ശ്രീനഗർ: ജമ്മു കശ്മീരിലെ കുപ്വാരയിൽ നുഴഞ്ഞുകയറാൻ ശ്രമിച്ച അഞ്ച് ഭീകരരെ സൈന്യം വധിച്ചു. കുപ്വാര ജില്ലയിലെ കെരാൻ സെക്ടറിൽ ഞായറാഴ്ച രാവിലെയായിരുന്നു സംഭവം. കെരാൻ മേഖലയിൽ സൈനികരുടെ തിരച്ചിൽ തുടരുകയാണ്.

കെരാൻ സെക്ടറിലെ നിയന്ത്രണരേഖയ്ക്ക് സമീപം ഭീകരരുടെ സാന്നിദ്ധ്യം കണ്ടെത്തിയതിനെ തുടർന്നാണ് സൈന്യം ഈ മേഖലയിൽ തിരച്ചിൽ നടത്തിയത്. തുടർന്ന് നുഴഞ്ഞുകയറാൻ ശ്രമിച്ച അഞ്ച് ഭീകരരെ സൈന്യം വെടിവെച്ചു കൊലപ്പെടുത്തി. ഇതിനിടെ ഭീകരർ സൈന്യത്തിന് നേരെ വെടിയുതിർത്തു. കൂടുതൽ ഭീകരർ പ്രദേശത്ത് തമ്പടിച്ചതായുള്ള സൂചനയെ തുടർന്ന് നിയന്ത്രണരേഖയ്ക്ക് സമീപം സൈന്യത്തിന്റെ പരിശോധന തുടരുകയാണ്.