ദേശീയ സുരക്ഷാ ഉപദേശക ബോർഡ് പുനഃസംഘടിപ്പിച്ചു; നേതൃത്വം നൽകുക മുൻ റോ മേധാവി
ന്യൂഡൽഹി: ദേശീയ സുരക്ഷാ ഉപദേശക ബോർഡ് (എൻഎസ്എബി) പുനഃസംഘടിപ്പിച്ച് കേന്ദ്ര സർക്കാർ. മുൻ റോ മേധാവി അലോക് ജോഷിയെ സമിതിയുടെ തലവനായി നിയമിക്കുകയും ചെയ്തു കൊണ്ടാണ് കേന്ദ്രത്തിന്റെ നിർണായക നീക്കം. പഹൽഗാം ഭീകരാക്രമണത്തിന് പിന്നാലെ ഇന്ത്യയും പാകിസ്ഥാനും തമ്മിലുള്ള നയതന്ത്ര ഭിന്നത ശക്തമാവുകയും അതിർത്തിയിൽ യുദ്ധസമാന സാഹചര്യങ്ങൾ തുടരുകയും ചെയ്യുന്നതിനിടെയാണ് കേന്ദ്രം ഈ പ്രഖ്യാപനം നടത്തിയത്.
ഏപ്രിൽ 22ന് ജമ്മു കശ്മീരിലെ പ്രധാന ടൂറിസം കേന്ദ്രങ്ങളിൽ ഒന്നായ പഹൽഗാമിലെ ബൈസരൻ താഴ്വരയിൽ 26 പേരുടെ മരണത്തിനിടയാക്കിയ ഭീകരാക്രമണത്തെ തുടർന്നാണ് എൻഎസ്എബിയെ പുനരുജ്ജീവിപ്പിക്കാനുള്ള കേന്ദ്ര നീക്കം. എൻഎസ്എബിയിൽ ഇനി ആറ് അംഗങ്ങളായിരിക്കും ഉണ്ടാവുക. വിവിധ തലങ്ങളിൽ പ്രവർത്തിക്കുന്ന ഉദ്യോഗസ്ഥരെയാണ് ഒരു കുടക്കീഴിൽ കൊണ്ട് വരുന്നത്.
അതിൽ മൂന്ന് പേർ സൈനിക പശ്ചാത്തലമുള്ളവരും, രണ്ട് ഐപിഎസ് ഉദ്യോഗസ്ഥരും, ഒരു ഇന്ത്യൻ വിദേശകാര്യ സർവീസ് (ഐഎഫ്എസ്) ഉദ്യോഗസ്ഥനും ഉൾപ്പെടുന്നു എന്നതാണ് പ്രധാന പ്രത്യേകത. സൈന്യത്തിൽ നിന്ന് മുൻ ദക്ഷിണ കരസേന കമാൻഡർ ലെഫ്റ്റനന്റ് ജനറൽ എകെ സിംഗ്, മുൻ വെസ്റ്റേൺ എയർ കമാൻഡർ എയർ മാർഷൽ പിഎം സിൻഹ, റിയർ അഡ്മിറൽ മോണ്ടി ഖന്ന എന്നിവരെയാണ് സമിതിയിലേക്ക് നിയമിച്ചത്.
വിരമിച്ച ഐപിഎസ് ഉദ്യോഗസ്ഥരായ രാജീവ് രഞ്ജൻ വർമ്മ, മൻമോഹൻ സിംഗ്, വിരമിച്ച ഐഎഫ്എസ് ഉദ്യോഗസ്ഥൻ ബി വെങ്കിടേഷ് വർമ്മ എന്നിവർ ചേർന്നാണ് ആറ് അംഗ ബോർഡിലെ മറ്റ് അംഗങ്ങൾ. രാജ്യത്തിന് ഏറെ നിർണായകമായ ഒരു സമയത്താണ് അലോക് ജോഷിയുടെ നേതൃത്വത്തിൽ ചുമതല ഏറ്റെടുക്കുന്ന പുതിയ സമിതിയെ നിയമിക്കുന്നത്.
