ഇതിനേക്കാൾ മികച്ചൊരു തുടക്കം മറ്റെന്താണ്? മീരാഭായ്‌ ചാനുവിനെ അഭിന്ദിച്ച് പ്രധാനമന്ത്രി

ടോക്കിയോ; ഇന്ത്യയുടെ ആദ്യ മെഡൽ നേട്ടത്തിൽ അഭിനന്ദനവുമായി പ്രധാനമന്ത്രി നരേന്ദ്ര മോദി. ഭാരോദ്വഹനത്തില്‍ വെള്ളി മെഡല്‍ നേടിയ മീരാഭായ് ചാനുവിനെയാണ് പ്രധാനമന്ത്രി അഭിനന്ദിച്ചത്. ചാനുവിനെ നേട്ടം എല്ലാ ഇന്ത്യക്കാർക്കും പ്രചോദനമാണെന്ന് പ്രധാനമന്ത്രി ട്വീറ്റ് ചെയ്തു.

ഇതിലും മികച്ചൊരു തുടക്കം എങ്ങനെയാണ് നമ്മുക്ക് ആവശ്യപ്പെടാനാകുക. മീരാഭായ് ചാനുവിന്റെ പ്രകടനം ഇന്ത്യൻ ജനതയെ ആവേശഭരിതമാക്കുകയാണ്. ചാനുവിനെ വെള്ളി മെഡൽ നേട്ടത്തെ അഭിനന്ദിക്കുന്നു. ചാനുവിന്റെ നേട്ടം എല്ലാ ഇന്ത്യക്കാർക്കും പ്രചോദനമാണ്, പ്രധാനമന്ത്രി കുറിച്ചു.

49 കിലോ വനിതാ വിഭാഗത്തിലാണ് ചാനുവിന് വെള്ളിമെഡൽ ലഭിച്ചത്.ക്ലീൻ ആൻഡ് ജെർക്കിൽ രണ്ടാം ശ്രമത്തിൽ 115 കിലോ എടുത്തുയർത്തിയാണ് വെള്ളി ഉറപ്പിച്ചത്. 2000 ലെ സിഡ്‌നി ഒളിമ്പിക്‌സില്‍ വെങ്കലം നേടിയ കര്‍ണം മല്ലേശ്വരിക്കു ശേഷം ആദ്യമായാണ് ഒരു ഇന്ത്യന്‍ താരം ഭാരോദ്വഹനത്തില്‍ ഒളിമ്പിക് മെഡല്‍ സ്വന്തമാക്കുന്നത്. പിവി സിന്ധുവിന് ശേഷം ഒളിമ്പിക്സില്‍ വെള്ളി മെഡല്‍ നേടുന്ന ഇന്ത്യന്‍ വനിതകൂടിയാണ് ചാനു

English summary

What better start than this? PM congratulates Meerabhai Chanu