വൈകിട്ട് 5നും 7നും ഇടയില് ഹൈദരാബാദില് ബോംബ് പൊട്ടിക്കാന് ഐസിസ് പദ്ധതി!
ഹൈദരാബാദ്: മെട്രോ നഗരമായ ഹൈദരാബാദില് ബോംബ് സ്ഫോടനം നടത്താന് ഇസ്ലാമിക ഭീകരവാദ സംഘടനയായ ഐസിസിന് പദ്ധതിയെന്ന്. ജനത്തിരക്കേറുന്ന വൈകുന്നേരം സ്ഫോടനം നടത്താനായിരുന്നത്രെ ഇവരുടെ പദ്ധതി. വൈകുന്നേരം അഞ്ച് മണിക്കും ഏഴ് മണിക്കും ഇടയില് ആക്രമണം നടത്താനായിരുന്നത്രെ ഇവര് നിശ്ചചയിച്ചിരുന്നത്. പരമാവധി ആളുകളെ അപായപ്പെടുത്താനാണ് ഈ സമയം തന്നെ തിരഞ്ഞെടുക്കുന്നതത്രെ.
ഐസിസിന്റെ ഹൈദരാബാദ് സംഘത്തില്നിന്നും ലഭിച്ച വിവരങ്ങളാണ് ദേശീയ അന്വേഷണ ഏജന്സി പങ്കുവെച്ചതെന്നറിയുന്നു. ഇതുമായി ബന്ധപ്പെട്ട കൂടുതല് വിവരങ്ങള് ഏജന്സി അന്വേഷിച്ചുവരികയാണ്. ഹൈദരാബാദില് ആക്രമണം നടത്താനുള്ള എല്ലാ പരിപാടികളും ഐസിസ് പൂര്ത്തിയാക്കിയതായിരുന്നത്രെ. ഐസിസിന്റെ ഇന്ത്യാ തലവനായ ഷാഫി ആര്മറാണ് ഈ നിര്ദേശം നല്കിയതെന്നാണ് റിപ്പോര്ട്ടുകള്.
എന് ഐ എയുടെ സമര്ഥമായ ഇടപെടലിലാണ് ഈ പദ്ധതി പാളിയത്. ചൊവ്വാഴ്ച അഞ്ച് തീവ്രവാദികളെയാണ് എന് ഐ എ അറസ്റ്റ് ചെയ്തത്. ആറ് പേരെ ചോദ്യം ചെയ്തു. ഈ അറസ്റ്റ് നടന്നിരുന്നില്ലെങ്കില് ബുധനാഴ്ച സ്ഫോടനം നടക്കുമായിരുന്നു എന്നാണ് എന് ഐ എ വൃത്തങ്ങള് വണ് ഇന്ത്യയോട് പറഞ്ഞത്. ഏകദേശം ഒരു വര്ഷത്തോളം നീരീക്ഷിച്ച ശേഷമാണ് ഇന്റലിജന്സ് ബ്യൂറോ ഇവരെ കെണിയിലാക്കിയത്.
ഇന്ത്യന് മുജാഹിദ്ദീന് ആയുധങ്ങള് നല്കിയിരുന്ന ഒരാളില് നിന്നാണ് ഇവരും ആയുധങ്ങള് ശേഖരിച്ചിരുന്നതത്രെ.മാസങ്ങള് നീണ്ട പദ്ധതികളാണ് എ എന് ഐ ഇടപെട്ട് തകര്ത്തത്. അറസ്റ്റിലായ രണ്ടുപേര് അജ്മീറില് നിന്നും ആയുധങ്ങള് വാങ്ങാനായി പോയിരുന്നെങ്കിലും കിട്ടിയില്ല. തുടര്ന്നാണ് മഹാരാഷ്ട്രയിലെ നന്ദേഡില് നിന്നും ഇവര് ആയുധങ്ങള് വാങ്ങാന് തിരുമാനിച്ചതത്രെ.
Click it and Unblock the Notifications
Sign in with Google