'വികസിത ഭാരതം ലക്ഷ്യം വെച്ചുള്ള ജനകീയ ബജറ്റായിരിക്കും നാളെ അവതരിപ്പിക്കുക': പ്രധാനമന്ത്രി

Updated: Monday, July 22, 2024, 11:51 [IST]

ന്യൂഡൽഹി: വികസിത ഭാരതം ലക്ഷ്യം വെച്ചുള്ള ജനകീയ ബജറ്റായിരിക്കും നാളെ അവതരിപ്പിക്കുക എന്ന് പ്രധാനമന്ത്രി നരേന്ദ്ര മോദി. മുൻകാല അഭിപ്രായവ്യത്യാസങ്ങൾ മാറ്റിവെച്ച് വികസനത്തിനായി സഹകരിക്കണമെന്ന് പ്രധാനമന്ത്രി പ്രതിപക്ഷങ്ങളോട് അഭ്യർത്ഥിച്ചു. ബജറ്റ് സമ്മേളനത്തിന് മുന്നോടിയായി സംസാരിക്കുകയായിരുന്നു അദ്ദേഹം.

എല്ലാ പാർട്ടികളും പാർട്ടി അതിർവരമ്പിന് മുകളിൽ ഉയർന്ന് ദേശീയ ക്ഷേമത്തിനായി സ്വയം സമർപ്പിക്കേണ്ടതിൻ്റെ ആവശ്യകത അദ്ദേഹം ഊന്നിപ്പറഞ്ഞു. വോട്ടർമാർക്ക് നൽകിയ വാഗ്ദാനങ്ങൾ നിറവേറ്റുന്നതിനുള്ള തൻ്റെ പ്രതിബദ്ധത അദ്ദേഹം ആവർത്തിച്ചു, ഇന്ത്യയുടെ ഭാവി രൂപപ്പെടുത്തുന്നതിൽ ബജറ്റ് 2024- ൻ്റെ പ്രാധാന്യം എടുത്തുകാട്ടി. ബജറ്റ് അമൃത് കാലിൻ്റെ സുപ്രധാന ബജറ്റാണ്. ഇന്നത്തെ ബജറ്റ് അടുത്ത അഞ്ച് വർഷത്തേക്കുള്ള ദിശ തീരുമാനിക്കും. ഈ ബജറ്റ് 2047- ഓടെ 'വിക്ഷിത് ഭാരത്' എന്ന നമ്മുടെ സ്വപ്നത്തിൻ്റെ ശക്തമായ അടിത്തറയായി മാറും.

പ്രതിപക്ഷ പാർട്ടികളോട് അഭിപ്രായവ്യത്യാസങ്ങൾ ഉപേക്ഷിച്ച് ദേശീയ ക്ഷേമത്തിനായി ഒരുമിച്ച് ചേരണമെന്ന് അദ്ദേഹം അഭ്യർത്ഥിച്ചു. 2029 ജനുവരിയിലെ തിരഞ്ഞെടുപ്പ് വർഷത്തിൽ നിങ്ങൾക്ക് ഏത് കളിയും കളിക്കാം, എന്നാൽ അതുവരെ കർഷകരുടെയും യുവാക്കളുടെയും രാജ്യത്തിൻ്റെയും ശാക്തീകരണത്തിനായി നമ്മൾ പങ്കെടുക്കണം," അദ്ദേഹം പറഞ്ഞു.

ഇന്ത്യ നിലവിൽ 8 ശതമാനം വളർച്ചാനിരക്ക് അനുഭവിക്കുകയാണെന്ന് അദ്ദേഹം ഊന്നിപ്പറഞ്ഞു, രാജ്യത്തെ അവസരങ്ങളുടെ കൊടുമുടിയിൽ നിർത്തുന്നു. അടുത്ത അഞ്ച് വർഷത്തേക്ക് എല്ലാ രാഷ്ട്രീയ പാർട്ടികളും പാർലമെൻ്റ് അംഗങ്ങളും ഒരുമിച്ച് പ്രവർത്തിക്കേണ്ടത് അത്യാവശ്യമാണെന്ന് അദ്ദേഹം എടുത്തുപറഞ്ഞു.

അഭിപ്രായഭിന്നതകൾ ഉപേക്ഷിച്ച് ദേശീയ ക്ഷേമത്തിനായി ഒരുമിച്ച് ചേരാൻ പ്രതിപക്ഷത്തോട് ആഹ്വാനം ചെയ്ത അദ്ദേഹം, എല്ലാ പാർട്ടികളോടും പാർട്ടിഅതിർ വരമ്പുകൾക്ക് അതീതമായി ഉയർന്ന് രാജ്യത്തിനായി സ്വയം സമർപ്പിക്കാനും പാർലമെൻ്റിൻ്റെ ഈ മാന്യമായ വേദി അടുത്ത 4.5 വർഷം ഉപയോഗിക്കാനും ഞാൻ ആവശ്യപ്പെടുന്നു. " പ്രധാനമന്ത്രി പറഞ്ഞു.

രാജ്യത്ത് നിക്ഷേപാന്തരീക്ഷമാണ് നിലനിൽകുന്നത്. സാമ്പത്തിക മുന്നേറ്റവുമായി ബന്ധപ്പെട്ട് പ്രതീക്ഷി നൽകുന്ന റിപ്പോർട്ടുകളാണ് പുറത്തുവരുന്നത്. ഏറ്റവും അധികം അവസരങ്ങൾ സൃഷ്ടിക്കുന്ന സാഹചര്യമാണ് ഇപ്പോൾ നിലനിൽക്കുന്നതെന്നും മോദി പറഞ്ഞു. ജനാധിപത്യത്തിന്റെ അഭിമാന യാത്രയിലെ സുപ്രധാന ലക്ഷ്യ സ്ഥാനമാണ് സെഷൻ. 60 വർഷത്തിന് ശേഷം ഒരു സർക്കാർ മൂന്നാം തവണയും അധികാരത്തിൽ വന്നത് വികസന പ്രവർത്തനങ്ങളുമായി മുന്നോട്ട് പോകാൻ കരുത്ത് പകരുമെന്ന് മോദി പറഞ്ഞു.