അമരാവതി കുംഭകോണം; ആന്ധ്ര മുഖ്യമന്ത്രിയെ നീക്കണമെന്ന ഹര്ജി സുപ്രീംകോടതി തള്ളി
ദില്ലി: അമരാവതി ഭൂമി കുംഭകോണവുമായി ബന്ധപ്പെട്ട് സുപ്രീംകോടതി ജഡ്ജിക്കെതിരെ ആരോപണം ഉന്നയിച്ച ആന്ധ്ര മുഖ്യമന്ത്രിക്കെതിരായ ഹര്ജി സുപ്രീംകോടതി തള്ളി. ജസ്റ്റിസ് എന്വി രമണക്കെതിരെയാണ് ജഗന് മോഹന് റെഡ്ഡി ആരോപണം ഉന്നയിച്ചിരുന്നത്. ജഗനെതിരെ രണ്ട് ഹര്ജികള് സുപ്രീംകോടതിയില് സമര്പ്പിക്കപ്പെട്ടിരുന്നു. ജഗന്റെ ആരോപണത്തില് സിബിഐ അന്വേഷണം വേണമെന്നായിരുന്നു ഒരു ഹര്ജിയിലെ ആവശ്യം. ജഗനെ ആന്ധ്ര മുഖ്യമന്ത്രി പദവിയില് നിന്ന് നീക്കണമെന്നായിരുന്നു മറ്റൊരു ഹര്ജിയിലെ ആവശ്യം. ഇവ സുപ്രീംകോടതി തള്ളി.
ജസ്റ്റിസ് യുയു ലളിതിന്റെ ബെഞ്ച് മുകാകെയാണ് ഹര്ജികള് ആദ്യമെത്തിയത്. എന്നാല് അദ്ദേഹം കേസില് നിന്ന് ഒഴിയുകയായിരുന്നു. തുടര്ന്ന് ജസ്റ്റിസ് എസ്കെ കൗള്, ദിനേശ് മഹേശ്വരി, ഋഷികേഷ് റോയ് എന്നിവരുടെ ബെഞ്ച് ആണ് കേസ് പരിഗണിച്ചത്. ജഗനെ മുഖ്യമന്ത്രി പദവിയില് നിന്ന് നീക്കണം എന്ന ഹര്ജി നിലനില്ക്കില്ലെന്ന് ഡിവിഷന് ബെഞ്ച് വ്യക്തമാക്കി. പരാതിക്കാരന് എന്താണ് ആവശ്യമെന്നത് സംബന്ധിച്ച് വ്യക്തമായ ധാരണയില്ലെന്ന് കോടതി നിരീക്ഷിച്ചു. ആന്ധ്ര മുഖ്യമന്ത്രി സുപ്രീംകോടതി ചീഫ് ജസ്റ്റിസിന് അയച്ച കത്തിന്മേലാണ് ഹര്ജി സമര്പ്പിക്കപ്പെട്ടത്. കത്തുമായി ബന്ധപ്പെട്ട നടപടികള് നേരത്തെ തുടങ്ങിയിരുന്നു. അതുകൊണ്ടുതന്നെ സമര്പ്പിക്കപ്പെട്ട ഹര്ജിയില് പ്രത്യേക നടപടി ആവശ്യമില്ലെന്നും ഹര്ജികള് തള്ളിക്കൊണ്ട് ഡിവിഷന് ബെഞ്ച് വ്യക്തമാക്കി.
അഭിഭാഷകരായ ജിഎസ് മണി, പ്രദീപ് കുമാര് യാദവ്, എസ്കെ സിങ് എന്നിവരാണ് പൊതു താല്പ്പര്യ ഹര്ജി സമര്പ്പിച്ചത്. സുപ്രീംകോടതി ജഡ്ജി ജസ്റ്റിസ് രമണയെ പരസമായി അപമാനിച്ച ആന്ധ്ര മുഖ്യമന്ത്രി ജഗന് മോഹന് റെഡ്ഡി നിരവധി കേസുകളില് പ്രതിയാണെന്നും അദ്ദേഹത്തെ പദവിയില് നിന്ന് നീക്കണമെന്നും ആവശ്യപ്പെട്ടാണ് ഹര്ജികള്. അടുത്ത ചീഫ് ജസ്റ്റിസ് ആകാന് സാധ്യതയുള്ള ജഡ്ജിയാണ് എന്വി രമണ. കള്ളപ്പണം വെളുപ്പിക്കല്, അഴിമതി തുടങ്ങി 20ഓളം ക്രമിനില് കേസുകളില് പ്രതിയാണ് ജഗന് റെഡ്ഡി എന്ന് ഹര്ജിക്കാര് ആരോപിക്കുന്നു. യാതൊരു അടിസ്ഥാനവുമില്ലാതെയാണ് ജസ്റ്റിസ് എന്വി രമണക്കെതിരെ ആന്ധ്ര മുഖ്യമന്ത്രി ആരോപണങ്ങള് ഉന്നയിച്ചതെന്നും ഹര്ജിയില് വാദിച്ചിരുന്നു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google