഞ നാല് വര്ഷത്തിനിടെ 24 സി പി ഐ എം നേതാക്കളും പ്രവര്ത്തകരും കൊല്ലപ്പെട്ടു, ആര്ക്കും നീതി ലഭിച്ചില്ല. അവര് (ബി ജെ പി-ഐ പി എഫ് ടി) വിചാരിക്കുന്ന രീതിയില് കാര്യങ്ങള് അധിക കാലം മുന്നോട്ട് പോകില്ല, തിങ്കളാഴ്ച ദക്ഷിണ ത്രിപുര ജില്ലയിലെ കമാല്പൂരില് മാധ്യമപ്രവര്ത്തകരോട് സംസാരിക്കവെ അദ്ദേഹം പറഞ്ഞു.
ബി ജെ പി-ഐ പി എഫ് ടി സര്ക്കാരിനെ നിശിതമായി വിമര്ശിച്ച മുന് മുഖ്യമന്ത്രി, സംസ്ഥാനത്ത് ഏകപക്ഷീയമായ ഭരണമാണെന്നും കൂട്ടിച്ചേര്ത്തു. ജനങ്ങളുടെ ശബ്ദങ്ങള് അടിച്ചമര്ത്തപ്പെടുന്നു, സ്വതന്ത്രവും നീതിയുക്തവുമായ രീതിയില് തിരഞ്ഞെടുപ്പ് നടക്കുന്നില്ല,' അദ്ദേഹം പറഞ്ഞു. 2018 ലെ നിയമസഭാ തെരഞ്ഞെടുപ്പിന് മുമ്പ് കബളിപ്പിക്കപ്പെട്ട ജനങ്ങള് തങ്ങള് ചെയ്തത് വലിയ തെറ്റാണെന്ന് തിരിച്ചറിഞ്ഞു തുടങ്ങിയെന്നും മണിക് സര്ക്കാര് പറഞ്ഞു. കോണ്ഗ്രസ് വിട്ട് ബി ജെ പിയില് ചേര്ന്ന എം എല് എമാര് ബി ജെ പി നേതൃത്വത്തിലുള്ള സര്ക്കാരിനെ പരസ്യമായി വിമര്ശിക്കുന്നു.
ഇപ്പോള് അവര് കൈ കൂപ്പി കാവി പാര്ട്ടിയില് ചേര്ന്നതിന് പശ്ചാത്തപിക്കുകയാണെന്ന് സുദീപ് റോയ് ബര്മനെയും ആശിഷിനെയും പരോക്ഷമായി പരാമര്ശിച്ചുകൊണ്ട് മണിക് സര്ക്കാര് പറഞ്ഞു. സംസ്ഥാനത്ത് ഒരു പുതിയ കൊടുങ്കാറ്റ് വീശിയടിക്കുന്നു. ഇപ്പോള് സര്ക്കാരിന്റെ തെറ്റായ നടപടികള്ക്കെതിരെ കണ്ണ് തുറന്ന് പ്രതിഷേധിക്കേണ്ട സമയമാണ്', അദ്ദേഹം പറഞ്ഞു. ജനങ്ങളോട് തെരുവിലിറങ്ങി വിയോജിപ്പ് പ്രകടിപ്പിക്കാന് സര്ക്കാര് ആഹ്വാനം ചെയ്തു. തങ്ങളുടെ തെറ്റുകള് തിരിച്ചറിഞ്ഞതിനാല് പാര്ട്ടി വിട്ട് ബി ജെ പിയില് ചേര്ന്ന നേതാക്കള് സംസ്ഥാനത്തെ ജനങ്ങളോട് മാപ്പ് പറയണമെന്നും മണിക് സര്ക്കാര് പറഞ്ഞു. കോണ്ഗ്രസിന്റെ 40 ശതമാനം വോട്ടും ബി ജെ പിക്ക് അനുകൂലമായി.
