Click it and Unblock the Notifications
Just In
Don't Miss
-
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
പ്രശ്നം നിങ്ങളുടേതായിരിക്കില്ല, പക്ഷേ പങ്കാളി എത്ര പ്രകോപിപ്പിച്ചാലും ഈ ഒരു കാര്യം ചെയ്യരുത് -
ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ -
T20 World Cup 2024: സഞ്ജു 314, രാഹുല്‍ 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നോട്ട് നിരോധനം, ബിജെപി നേതാവിന് ഏറ്, അതും മോദിയുടെ മണ്ഡലത്തില്‍
നരേന്ദ്ര മോദിയുടെ മണ്ഡലമായ വാരണാസിയില്‍ ബിജെപി നേതാവിന് കസേര ഏറ്. നോട്ട് നിരോധന ചര്‍ച്ച നടക്കവെയായിരുന്നു ജനരോഷം. ഒടുവില്‍ തല്‍സമയ സംപ്രേഷണം നിര്‍ത്തി.
ലഖ്‌നൗ: നോട്ട് നിരോധനം രാജ്യം സ്വീകരിച്ചെന്ന് ബിജെപിയും കേന്ദ്രസര്‍ക്കാരും കൊട്ടി ഘോഷിക്കവെ പ്രധാനമന്ത്രി നരേന്ദ്ര മോദിയുടെ മണ്ഡലത്തില്‍ ബിജെപി നേതാവിന് കസേര ഏറ്. നോട്ട് നിരോധന ചര്‍ച്ച നടക്കവെയായിരുന്നു ജനരോഷം. ആജ്തക് ചാനല്‍ വാരാണാസിയില്‍ സംഘടിപ്പിച്ച ചര്‍ച്ചയായിരുന്നു പ്രതിഷേധ വേദി.
ബിജെപി നേതാവ് സാംബിത് പത്ര നോട്ട് നിരോധനം നാട്ടിലുണ്ടാക്കിയ മാറ്റവും നേട്ടവും വിശദീകരിക്കവെയാണ് ജനങ്ങള്‍ രോഷാകുലരായത്. ജനങ്ങള്‍ കസേരയെടുത്ത് വേദിയിലേക്ക് എറിഞ്ഞു. സംഘര്‍ഷ സാഹചര്യം ഒഴിവാക്കാന്‍ അവതാരിക അഞ്ജന ഓം കശ്യപ് ജനങ്ങള്‍ക്കിടയിലേക്ക് ഇറങ്ങിയെങ്കിലും ഫലമുണ്ടായില്ല. ജനം തെറിവിളിയും കൂകിയും ഒച്ചവച്ചതോടെ ചാനലുകാര്‍ പോലിസിനെ വിളിച്ചു. പോലിസെത്തിയാണ് രംഗം ശാന്തമാക്കിയത്. തുടര്‍ന്ന് പരിപാടിയുടെ തല്‍സമയ സംപ്രേഷണം നിര്‍ത്തിവച്ചു.
ചര്‍ച്ച തുടങ്ങവെ സാംബിത് പത്രയെയും കോണ്‍ഗ്രസ്് നേതാവ് നസീം ജാവേദിനെയും അവതാരിക വിഷയാവതരണത്തിന് ക്ഷണിച്ചു. സാംബിത്് പത്ര നോട്ട് നിരോധനത്തിന്റെ നേട്ടം വിശദീകരിക്കാന്‍ പുരാണത്തിലെ പാലാഴി മഥനവുമായി ഉപമ തുടങ്ങി. നോട്ട് നിരോധനം മൂലം ജനങ്ങള്‍ക്ക് ബുദ്ധിമുട്ടുണ്ടാവാന്‍ സാധ്യതയുണ്ടെങ്കിലും ആത്യന്തികമായി വലിയ നേട്ടമുണ്ടാവുമെന്നായിരുന്നു പത്ര പറയാന്‍ ശ്രമിച്ചത്.
പാലാഴി മഥനം വഴി അമൃതും വിഷവും ലഭിച്ചത് ചൂണ്ടിക്കാട്ടിയ ഉടനെ ജനങ്ങള്‍ ഇളകാന്‍ തുടങ്ങി. ഓരോരുത്തര്‍ സംസാരം ആരംഭിച്ചതോടെ ആകെ ബഹളമായി. അപ്പോഴാണ് അവതാരിക അവര്‍ക്കിടയിലേക്കിറങ്ങി ശാന്തരാവാന്‍ ആവശ്യപ്പെട്ടത്. രോഷാകുലരായ ജനക്കൂട്ടം ബിജെപി നേതാവിനെതിരേ കസേരകള്‍ എടുത്തെറിഞ്ഞു. സോഷ്യല്‍ മീഡിയകളില്‍ രംഗം വൈറലായിട്ടുണ്ട്. നോട്ട് നിരോധനത്തിനെതിരായ ജനങ്ങളുടെ പ്രതിഷേധമാണിതെന്നാണ് മിക്കയാളുകളും അഭിപ്രായപ്പെട്ടത്.
പഞ്ചാബിലും ഗുജറാത്തിലും തിരഞ്ഞെടുപ്പില്‍ ബിജെപി മുന്നേറ്റം നടത്തിയത് നോട്ട് നിരോധനം ജനം സ്വീകരിച്ചതിന് തെളിവായി കേന്ദ്രസര്‍ക്കാരും ബിജെപിയും അവകാശപ്പെടുന്നതിനിടെയാണ് പ്രധാനമന്ത്രിയുടെ മണ്ഡലത്തിലെ സംഭവം. നോട്ട് നിരോധനത്തെ തുടര്‍ന്നുണ്ടായ വിഷമങ്ങള്‍ വിശദീകരിച്ച് കഴിഞ്ഞദിവസം ബിജെപിയുടെ സഖ്യകക്ഷിയായ ടിഡിപി നേതാവ് ചന്ദ്രബാബു നായിഡു രംഗത്ത് വന്നിരുന്നു.
ആദ്യം നോട്ട് നിരോധനത്തെ അനുകൂലിച്ച വ്യക്തിയാണ് ആന്ധ്രപ്രദേശ് മുഖ്യമന്ത്രിയായ നായിഡു. എന്നാല്‍ പ്രതിസന്ധി അവസാനിക്കാത്തതാണ് അദ്ദേഹത്തെ ചൊടിപ്പിച്ചത്. നമ്മുടെ ആഗ്രഹത്താലല്ല നോട്ട് നിരോധനം നടന്നതെന്നും 40 ദിവസം കഴിഞ്ഞിട്ടും പ്രശ്‌നങ്ങള്‍ അവസാനിക്കുന്നില്ലെന്നുമാണ് അദ്ദേഹം വിജയവാഡയില്‍ പാര്‍ട്ടി പരിപാടിയില്‍ പറഞ്ഞത്.
