കാവേരി നദിയില് നിന്ന് വെള്ളമെത്തിക്കുമെന്ന് പ്രചാരണം; ഡികെ ശിവകുമാറിനെതിരെ കേസെടുത്തു
ന്യൂഡല്ഹി: കര്ണാടക ഉപമുഖ്യമന്ത്രി ഡികെ ശിവകുമാറിനെതിരെ പെരുമാറ്റച്ചട്ട ലംഘനത്തിന് കേസെടുത്തു. ലോക്സഭാ തിരഞ്ഞെടുപ്പിനിടെയുള്ള പ്രചാരണത്തിനിടയിലാണ് സംഭവം നടന്നത്. തന്റെ സഹോദരന് ഡികെ സുരേഷിന് വോട്ട് ചെയ്താല്, എല്ലാ ബെംഗളൂരു വോട്ടര്മാര്ക്ക് കാവേരി നദീ ജലം നല്കുമെന്ന് ഹര്ദിക് പാണ്ഡ്യ പ്രചാരണത്തില് പറഞ്ഞിരുന്നു. ബെംഗളൂരു റൂറലില് നിന്നാണ് ഡികെ സുരേഷ് മത്സരിക്കുന്നത്.
അതേസമയം ശിവകുമാറിന്റെ പ്രസംഗം തിരഞ്ഞെടുപ്പ് പെരുമാറ്റച്ചട്ട ലംഘനമാണെന്ന് മുഖ്യ തിരഞ്ഞെടുപ്പ് കമ്മീഷണര് പറഞ്ഞു. കൈക്കൂലിക്കും, തിരഞ്ഞെടുപ്പില് അനാവശ്യ ഇടപെടല് നടത്താന് നോക്കിയെന്നും കാണിച്ചാണ് ശിവകുമാറിനെതിരെ കേസെടുത്തത്.നേരത്തെ വന്ന വീഡിയോയില് ഡികെ ശിവകുമാര് പരാമര്ശം മനപ്പൂര്വം നടത്തുന്നതാണെന്നും, പ്രപാരണത്തിന്റെ ആവേശത്തില് സംഭവിച്ചതല്ലെന്നും വ്യക്തമായിരുന്നു.
തന്റെ സഹോദരന്റെ മണ്ഡലത്തിലെ ജനങ്ങള്ക്കൊരു ബിസിനസ് ഡീലുമായിട്ടാണ് ഞാന് എത്തിയിരിക്കുന്നത്. നിങ്ങള് വോട്ട് ചെയ്താല് കാവേരി നദിയിലെ ജലം അവര്ക്ക് വിതരണം ചെയ്യുമെന്നും ഹര്ദിക് പറയുന്നുണ്ട്. ബെംഗളൂരു റൂറലിലെ ഹൗസിംഗ് സൊസൈറ്റിയിലെ ജനങ്ങളോടായിരുന്നു ഡികെയുടെ പരാമര്ശം.
ഇതൊരു ബിസിനസ് കൂടിക്കാഴ്ച്ചയാണ്. നിങ്ങള്ക്ക് കാവേരിയിലെ ജലമാണ് വേണ്ടത്. ബാക്കിയുള്ള പ്രശ്നങ്ങളെല്ലാം വളരെ ചെറുതാണ്. ഈ വിഷയങ്ങള് ഞാന് പരിഹരിച്ച് കഴിഞ്ഞാല് നിങ്ങള് എന്താണ് എനിക്ക് നല്കുക. കമ്മീഷണറുമായി സംസാരിച്ച് കഴിഞ്ഞു. എന്ത് ചെയ്യാന് പറ്റുമെന്ന് അന്വേഷിച്ചിട്ടുണ്ടെന്നും ഡികെ ശിവകുമാര് ജനങ്ങളോട് പറഞ്ഞു.നിങ്ങളുടെ ആത്മവിശ്വാസം ഞാനുമായി പങ്കുവെക്കൂ. അങ്ങനെ ചെയ്താല് നിങ്ങളുടെ കാര്യങ്ങള് ഞാന് നോക്കിക്കോളാം.
ഞാന് ജലസേചന കാര്യങ്ങള് കൂടി നോക്കുന്ന മന്ത്രിയാണ്. നിങ്ങളുടെ പോക്കറ്റിലാണ് കാര്യങ്ങള്. നിങ്ങളുടെ വീട്ടിലേക്ക് ഞാന് വന്നിരിക്കുകയാണ്.എന്നെ നിങ്ങള് ധൈര്യമായി ഉപയോഗിക്കൂ. വോട്ട് എനിക്ക വേണ്ടി നല്കൂ. രണ്ടോ മൂന്നോ മാസത്തിനുള്ളില് നിങ്ങള്ക്ക് വേണ്ടത് ഞാന് ചെയ്തിരിക്കുമെന്നും ഡികെ ശിവകുമാര് പറഞ്ഞു.
അതേസമയം കഴിഞ്ഞ രണ്ട് മാസത്തോളമായി ബെംഗളൂരു നിവാസികള് കടുത്ത ജലക്ഷാമമാണ് നേരിടുന്നത്. കാവേരി നദിയില് നിന്നും ഭൂഗര്ജലത്തില് നിന്നുമാണ് ബെംഗളൂരുവില് കുടിവെള്ളം ലഭിക്കും. നിത്യേന 2800 ലിറ്ററോളമാണ് നഗരത്തിന്റെ ആവശ്യം. എന്നാല് ഇതിന്റെ പകുതി മാത്രമാണ് ലഭിക്കുന്നത്.
അതേസമയം ശിവകുമാറിന് പുറമേ ജെഡിഎസ് അധ്യക്ഷന് എച്ച്ഡി കുമാരസ്വാമി, ബിജെപി സംസ്ഥാന അധ്യക്ഷന് ബിവൈ വിജയേന്ദ്ര എന്നിവര്ക്കെതിരെയും കേസെടുത്തിട്ടുണ്ടെന്ന് തിരഞ്ഞെടുപ്പ് കമ്മീഷന് അറിയിച്ചു. തിരഞ്ഞെടുപ്പുമായി ബന്ധപ്പെട്ട് തെറ്റായ പരാമര്ശങ്ങള് നടത്തിയതിനാണ് കുമാരസ്വാമിക്കെതിരെ കേസെടുത്തത്. ബിജെപിയുടെ എക്സ് ഹാന്ഡിലില് നിന്ന് മോശം പരാമര്ശങ്ങള് കോണ്ഗ്രസിനെതിരെ നടത്തിയതിനാണ് വിജയേന്ദ്രക്കെതിരെ കേസെടുത്തത്.
Click it and Unblock the Notifications
Sign in with Google