2018 ലെ തെരഞ്ഞെടുപ്പിന് മുന്നോടിയായി ബി ജെ പിയില് ചേര്ന്ന നേതാക്കള്ക്ക് ശക്തമായ മന്ത്രിപദവിയും മറ്റുള്ളവര് ആദ്യമായി എം എല് എമാരുമായി. എന്നാല് ഇപ്പോള് എന്താണ് സ്ഥിതി. തങ്ങളുടെ തെറ്റുകള്ക്ക് അവര് പൊതുജനങ്ങളില് നിന്ന് മാപ്പ് ചോദിക്കുകയാണ്,'' മണിക് സര്ക്കാര് പറഞ്ഞു. ഇതാണ് ബി ജെ പിയുടെ യാഥാര്ത്ഥ്യമെന്നും അദ്ദേഹം കൂട്ടിച്ചേര്ത്തു. സി പി ഐ എം നേതാവ് ബിനു ബിശ്വാസിനെ 'ബിജെപി പിന്തുണയുള്ള ഗുണ്ടകള്' കൊലപ്പെടുത്തിയെന്ന് മണിക് സര്ക്കാര് ആരോപിച്ചു. ബിനു ബിശ്വാസിന്റെ കുടുംബത്തെ ബെലോണിയയിലെത്തി മണിക് സര്ക്കാര് സന്ദര്ശിച്ചു. ''ഞങ്ങള് ഇതിനെ അപലപിക്കുന്നു.
മനുഷ്യത്വമില്ലായ്മയുടെയും പ്രാകൃതത്വത്തിന്റെയും പുതിയ മാതൃകയാണ് അവര് കാട്ടിത്തന്നത്, മണിക് സര്ക്കാര് പറഞ്ഞു. ബിനു ബിശ്വാസിന്റെ അനന്തരവന് സംഭവങ്ങള് മുഴുവന് ഞങ്ങളോട് വിവരിച്ചു. ഞങ്ങള് അവന്റെ ഭാര്യയോടും സംസാരിച്ചു. നേരത്തെയും രാഷ്ട്രീയ അസഹിഷ്ണുത മൂലം ബിനു ദുരിതം അനുഭവിച്ചിട്ടുണ്ട്. മരിച്ച നേതാവിന്റെ ജ്യേഷ്ഠനും ഏതാനും ദിവസങ്ങള്ക്ക് മുമ്പ് ആക്രമിക്കപ്പെട്ടു, ''അദ്ദേഹം പറഞ്ഞു. കൊലപാതക കേസ് അന്വേഷണത്തില് ത്രിപുര പൊലീസ് കാണിച്ച നിഷ്ക്രിയത്വത്തേയും മണിക് സര്ക്കാര് അപലപിച്ചു.
ത്രിപുര ഡയറക്ടര് ജനറല് ഓഫ് പോലീസ് (ഡി ജി പി) സി പി ഐ എം നേതാവിന്റെ കൊലപാതകത്തില് ഉള്പ്പെട്ട ഭരണകക്ഷി അനുഭാവികളെ സഹായിക്കുകയാണെന്ന് അദ്ദേഹം ആരോപിച്ചു. എന്നാല് മണിക് സര്ക്കാരിന്റെ ആരോപണങ്ങള് ബി ജെ പി നിഷേധിച്ചു. 2018 ലെ നിയമസഭാ തിരഞ്ഞെടുപ്പിന് ശേഷം ഇത് ആദ്യമായാണ് സംസ്ഥാനത്ത് രാഷ്ട്രീയ കൊലപാതകം ഉണ്ടാകുന്നത്. നേരത്തെ, തെരഞ്ഞെടുപ്പിന് ശേഷമുള്ള കനത്ത അക്രമങ്ങള്ക്ക് ഞങ്ങള് സാക്ഷ്യം വഹിച്ചിരുന്നു', ബി ജെ പി വക്താവ് നബേന്ദു ഭട്ടാചാരി പറഞ്ഞു.
Click it and Unblock the Notifications
Sign in with Google