ലോകത്തിന് മുന്നില് ഭീതിയായി ഇന്ത്യ... മെക്സിക്കോയെ മറികടന്നു, അടുത്തത് ബ്രസീല്, പിന്നെ അമേരിക്ക
ദില്ലി: കൊവിഡ് മഹാമാരി പടര്ന്നുപിടിക്കാന് തുടങ്ങിയപ്പോള് മുതല് ലോകം ഉറ്റുനോക്കുന്ന രാജ്യങ്ങളില് ഒന്നായിരുന്നു ഇന്ത്യ. ലോകത്ത് ജനസംഖ്യയടെ കാര്യത്തില് രണ്ടാം സ്ഥാനത്തുള്ള ഇന്ത്യയില് രോഗം പടര്ന്നുപിടിച്ചാല് എന്തായിരിക്കും സ്ഥിതി എന്നതായിരുന്നു ഈ ആശങ്കയ്ക്ക് പിറകില്.
ഇന്ത്യയിലെ ആശങ്കകള് ഇപ്പോള് നാള്ക്കുനാള് വര്ദ്ധിച്ചുകൊണ്ടിരിക്കുകയാണ്. ലോകത്ത് ആദ്യമായി പ്രതിദിന രോഗികളുടെ എണ്ണം ഇന്ത്യയില് എണ്പതിനായിരം കവിഞ്ഞിരിക്കുകയാണ്. കൊവിഡ് മരണങ്ങളുടെ എണ്ണത്തില്, മെക്സിക്കോയെ മറികടന്ന് ഇന്ത്യ മൂന്നാം സ്ഥാനത്ത് എത്തിക്കഴിഞ്ഞു. എന്താണ് ഇന്ത്യയിലെ സ്ഥിതി...
രോഗികള് പെരുകുന്നു
ജനുവരി 30 ന് ആണ് ഇന്ത്യയില് ആദ്യ കൊവിഡ് കേസ് റിപ്പോര്ട്ട് ചെയ്യുന്നത്. കേരളത്തില് ആയിരുന്നു അത്. ഏഴ് മാസം കൊണ്ട് രോഗികളുടെ എണ്ണം മുപ്പത്തിയാറ് ലക്ഷത്തി ഇരുപത്തിനാലായിരം കവിഞ്ഞിരിക്കുകയാണ്. പ്രതിദിന വര്ദ്ധന ഓരോ ദിവസവും കൂടിക്കൊണ്ടിരിക്കുകയാണ് എന്നതാണ് ഏറെ ഭയപ്പെടുത്തുന്ന കാര്യം.
രോഗികളും മരണവും
ഇന്ത്യയിലെ പ്രതിദിന കൊവിഡ് മരണങ്ങളുടെ എണ്ണം ഭയപ്പെടുത്തുംവിധം ഉയര്ന്നിട്ടില്ല എന്നത് ഒരു യാഥാര്ത്ഥ്യമാണ്. എന്നാല് ആകെ കൊവിഡ് മരണങ്ങള് ഇപ്പോള് അറുപത്തിനാലായിരത്തി അഞ്ഞൂറ് കവിഞ്ഞിരിക്കുകയാണ്. ഇതോടെ രോഗികളുടെ എണ്ണത്തിലും കൊവിഡ് മരണങ്ങളിലും ഇന്ത്യ ലോകത്ത് മൂന്നാം സ്ഥാനത്ത് എത്തിയിരിക്കുകയാണ്.
മുന്നില് രണ്ട് രാജ്യങ്ങള്
ലോകത്ത് ഏറ്റവും അധികം കൊവിഡ് രോഗികള് ഉള്ളതും കൊവിഡ് മരണങ്ങള് റിപ്പോര്ട്ട് ചെയ്തതും അമേരിക്കയില് ആണ്. അറുപത് ലക്ഷത്തിലധികം കേസുകളും 1.87 ലക്ഷത്തിലധികം മരണങ്ങളുമാണ് അമേരിക്കയില് ഉണ്ടായത്. തൊട്ടുപിറകിലുള്ള ബ്രസീലില് 38.62 ലക്ഷം രോഗികളും 1.2 ലക്ഷം മരണങ്ങളും സംഭവിച്ചുകഴിഞ്ഞു.
ഇന്ത്യ ഒന്നാമതാകും
കാര്യങ്ങള് ഈ വിധത്തിലാണ് മുന്നോട്ട് പോകുന്നത് എങ്കില് ദിവസങ്ങള്ക്കുള്ളില് തന്നെ രോഗികളുടെ എണ്ണത്തില് ഇന്ത്യ ബ്രസീലിനെ മറികടക്കും. രണ്ട് മാസം കൊണ്ട് അമേരിക്കയെ പോലും ഇന്ത്യ മറികടന്നേക്കും എന്നാണ് വിലയിരുത്തുന്നത്. അതായത് രണ്ട് മാസം കൊണ്ട് ഇന്ത്യയിലെ രോഗബാധിതരുടെ എണ്ണം ഇരട്ടിയോളം ആയേക്കും.
എന്തുകൊണ്ട് വിലയ ഭയം
ഇന്ത്യയില് രോഗം പടരുന്നതിനെ പറ്റി ലോകം എന്തിനാണ് ഇത്രയും ഭയക്കുന്നത് എന്നല്ലേ... ലോകത്തിലെ ജനസംഖ്യാടിസ്ഥാനത്തില് രണ്ടാം സ്ഥാനത്തുള്ള നമ്മുടെ രാജ്യം പൊതുജനാരോഗ്യ മേഖലയില് വന് പരാജയം ആണ് എന്നത് തന്നെയാണ് അതിന്റെ കാരണം. വലിയരീതിയില് പടര്ന്നുപിടിച്ചാല് അതിനെ പ്രതിരോധിക്കാന് ഉള്ള സംവിധാനങ്ങള് ഇന്ത്യയുടെ കൈവശം ഇല്ലെന്ന് തന്നെ പറയാം.
ദരിദ്രരാഷ്ട്രങ്ങള്
രോഗവ്യാപനത്തിന്റെ തുടക്കത്തില് സാമ്പത്തികമായും സാമൂഹികമായും മുന്പന്തിയിലുള്ള ഇറ്രലി, സ്പെയിന്, യുകെ എന്നിവിടങ്ങളിലായിരുന്നു കൊവിഡ് ഏറ്റവും രൂക്ഷമായി ബാധിച്ചത്. എന്നാല് ഇപ്പോള് അമേരിക്ക ഒഴികെയുള്ള മുന്നിര രാജ്യങ്ങളെല്ലാം കൊവിഡിനെ ഏറെക്കുറെ പ്രതിരോധിച്ച് കഴിഞ്ഞു. അതേ സമയം, പെറു, മെക്സിക്കോ, ദക്ഷിണാഫ്രിക്ക എന്നീ രാജ്യങ്ങളില് രോഗം രൂക്ഷമാവുകയും ചെയ്തു.
യഥാര്ത്ഥ കണക്കുകള്
ഇന്ത്യയില് പരിമിതമായ ടെസ്റ്റുകളിലൂടെ കണ്ടെത്തിയ രോഗബാധിതരുടെ വിവരങ്ങള് ആണ് പുറത്ത് വന്നിട്ടിള്ള 36 ലക്ഷം. യഥാര്ത്ഥ രോഗബാധിതര് ഇതിലും എത്രയോ അധികമാകാനാണ് സാധ്യത എന്നാണ് റിപ്പോര്ട്ടുകള്.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google