Click it and Unblock the Notifications
Just In
Don't Miss
-
ആയുര്വ്വേദം ഉറപ്പ് നല്കുന്ന പരിഹാരം വായ്നാറ്റത്തിന് -
'ഇരുപത്തിനാലുകാരന് ഇത്രയും പക്വതയോയെന്ന് ചിന്തിച്ചു... അന്ന് മുതൽ രാജുവേട്ടന്റെ ഫാനായതാണ് ഞാൻ'; ധ്യാൻ -
IPL 2024: സഞ്ജു കണ്ട് പഠിക്കണം, റിഷഭാണ് ഹീറോ! സിക്സര് പൂരം; ലോകകപ്പ് സീറ്റുറപ്പിച്ചു -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
പുഴയിലൂടെ ബംഗ്ലാദേശിലേക്ക് ഒഴുക്കിയത് 317 ഫോണുകള്‍, തടയിട്ട് ബി.എസ്.എഫ്; കള്ളക്കടത്തിന്റെ പുത്തന്‍ മാര്‍ഗം?
കൊല്‍ക്കത്ത: നദിയിലൂടെ ബംഗ്ലാദേശിലേക്ക് ഒഴുക്കി വിട്ട മൊബൈല്‍ ഫോണുകള്‍ പിടിച്ചെടുത്ത് അതിര്‍ത്തി രക്ഷാ സേന ( ബി എസ് എഫ് ). പഗ്ല നദിയിലൂടെ ബംഗ്ലാദേശിലേക്ക് വാഴത്തണ്ടില്‍ കെട്ടി വെച്ച് പ്ലാസ്റ്റിക് പാത്രങ്ങളില്‍ സൂക്ഷിച്ച മൊബൈല്‍ ഫോണുകള്‍ ആണ് ബി എസ് എഫ് പിടിച്ചെടുത്തത്.
ശനിയാഴ്ച വൈകുന്നേരം 5.30 ഓടെയാണ് ദക്ഷിണ ബംഗാള്‍ അതിര്‍ത്തിക്ക് കീഴിലുള്ള 70-ാം ബറ്റാലിയനിലെ സൈന്യം മൊബൈല്‍ ഫോണുകള്‍ പിടിച്ചെടുത്തത് എന്ന് ബി എസ് എഫ് വാര്‍ത്താകുറിപ്പിലൂടെ അറിയിച്ചു.
317 മൊബൈല്‍ ഫോണുകളാണ് ബി എസ് എഫ് ഉദ്യോഗസ്ഥര്‍ പിടിച്ചെടുത്തത്. ഏകദേശം 38,83,000 രൂപയാണ് ഈ മൊബൈല്‍സ ഫോണുകളുടെ വില കണക്കാക്കിയിരിക്കുന്നത്.പാഗ്ല നദിയില്‍ വാഴത്തണ്ടില്‍ കെട്ടിയ ചില പ്ലാസ്റ്റിക് പാത്രങ്ങള്‍ ബംഗ്ലാദേശിലേക്ക് ഒഴുകുന്നത് അതിര്‍ത്തി ഔട്ട്പോസ്റ്റായ ലോധിയയിലെ സൈനികരുടെ ശ്രദ്ധയില്‍പ്പെട്ടതായി ബി എസ് എഫ് പ്രസ്താവനയില്‍ പറഞ്ഞു.
ഇതോടെ സൈനികര്‍ നദിയില്‍ നിന്ന് കണ്ടെയ്നറുകള്‍ കരക്കെത്തിക്കുകയും തുറന്ന് നോക്കുകയുമായിരുന്നു എന്ന് ബി എസ് എഫ് അറിയിച്ചു. നിയമ നടപടികള്‍ക്കായി ഫോണുകള്‍ ലോക്കല്‍ പോലീസിന് കൈമാറിയിരിക്കുകയാണ്.
അതേസമയം ഇന്ത്യ-ബംഗ്ലാദേശ് അതിര്‍ത്തിയില്‍ കള്ളക്കടത്ത് തടയാന്‍ അതിര്‍ത്തി സുരക്ഷാ സേന കര്‍ശന നടപടികള്‍ സ്വീകരിക്കുന്നുണ്ട് എന്ന് 70-ാം ബറ്റാലിയന്‍ കമാന്‍ഡിംഗ് ഓഫീസര്‍ പറഞ്ഞു. ഇതിന്റെ ഏറ്റവും ഒടുവിലത്തെ ഉദാഹരണമാണ് ഇത് എന്നും അദ്ദേഹം പറഞ്ഞു.
കള്ളക്കടത്ത് പോലുള്ള പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്ന ആളുകള്‍ പിടിയിലാകുമെന്നും അവര്‍ നിയമപ്രകാരം ശിക്ഷിക്കപ്പെടുമെന്നും അദ്ദേഹം കൂട്ടിച്ചേര്‍ത്തു. ഇന്ത്യ ബംഗ്ലദേശ് അതിര്‍ത്തിയില്‍ കള്ളക്കടത്ത് തടയാന്‍ ബി എസ് എഫ് എടുക്കുന്ന കടുത്ത നടപടികളുടെ ഭാഗമാണ് ഇത് എന്നും ബി എസ് എഫ് വാര്‍ത്താക്കുറിപ്പില്‍ വ്യക്തമാക്കുന്നു.
ദിവസങ്ങള്‍ക്ക് മുന്‍പ് പഞ്ചാബിലെ ദുര്‍ഗാസ്പൂരില്‍ ഇന്ത്യന്‍ അതിര്‍ത്തി കടന്നെത്തിയ പാകിസ്ഥാന്‍ ഡ്രോണുകള്‍ക്ക് നേരെ ബി എസ് എഫ് സൈനികര്‍ വെടിയുതിര്‍ത്തിരുന്നു.
