Click it and Unblock the Notifications
Just In
-
-
-
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
സംസ്‌കൃതം നിര്‍ബന്ധമാക്കിയത് ബിജെപിയല്ല, യുപിഎ!
ദില്ലി: സി ബി എസ് ഇ സ്‌കൂളുകളില്‍ സംസ്‌കൃതം പഠിക്കുന്നത് നിര്‍ബന്ധമാക്കിയത് യു പി എ സര്‍ക്കാരിന്റെ കാലത്ത്. കേന്ദ്ര മാനവ വിഭവ ശേഷി മന്ത്രാലയമാണ് ഇക്കാര്യം പറഞ്ഞത്. സംസ്‌കൃതം ഡിപ്പാര്‍ട്ട്‌മെന്റുകള്‍ ഇല്ലാത്ത കോളേജുകളില്‍ ഡിപ്പാര്‍ട്ട്‌മെന്റുകള്‍ തുടങ്ങാനും സര്‍ക്കാര്‍ കേന്ദ്ര സര്‍വകലാശാലയോട് ആവശ്യപ്പെട്ടിരുന്നു.
കഴിഞ്ഞ സെപ്തംബറിലെ ലഖ്‌നൊ കോണ്‍ഫറന്‍സിന് ശേഷമാണ് കേന്ദ്രസര്‍ക്കാര്‍ തിടുക്കപ്പെട്ട് ഇത്തരമൊരു നിര്‍ദേശം നല്‍കിയതെന്ന് മാനവ വിഭവ ശേഷി മന്ത്രാലയം വക്താക്കള്‍ വ്യക്തമാക്കി. സി ബി എസ് സി ചെയര്‍മാനും എന്‍ സി ഇ ആര്‍ ടി ഡയറക്ടര്‍ക്കുമാണ് ഇത് സംബന്ധിച്ച സര്‍ക്കുലര്‍ അയച്ചത്. സംസ്‌കൃതം ഡിപ്പാര്‍ട്ട്‌മെന്റുകള്‍ ഇല്ലാത്ത കോളേജുകളില്‍ പുതുതായി തുടങ്ങാന്‍ നിര്‍ദേശം നല്‍കിയത് ജനുവരി ഏഴിനാണ്.
യു പി എ സര്‍ക്കാരിന്റെ കാലത്താണ് ഇത് നടന്നത്. ഇപ്പോഴത്തെ സര്‍ക്കാരിന്റെ കാലത്തല്ല. സംസ്‌കൃതം ഭാഷ ശക്തിപ്പെടുത്തുന്നതിന്റെ ഭാഗമായി, ഡിപ്പാര്‍ട്ട്‌മെന്റുകള്‍ ഇല്ലാത്ത കോളേജുകളില്‍ സംസ്‌കൃതം ഡിപ്പാര്‍ട്ട്‌മെന്റ് തുടങ്ങാന്‍ കേന്ദ്ര യൂണിവേഴ്‌സിറ്റികളോട് അഭ്യര്‍ഥിച്ചതായി നേരത്തെ കേന്ദ്ര മാനവ വിഭവ ശേഷി മന്ത്രി സ്മൃതി ഇറാനി ലോക്‌സഭയില്‍ അറിയിച്ചിരുന്നു.
കേന്ദ്രീയ വിദ്യാലയങ്ങളില്‍ ജര്‍മന്‍ ഭാഷയ്ക്ക് പകരം സംസ്‌കൃതം നിര്‍ബന്ധമാക്കാനുള്ള സ്മൃതി ഇറാനിയുടെ തീരുമാനം അടുത്തിടെ വിവാദത്തിന് വഴിവെച്ചിരുന്നു. ജര്‍മന്‍ ഭാഷ ഓപ്ഷണല്‍ ആയി പഠിക്കാമെന്നായിരുന്നു കേന്ദ്രം പറഞ്ഞത്. സംസ്‌കൃതം പഠിച്ചാല്‍ ഇന്ത്യയ്ക്ക് പുറത്ത് എന്ത് അവസരങ്ങളാണ് ഉള്ളതെന്നും ആ സമയത്ത് വിദേശ ഭാഷ പഠിച്ചാല്‍ ഗുണം ചെയ്യും എന്നുമാണ് സംസ്‌കൃതം നിര്‍ബന്ധമാക്കുന്നതിനെ എതിര്‍ക്കുന്നവര്‍ പറയുന്നത്.
