ഭര്ത്താവിന്റെ മുന്നിലിട്ട് പീഡിപ്പിച്ചു; വീഡിയോ പ്രചരിപ്പിച്ചു, പ്രതികള്ക്ക് ജീവപര്യന്തം തടവ്
ജയ്പൂര്: കോളിളക്കം സൃഷ്ടിച്ച അല്വാര് കൂട്ടബലാല്സംഗ കേസില് വിചാരണ കോടതി വിധി പറഞ്ഞു. അഞ്ച് പ്രതികള്ക്കും ജീവപര്യന്തം തടവ് ശിക്ഷ വിധിച്ചു. 19കാരിയായ ദളിത് യുവതിയെ ഭര്ത്താവിന്റെ മുന്നിലിട്ട് കൂട്ടബലാല്സംഗം ചെയ്ത് വീഡിയോ പകര്ത്തിയതാണ് കേസ്. പോലീസ് നടപടി വൈകിയ പശ്ചാത്തലത്തില് വന് പ്രതിഷേധം ഉയര്ന്നിരുന്നു. വീഡിയോ സോഷ്യല് മീഡിയയില് പ്രചപിച്ചതോടെയാണ് ദേശീയതലത്തില് കേസ് ചര്ച്ചയായത്. സമ്മര്ദ്ദങ്ങള്ക്കൊടുവില് പോലീസ് കേസെടുക്കുകയും നടപടികള് വേഗത്തിലാക്കുകയും ചെയ്തു. യുപിയിലെ ഹത്രാസില് ദളിത് യുവതിയെ പീഡിപ്പിച്ച് കൊലപ്പെടുത്തിയ സംഭവം ദേശീയതലത്തില് പ്രതിഷേധത്തിന് ഇടയാക്കിയ സാഹചര്യത്തിലാണ് രാജസ്ഥാനിലെ കേസില് വിധി വന്നിരിക്കുന്നത്.
രാജസ്ഥാനിലെ അല്വാറില് കഴിഞ്ഞ വര്ഷം ഏപ്രില് 26നാണ് സംഭവം. ഭര്ത്താവിന്റെ മുന്നില് വച്ചായിരുന്നു പീഡനം. ഭര്ത്താവിനെ അക്രമികള് ക്രൂരമായി മര്ദ്ദിക്കുകയും ചെയ്തിരുന്നു. ഇതിന്റെ വീഡിയോ പ്രതികളിലൊരാള് പകര്ത്തി പ്രചരിപ്പിച്ചു. തുടര്ന്ന് പ്രതിഷേധം ശക്തമായതോടെയാണ് പോലീസ് ഇടപെടല് വേഗത്തിലാക്കിയത്. പട്ടിക ജാതിക്കാര്ക്കെതിരായ അക്രമം തടയല് നിയമം പ്രകാരമാണ് കേസെടുത്തത്. പ്രത്യേക കോടതിയിലായിരുന്നു വിചാരണ. പ്രായപൂര്ത്തിയാകാത്ത പ്രതിയുടെ വിചാരണ ജുവനൈല് കോടതിയില് നടക്കുകയാണ്.
പ്രതിഷേധത്തെ തുടര്ന്ന് പോലീസ് നടപടി വേഗത്തിലാക്കുകയും കേസെടുത്ത് 16 ദിവസത്തിനകം കുറ്റപത്രം സമര്പ്പിക്കുകയും ചെയ്തു. ആറ് പേരാണ് അക്രമം നടത്തിയത്. അഞ്ച് പേര് പീഡിപ്പിച്ചു. ഇതില് ഒരാള് പ്രായപൂര്ത്തിയായിട്ടില്ലാത്ത വ്യക്തമാണ്. വീഡിയോ എടുത്തയാള് യുവതിയെ ആക്രമിച്ചില്ല. പണം തന്നില്ലെങ്കില് വീഡിയോ സോഷ്യല് മീഡിയയില് പ്രചരിപ്പിക്കുമെന്ന് പ്രതികള് ഭീഷണിപ്പെടുത്തിയിരുന്നു. 10000 രൂപയാണ് ആവശ്യപ്പെട്ടത്.
ചോട്ടി ലാല്, ഹന്സ്രാജ് ഗുര്ജാര്, അശോക് കുമാര് ഗുര്ജാര്, ഇന്ദ്രജ് സിങ് ഗുര്ജാര് എന്നിവരുള്പ്പെടെയുള്ളവരാണ് കേസിലെ പ്രതികള്. കലാപം, നിയമവിരുദ്ധമായി ഒത്തുചേരല്, മനപ്പൂര്വം ആക്രമിക്കല്, സ്വത്ത് അപഹരിക്കല്, സ്ത്രീകള്ക്കെതിരായ അതിക്രമം, തട്ടിക്കൊണ്ടുപോയി തടങ്കലില് പാര്പ്പിക്കല്, കൂട്ടബലാല്സംഗം, കവര്ച്ച തുടങ്ങിയ വകുപ്പുകള് പ്രകാരമാണ് കേസെടുത്തത്. കൂടാതെ പട്ടിക ജാതി-വര്ഗ നിയമത്തിലെ വകുപ്പുകളും ചേര്ത്തു. ഐടി വകുപ്പുകള് പ്രകാരവും പ്രതികള്ക്കെതിരെ കേസെടുത്തു. കേസ് അന്വേഷണം കാര്യക്ഷമമായി നടത്തിയില്ലെന്ന് ബോധ്യപ്പെട്ടതിനെ തുടര്ന്ന് എസ്പി രാജീവ് പച്ചാറിനെയും തനഗാസി പോലീസ് ഓഫീസര് സര്ദാര് സിങിനെയും സര്ക്കാര് സസ്പെന്റ് ചെയ്തിരുന്നു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google