Click it and Unblock the Notifications
Just In
Don't Miss
-
വായുവേഗത്തില് പ്രസാദിക്കും പവനപുത്രന്, ആഗ്രഹസാഫല്യം നല്കും ഹനുമാന് ജയന്തി ആരാധന -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ആന്ധ്രയിലെ കൂട്ടക്കൊല; പോലീസുകാര്‍ക്കെതിരെ കൊലക്കുറ്റത്തിന് കേസ്
ചെന്നൈ: ആന്ധ്രപ്രദേശിലെ ചിറ്റൂര്‍ ജില്ലയില്‍ ചന്ദന മോഷ്ടാക്കളെന്ന് ആരോപിച്ച് 20 പേരെ വെടിവെച്ച കൊന്ന കേസില്‍ പോലീസുകാര്‍ക്കെതിരെ കൊലക്കുറ്റത്തിന് കേസ് രജിസ്റ്റര്‍ ചെയ്യും. ചന്ദനക്കടത്തുകാരെ കൊലപ്പെടുത്തിയത് ഏറ്റുമുട്ടലിനിടെയാണെന്ന സംസ്ഥാന സര്‍ക്കാരിന്റെ വാദം തള്ളി ഹൈക്കോടതിയാണ് കേസെടുക്കാന്‍ നിര്‍ദ്ദേശിച്ചിരിക്കുന്നത്.
എന്തുകൊണ്ടാണ് ഇന്ത്യന്‍ പീനല്‍ കോഡ് 302ാം വകുപ്പ് പ്രകാരം അസ്വാഭാവിക മരണത്തിന് കേസെടുക്കാതിരുന്നതെന്ന് കോടതി സര്‍ക്കാരിനോട് ആരാഞ്ഞു. തിങ്കളാഴ്ച ഏറ്റമുട്ടലിന്റെ വിശദ വിവരങ്ങള്‍ സമര്‍പ്പിക്കാനും കോടതി സര്‍ക്കാരിനോട് ആവശ്യപ്പെട്ടിട്ടുണ്ട്. പൗരാവകാശ പ്രവര്‍ത്തകരാണ് കൊല്ലപ്പെട്ടവര്‍ക്ക് വേണ്ടി ഹൈക്കോടതിയെ സമീപിച്ചത്.
അതിനിടെ 20 പേരും കൊല്ലപ്പെട്ടത് കനത്ത ഏറ്റുമുട്ടലിനൊടുവിലാണെന്നും കൊല്ലപ്പെട്ടവര്‍ കുറ്റവാളികളാണെന്നും ആന്ധ്രാപ്രദേശ് വനം വകുപ്പ് മന്ത്രി ബി.ഗോപാലകൃഷ്ണ റെഡ്ഡി പറഞ്ഞു. തമിഴ്‌നാടിന്റെ പ്രതിഷേധം അദ്ദേഹം തള്ളിക്കളഞ്ഞു. പോലീസിനെ ആക്രമിക്കുമ്പോഴാണ് തിരിച്ച് വെടിവെക്കേണ്ടിവന്നതെന്ന് അദ്ദേഹം വ്യക്തമാക്കി.
അതേസമയം, ഇത് വ്യാജ ഏറ്റുമുട്ടലാണെന്ന് മനുഷ്യാവകാശ പ്രവര്‍ത്തകര്‍ പറഞ്ഞു. വെടിയേറ്റ മുറിവുകള്‍ക്കു പുറമേ ചിലരുടെ ശരീരത്തില്‍ മര്‍ദ്ദനത്തിന്റെയും പൊള്ളലേറ്റതിന്റെയും പാടുകളുണ്ടെന്നും പ്രവര്‍ത്തകര്‍ വാദിച്ചു. പോലീസ് അറസ്റ്റ് ചെയ്തുകൊണ്ടുപോയ ഏഴുപേരും ഏറ്റുമുട്ടലെന്ന വ്യാജേന കൊല്ലപ്പെട്ടവരില്‍ ഉള്‍പ്പെട്ടതായി റിപ്പോര്‍ട്ടുകളുണ്ടായിരുന്നു.