1998 ഡിസംബറിൽ ആദ്യമായി രൂപീകരിച്ച എൻഎസ്എബി, ദേശീയ സുരക്ഷാ പ്രശ്നങ്ങളെക്കുറിച്ചുള്ള കാഴ്ചപ്പാടുകൾ ദേശീയ സുരക്ഷാ കൗൺസിലിന് (എൻഎസ്സി) നൽകുന്നതിനും എൻഎസ്സി പരാമർശിക്കുന്ന വിഷയങ്ങളിൽ നടപടികളോ പരിഹാരങ്ങളോ നയങ്ങളിലോ ശുപാർശ ചെയ്യുന്നതിനുമായി ദീർഘകാല വിശകലനം നടത്തുന്ന സമിതിയാണ്.
റഷ്യയിലെ മുൻ ഇന്ത്യൻ അംബാസഡർ പിഎസ് രാഘവൻ തലവനായി 2018ലാണ് അവസാനം ബോർഡ് രൂപീകരിച്ചത്. പ്രധാനമന്ത്രിയുടെ വസതിയിൽ ചേർന്ന നിർണായക യോഗങ്ങൾക്ക് ശേഷമാണ് ദേശീയ സുരക്ഷാ ഉപദേശക ബോർഡ് പുനഃസംഘടിപ്പിച്ചത്. ഈ സാഹചര്യത്തിൽ വരും ദിവസങ്ങളിൽ ഇന്ത്യയുടെ ഭാഗത്ത് നിന്ന് പാകിസ്ഥാനെതിരെ കടുത്ത നടപടികൾ ഉണ്ടാവുമോ എന്നാണ് ഏവരും ഉറ്റുനോക്കുന്നത്.
-
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന് -
'മഞ്ജു വാര്യർ കോടിക്കണക്കിന് രൂപയാണ് ഇങ്ങനെ സമ്പാദിക്കുന്നത്,ഏതൊക്കെ കോലത്തിലാണ് വരുന്നത്';ശാന്തിവിള ദിനേശ് -
ഒരു ആപ്പിൾ ഐഫോൺ വാങ്ങാൻ ആഗ്രഹിക്കാത്തവർ ആരുണ്ട്? എങ്കിൽ ഐഫോൺ 15 തന്നെയാവാം, വില? -
മോഹൻലാലിൻ്റെ ആഡംബര വസതികൾ കണ്ണുതള്ളിക്കും; ദുബായിൽ 25 കോടിയുടെ ഫ്ലാറ്റ്, ഊട്ടിയിൽ ആഡംബര വില്ല,കൊച്ചിയിലും -
തമിഴ്നാട്ടിൽ ബിജെപി-ടിവികെ സഖ്യമോ? ചുക്കാൻ പിടിക്കുന്നത് പവൻ കല്യാൺ? ഒടുവിൽ ആ തീരുമാനം അറിയിച്ചു -
കേരളം കിട്ടിയില്ലെങ്കിൽ എന്താ, തമിഴ്നാട് ബിജെപിയുടെ കൈകളിലേക്ക്?.ഡിഎംകെയ വീഴ്ത്തുമെന്ന് സർവ്വെ -
എൽഡിഎഫും യുഡിഎഫും ഒപ്പത്തിനൊപ്പമെത്തും, കിംഗ് മേക്കറാകുമോ ബിജെപി? മാട്രിസ്-ഐഎഎന്സ് സർവ്വേ ഫലം -
നടന് വിജയിയെ വിടാതെ ബിജെപി; കുടുങ്ങിയത് എഐഎഡിഎംകെ, സെങ്കോട്ടയ്യന് ഡിഎംകെ പിടിക്കുമോ -
'12ാം വയസില് കുഞ്ഞാലിക്കുട്ടിയെ കാണാന് തുടങ്ങിയതാ'; സബാഹ് രണ്ടുംകല്പ്പിച്ച്, കണക്കുകള് അനുകൂലം -
കൊയിലാണ്ടി, ബാലുശ്ശേരി നിലനിർത്തുക സിപിഎമ്മിന് വെല്ലുവിളി; തിരുവമ്പാടിയിലും കനത്ത പോരാട്ടം ഉറപ്പ് -
കണ്ണൂരിൽ പൊട്ടിത്തെറി: മുതിർന്ന സിപിഎം നേതാവ് ടികെ ഗോവിന്ദൻ പാർട്ടി വിട്ടു
Click it and Unblock the Notifications
Sign in with Google