ശിവസേനയ്ക്കെതിരെ ഒരു വാക്ക് പോലും പറയില്ല: മോദി
ദില്ലി: സഖ്യം പിരിഞ്ഞെങ്കിലും ശിവസേന മോദിയ്ക്ക് ഇപ്പോഴും പ്രിയപ്പെട്ടത്. മഹാരാഷ്ട്രയില് നടന്ന തിരഞ്ഞെടുപ്പ് യോഗത്തിലാണ് താന് ശിവസേനയ്ക്കെതിരെ ഒരു വാക്ക് പോലും പ്രയോഗിയ്ക്കില്ലെന്ന് പ്രധാനമന്ത്രി നരേന്ദ്ര മോദി പറഞ്ഞു. ബിജെപിയുമായുള്ള സഖ്യം വിട്ട ശിവസേനയെ വിമര്ശിയ്ക്കാന് തയ്യാറല്ലെന്നും താന് വളരെയധികം ബഹുമാനിയ്ക്കുന്ന വ്യക്തിയാണ് ബാല് താക്കറെയന്നും അതിനാലാണ് ശിവസേനയ്ക്കെതിരെ ഒരക്ഷരം പോലും പറയാത്തതെന്നും മോദി.
ബാല് താക്കറെ ഇല്ലാത്ത ആദ്യത്തെ തിരഞ്ഞെടുപ്പാണിതെന്നും മോദി പറഞ്ഞു. താന് ശിവസേനയ്ക്കെതിരെ താന് വിമര്ശനങ്ങള് ഉന്നയിക്കുന്നെന്ന് ചില മാധ്യമങ്ങള് റിപ്പോര്ട്ട് ചെയ്തു. ഇക്കാര്യം അസത്യമാണെന്നും താന് ശിവസേനയ്ക്കെതിരെ പരാമര്ശം നടത്തിയിട്ടില്ലെന്നും മോദി.
ശിവസേനയ്ക്കെതിരായ പരാമര്ശങ്ങള് ഉന്നയിക്കാതിരുന്നപോപഴും കോണ്ഗ്രസിനും എന്സിപിയ്ക്കുമെതിരെ അതിരൂക്ഷമായ വിമര്ശനം ഉന്നയിച്ചു. മഹാരാഷ്ട്രയില് കര്ശകര് നേരിടുന്ന പ്രശ്നങ്ങള്, ആദര്ശ് ഫ്ളാറ്റ് തട്ടിപ്പ് എന്നിവയെപ്പറ്റിയും മോദി തന്റെ പ്രസംഗത്തില് പറഞ്ഞു.
മഹാരാഷ്ട്രയില് ബിജെപിയും ശിവസേനയും കഴിഞ്ഞ 25 വര്ഷമായി തുടര്ന്ന സഖ്യമാണ് അടുത്തിടെ പിരിഞ്ഞത്. തിരഞ്ഞെടുപ്പ് ഇരുവര്ക്കും നിര്ണായകമാണ്.