ടു ജി കേസ്, സിബിഐ ഉദ്യോഗസ്ഥര്ക്ക് കോടതിയുടെ വിമര്ശനം
ദില്ലി: ടു ജി കേസില് പ്രതികള്ക്ക് അനുകൂലമായി പ്രവര്ത്തിച്ചു എന്ന് ആരോപണം നേരിട്ട സി.ബി.ഐ ഡയറക്ടര് രജിത് സിന്ഹയ്ക്ക് പിന്നാലെ സി.ബി.ഐ ജോയിന്റ് ഡയറക്ടര് അശോക് തിവാരിയോട് കോടതിമുറി വിട്ട് സ്വന്തം ജോലി നോക്കാന് സുപ്രീം കോടതി. ടു ജി കേസ് അന്വേഷണത്തില് നിന്നും സിബിഐ ഡയറക്ടര് രഞ്ജിത് സിന്ഹ മാറിനില്ക്കണമെന്നും സുപ്രീം കോടതി ഉത്തരവിട്ടു. സിന്ഹയ്ക്കെതിരായ ആരോപണങ്ങളില് നിലപാട് അറിയിക്കുവാന് അശോക് തിവാരി ശ്രമിച്ചപ്പോള് ആണ് കോടതിമുറി വിട്ടുപോകാനും ഓഫീസില് സ്വന്തം ജോലി ചെയ്യാനും ആവിശ്യപെട്ടത്. നിങ്ങള് അയാളുടെ വക്കാലത്ത് ഏറ്റെടുക്കേണ്ടെന്നും കോടതി ശാസിച്ചു.
വര്ഷങ്ങളായി കോളിളക്കം ശൃഷ്ടിച്ച ടു ജി സ്പെക്ട്രം കേസില് സി.ബി.ഐ ഡയറക്ടര് രജിത് സിന്ഹ തുരപ്പന് എലിയെപ്പോലെയാണ് പ്രവര്ത്തിച്ചതെന്ന് സ്പെഷല് പബ്ലിക് പ്രോസിക്യൂട്ടര് ആനന്ദ് ഗ്രോവര് കഴിഞ്ഞദിവസം സുപ്രീം കോടതിയില് അറിയിച്ചിരുന്നു. സിന്ഹ ഒരു അന്വേഷണ ഏജന്സിക്ക് യോജിക്കാത്ത രീതിയിലാണ് കാര്യങ്ങളില് ഇടപ്പെട്ടത്. കേസ് വിവരങ്ങള് പ്രതികളുടെ അഭിഭാഷകന് ചോര്ത്തികൊടുത്ത് തരം താണ പ്രവൃത്തിയാണ് ചെയ്തതെന്നും ആനന്ദ് ഗ്രോവര് പറഞ്ഞിരുന്നു. സിന്ഹയുടെ നിലപാടുകള് അംഗീകരിക്കുകയാണെങ്കില് ടു ജി കേസ് തന്നെ ഇല്ലാതാകുമെന്നും ആരോപണം ഉയര്ന്നിരുന്നു.
ടു ജി സ്പെക്ട്രം ഇടപാടിലൂടെ സര്ക്കാര് ഖജനാവിന് 1.76 ലക്ഷം കോടി രൂപ നഷ്ടമുണ്ടാക്കിയെന്നായിരുന്നു കേസ്. കേസില് നിരവധി മന്ത്രിമാരും രാഷ്ട്രീയക്കാരും ഉന്നത ഉദ്യോഗസ്ഥരും ഉള്പ്പെട്ടിട്ടുണ്ട്. മുന് ടെലികോം മന്ത്രി എ.രാജയാണ് കേസിലെ പ്രധാന പ്രതി. 2008ല് എ.രാജ അനുവദിച്ച 122 ലൈസന്സുകള് സുപ്രീം കോടതി റദ്ദാക്കിയിരുന്നു. എ.രാജയ്ക്ക് പുറമേ ഡി.എം.കെ നേതാവ് എം.കരുണാനിധിയുടെ മകളും രാജ്യസഭാ എം.പിയുമായ കനിമൊഴി, മുന് ടെലികോം സെക്രട്ടറി സിദ്ധാര്ത്ഥ ബെറുറ, സ്വാന് ടെലികോം പ്രമോട്ടര് ഷാഹിദ് ബല്വ എന്നിവരും പ്രതിപ്പട്ടികയിലുണ്ട്.
സി.ബി.ഐ ഡയറക്ടര്ക്ക് തൊട്ടു താഴെയുള്ള ഉദ്യോഗസ്ഥന് കേസ് അന്വേഷിച്ചാല് മതിയെന്നാണ് സുപ്രീം കോടതിയുടെ തീരുമാനം. സിബിഐയുടെ പേരും പ്രശസ്തിയും തകരാന് സാധ്യതയുള്ളതിനാല് വിശദമായ ഒരു വിധി പുറപ്പെടുവിക്കാന് ആഗ്രഹിക്കുന്നില്ലെന്നും സുപ്രീം കോടതി പറഞ്ഞു.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google