Click it and Unblock the Notifications
Just In
Don't Miss
-
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
അഞ്ച് വർഷം ഗർഭം ധരിക്കാൻ ശ്രമിച്ചു, പക്ഷെ നടന്നില്ല; വാടക ഗർഭധാരണ മാർഗം സ്വീകരിച്ചതിനെക്കുറിച്ച് കിരൺ -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ബംഗാളില്‍ മമതയ്ക്ക് 200 സീറ്റുകള്‍, സിപിഎം - കോണ്‍ സഖ്യം 90; സര്‍വ്വേ പറയുന്നത്...
കൊല്‍ക്കത്ത: കോണ്‍ഗ്രസും സി പി എമ്മും ഒരുമിച്ച് നിന്ന് എതിര്‍ത്താലും പശ്ചിമബംഗാളില്‍ മമതാ ബാനര്‍ജിയെ താഴെയിറക്കാന്‍ പറ്റില്ല എന്ന് അഭിപ്രായ സര്‍വ്വേ ഫലം. താഴെയിറക്കാന്‍ പറ്റില്ല എന്ന് മാത്രമല്ല, കോണ്‍ഗ്രസും സി പി എമ്മും സഖ്യം ചെയ്ത് മത്സരിച്ചാല്‍ ജയിക്കുന്നതിന്റെ ഇരട്ടിയില്‍ കൂടുതല്‍ സീറ്റുകളില്‍ മമതാ ബാനര്‍ജിയുടെ തൃണമൂല്‍ കോണ്‍ഗ്രസ് ജയിക്കുമെന്നും സര്‍വ്വേ പറയുന്നു.
ബംഗാളി ന്യൂസ് ചാനലായ 24 ഘണ്ടാ, ജി എഫ് കെ മോഡിനൊപ്പം നടത്തിയ അഭിപ്രായ സര്‍വ്വേയിലാണ് പശ്ചിമ ബംഗാളില്‍ ഭരണത്തുടര്‍ച്ച പ്രവചിക്കുന്നത്. മമതാ ബാനര്‍ജിയുടെ തൃണമൂല്‍ കോണ്‍ഗ്രസിന് 200 സീറ്റുകള്‍ വരെ ലഭിച്ചേക്കും. 46 ശതമാനം വോട്ട് ഷെയറായിരിക്കും തൃണമൂലിന് ലഭിക്കുക. നാരദ സ്റ്റിംഗ് ഓപ്പറേഷന്‍ റിപ്പോര്‍ട്ടുകള്‍ ഇല്ലായിരുന്നെങ്കില്‍ 3 ശതമാനം വോട്ടുകള്‍കൂടി തൃണമൂലിന് അധികമായി കിട്ടിയേനെ എന്നും സര്‍വ്വേ പറയുന്നു.
തൃണമൂല്‍ കോണ്‍ഗ്രസില്‍ നിന്നും ഭരണം തിരിച്ചുപിടിക്കാമെന്ന പ്രതീക്ഷയില്‍ തട്ടിക്കൂട്ടിയ സി പി എം - കോണ്‍ഗ്രസ് സഖ്യം 90 സീറ്റ് കൊണ്ട് തൃപ്തിപ്പെടേണ്ടി വരുമെന്നാണ് സര്‍വ്വേ പറയുന്നത്. ബി ജെ പിയുടെ കാര്യമാണ് ഏറ്റവും കഷ്ടം. കേന്ദ്രം ഭരിക്കുന്ന ബി ജെ പിക്ക് ബംഗാളിലെ 294 സീറ്റുകളില്‍ ആകെ കിട്ടാന്‍ സാധ്യതയുള്ളത് ഒരേ ഒരു സീറ്റാണ്. 3 സീറ്റുകള്‍ സ്വതന്ത്രരും മറ്റുള്ളവരും പങ്കിടും.
അടിസ്ഥാന വികസനത്തില്‍ നല്‍കിയ ശ്രദ്ധയാണ് മമത ബാനര്‍ജി മതി എന്ന് ബംഗാളുകാര്‍ പറയാനുള്ള കാരണം. സംസ്ഥാനത്തെ റോഡുകളുടെ കാര്യത്തില്‍ 85 ശതമാനം പേരും തൃപ്തരാണ്. കുടിവെള്ള ലഭ്യതയില്‍ 80 ശതമാനം പേരും വൈദ്യുതി ലഭ്യതയില്‍ 91 ശതമാനം പേര്‍ക്കും പരാതിയില്ല. ആരോഗ്യ - വിദ്യാഭ്യാസ രംഗങ്ങളില്‍ 85 ശതമാനത്തിന് മുകളിലാണ് മമതാ ബാനര്‍ജിയുടെ പ്രകടനം.
