സ്കൂളുകളില് ഇ-അറ്റന്ഡന്സ്; ക്ലാസ് കട്ട് ചെയ്യാന് പാടുപെടും; മുങ്ങുന്ന അധ്യാപകര്ക്കും പണി കിട്ടും
ബെംഗളൂരു: കര്ണാടകയിലെ സ്കൂളുകളില് വിപ്ലവകരമായ മാറ്റങ്ങളുമായി സര്ക്കാര്. വിദ്യാര്ത്ഥികള്ക്കും അധ്യാപകര്ക്കും ഫേഷ്യല് റെക്കഗ്നിഷന് അധിഷ്ഠിത ഹാജര് സംവിധാനം സര്ക്കാര് നിര്ബന്ധമാക്കി. മുഖം തിരിച്ചറിഞ്ഞ് ഹാജര് രേഖപ്പെടുത്തുന്ന ആര്ട്ടിഫിഷ്യല് ഇന്റലിജന്സ് സംവിധാനമാണിത്. കര്ണാടകയിലെ സര്ക്കാര്, എയ്ഡഡ് സ്കൂളുകളില് വിദ്യാര്ത്ഥികള്ക്കും അധ്യാപകര്ക്കും നിയമം ബാധകമാണ്. സംസ്ഥാനത്തെ സ്കൂള് ഭരണനിര്വഹണ രംഗത്ത് വലിയൊരു ഡിജിറ്റല് മാറ്റത്തിന് തുടക്കം കുറിച്ചുകൊണ്ടാണ് ഈ പുതിയ ഉത്തരവ് പുറത്തിറങ്ങിയിരിക്കുന്നത്.
'നിരന്തര' എന്ന പേരിലുള്ള ഈ പദ്ധതിയിലൂടെ വിദ്യാര്ത്ഥികളുടെയും അധ്യാപകരുടെയും ഹാജര് വിവരങ്ങള് കൃത്യമായി നിരീക്ഷിക്കാനാണ് വിദ്യാഭ്യാസ വകുപ്പ് ലക്ഷ്യമിടുന്നത്. ഈ പുതിയ സാങ്കേതികവിദ്യ വഴി ഹാജര് രേഖപ്പെടുത്തുന്നതിലൂടെ സുതാര്യത ഉറപ്പാക്കാനും കൃത്രിമ ഹാജര് തടയാനും സാധിക്കുമെന്ന് സര്ക്കാര് വ്യക്തമാക്കുന്നു.
ഹാജര് ബുക്കില് രേഖപ്പെടുത്തുന്നതിന് പകരമായി ഡിജിറ്റല് പ്ലാറ്റ്ഫോമുകള് വഴി തത്സമയം ഹാജര് വിവരങ്ങള് അപ്ഡേറ്റ് ചെയ്യാനാണ് നിര്ദേശം നല്കിയിരിക്കുന്നത്. ഇതിലൂടെ സ്കൂളുകളിലെ ക്രമക്കേടുകള് വേഗത്തില് കണ്ടെത്താനും വിദ്യാര്ത്ഥികളുടെ സുരക്ഷ വര്ധിപ്പിക്കാനും അധികൃതര് ലക്ഷ്യമിടുന്നുണ്ട്. ഈ സംവിധാനം നടപ്പാക്കുന്നതിനായി സ്കൂളുകള്ക്ക് ആവശ്യമായ സാങ്കേതിക സഹായവും പരിശീലനവും വിദ്യാഭ്യാസ വകുപ്പ് നല്കും. വിദ്യാഭ്യാസ മേഖലയിലെ ഭരണപരിഷ്കാരങ്ങളില് ആര്ട്ടിഫിഷ്യല് ഇന്റലിജന്റ്സിന്റെ സ്വാധീനം വര്ധിപ്പിക്കുന്നതിന്റെ ഭാഗമായാണ് ഈ നീക്കമെന്നും സര്ക്കാര് അറിയിച്ചു.
ഇതിനായി പ്രത്യേകമായി വികസിപ്പിച്ചെടുത്ത എഐ മൊബൈല് ആപ്ലിക്കേഷന് വരും മെയ് മാസത്തിനുള്ളില് എല്ലാ സ്കൂളുകളിലും സജ്ജമാക്കണമെന്ന് സര്ക്കാര് പുറപ്പെടുവിച്ച ഉത്തരവില് വ്യക്തമാക്കുന്നുണ്ട്. ഏകദേശം 2.16 കോടി രൂപ ചിലവഴിച്ചാണ് ഈ സാങ്കേതികവിദ്യ വികസിപ്പിച്ചെടുത്തിരിക്കുന്നത്.
പുതിയ സംവിധാനം നടപ്പാക്കുന്നതോടെ ജീവനക്കാര് നേരിട്ട് ഹാജരാകാതെ ഹാജര് രേഖപ്പെടുത്തുന്ന രീതികള്ക്ക് അന്ത്യമാകുമെന്നും ഇതിലൂടെ വിദ്യാഭ്യാസ രംഗത്തെ ക്രമക്കേടുകള് ഒഴിവാക്കാന് സാധിക്കുമെന്നും അധികൃതര് കരുതുന്നു. പുറത്തു നിന്നുള്ളവര് അനധികൃതമായി സ്കൂളിനുള്ളില് പ്രവേശിക്കുന്നതും തടയാനാകും.
ഇതുകൂടാതെ മാതാപിതാക്കള്ക്ക് സാറ്റ്സ് സോഫ്റ്റ്വെയര് വഴി തങ്ങളുടെ കുട്ടികളുടെ ഹാജര് വിവരങ്ങള് നേരിട്ട് പരിശോധിക്കാനുള്ള സൗകര്യവും ഈ പദ്ധതിയുടെ ഭാഗമായി ഒരുക്കിയിട്ടുണ്ട്. അടുത്ത അധ്യയന വര്ഷം മുതല് പൂര്ണ്ണതോതില് നടപ്പാക്കുന്ന ഈ സംവിധാനം വലിയ സുതാര്യത കൊണ്ടുവരുമെന്നാണ് പ്രതീക്ഷിക്കപ്പെടുന്നത്.
ഇ-അറ്റന്ഡന്സ് സംവിധാനം ദൈനംദിന ക്ലാസുകളില് മാത്രമായി പരിമിതപ്പെടുത്തില്ല. വരും ദിവസങ്ങളില് പരീക്ഷാ, മൂല്യനിര്ണയ കേന്ദ്രങ്ങളില് ജോലി ചെയ്യുന്ന ജീവനക്കാര്ക്കും ഇ-അറ്റന്ഡന്സ് നിര്ബന്ധമാകുമെന്ന് വിദ്യാഭ്യാസ വകുപ്പ് വ്യക്തമാക്കി.
-
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
Click it and Unblock the Notifications
Sign in with Google