ജന്മനാ ഒരു വൃക്കയും ഗര്ഭപാത്രവും ഇല്ലെന്ന് തിരിച്ചറിഞ്ഞത് 17കാരി ജീവനൊടുക്കി
ബറേലി: ജന്മനാ ഒരു വൃക്കയും ഗര്ഭപാത്രവും ഇല്ലാതെയാണ് താന് ജനിച്ചതെന്ന സത്യം തിരിച്ചറിഞ്ഞ 17 കാരി ജീവനൊടുക്കി. മാസങ്ങള്ക്ക് മുന്പ്് ശാരീരികമായി ബുദ്ധിമുട്ടുകള് അനുഭവിച്ചിരുന്ന പെണ്കുട്ടിയെ അള്ട്രാസൗണ്ട് സ്കാനിങ്ങിന് വിധേയയാക്കിയപ്പോഴാണ് വീട്ടുക്കാര് ആ സത്യം തിരിച്ചറിയുന്നത്.
ജന്മനാ തന്നെ പെണ്കുട്ടിയ്ക്ക് ഒരു വൃക്കയും ഗര്ഭപാത്രവും ഇല്ലായിരുന്നു എന്ന് റിപ്പോര്ട്ടില് പറയുന്നു. ചികിത്സകള് നടത്തിയാലും പൂര്വ്വസ്ഥിതിയില് ആകാന് കഴിയില്ലെന്ന യാഥാര്ത്ഥ്യം പെണ്കുട്ടിയെ മാനസികമായി ഏറെ തളര്ത്തി. പ്ലസ് വണ് ക്ലാസ്സില് പഠിക്കുന്ന കുട്ടി പിന്നീട് പഠനത്തിലും ശ്രദ്ധിക്കാതെയായി.
വെള്ളിയാഴ്ച പെണ്കുട്ടിയുടെ അച്ഛന് അടുത്തുള്ള ഗ്രാമത്തില് വോട്ട് ചെയ്യാന് പോയ സമയത്തായിരുന്നു ആത്മഹത്യ ചെയ്തത്. വീട്ടില് അമ്മ മാത്രമെ ഉണ്ടായിരുന്നുള്ളൂ.
മണ്ണെണ ഒഴിച്ച് തീ കൊളുത്തിയാണ് ആത്മഹത്യ ചെയ്തത്. മുറിയില് നിന്നും തീ പടരുന്നത് കണ്ടാണ് അമ്മ ശ്രദ്ധിക്കുന്നത്. ഉടന് തന്നെ അടുത്തുള്ള ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.