സുശാന്ത് സിംഗ് എന്തിന് ആത്മഹത്യ ചെയ്തു? രണ്ട് വര്ഷങ്ങള്ക്കിപ്പുറവും ഉത്തരം കിട്ടാത്ത ചോദ്യം
മുംബൈ: 2020 ജൂണ് 14 നാണ് ഇന്ത്യന് സിനിമാ ലോകത്തെ ഞെട്ടിച്ച് കൊണ്ട് സുശാന്ത് സിംഗ് രജ്പുതിന്റെ മരണവാര്ത്ത പുറത്ത് വന്നത്. പ്രതിഭാധനനായ ഒരു ചെറുപ്പക്കാരന്റെ ആക്സമികമായ മരണം എല്ലാവരേയും അമ്പരപ്പിക്കുന്നതായിരുന്നു. ഇതിന് പിന്നാലെ സുശാന്തിന്റേത് ആത്മഹത്യയല്ലെന്നും കൊലപാതകമാണെന്നുമുള്ള ആരോപണങ്ങളും ബോളിവുഡിലെ ലഹരിസംഘങ്ങളെ കേന്ദ്രീകരിച്ചുള്ള വ്യാഖ്യാനങ്ങളും പുറത്തുവന്നു.
എന്നാല് എയിംസിലെ (ഓള് ഇന്ത്യ മെഡിക്കല് സയന്സസ് ) ഏഴ് ഡോക്ടര്മാരുടെ പാനല് സുശാന്ത് സിംഗ് രാജ്പുതിന്റെ മരണം കൊലപാതകമല്ല ആത്മഹത്യയാണ് എന്ന നിഗമനത്തിലാണ് പോസ്റ്റുമോര്ട്ടത്തിന് ശേഷം എത്തിയത്. എന്നാല് മുന്നില് നിരവധി അവസരങ്ങള് കാത്തുനിന്ന സുശാന്ത് സിംഗ് രജ്പുതിനെ ആത്മഹത്യ എന്ന കടുത്ത നടപടിയിലേക്ക് പ്രേരിപ്പിച്ചതെന്ത് എന്ന ചോദ്യത്തിന് ഉത്തരം ലഭിച്ചിട്ടില്ല.
ഇതുമായി ബന്ധപ്പെട്ട് കേസിന്റെ വിവിധ വശങ്ങള് സി ബി ഐ പരിശോധിച്ചുവരികയാണ്. ഡിപ്രഷന് മൂലമാണ് സുശാന്ത് സിംഗ് ആത്മഹത്യ ചെയ്തത് എന്ന വാദവും നിലനില്ക്കുന്നുണ്ട്. സുശാന്ത് സിംഗിന്റെ ആത്മഹത്യ സി ബി ഐ പുനരാവിഷ്കരിച്ചിരുന്നു. ഇതിന്റെ അടിസ്ഥാനത്തില് അദ്ദേഹം തൂങ്ങിമരിച്ചതായുള്ള നിഗമനത്തിലെത്തുകയായിരുന്നു. കിടപ്പുമുറിയില് ആ സമയത്ത് മറ്റാരും ഉണ്ടായിരുന്നില്ലെന്നും അവരുടെ അന്വേഷണത്തില് തെളിഞ്ഞിട്ടുണ്ട്.
സുശാന്ത് സിംഗ് രജ്പുതിന്റെ സാമ്പത്തിക ഇടപാടുകളില് സംശയാസ്പദമായ ഒന്നും കണ്ടെത്തിയിട്ടില്ലെന്നാണ് സി ബി ഐ റിപ്പോര്ട്ട്. സുശാന്ത് സിംഗ് രജ്പുതിന്റെ ബാങ്ക് അക്കൗണ്ടുകളില് നടത്തിയ ഫോറന്സിക് പരിശോധനയില് കാമുകിയും ഈ കേസിലെ പ്രധാന പ്രതിയുമായ നടി റിയ ചക്രവര്ത്തി തന്റെ അക്കൗണ്ടില് നിന്ന് പണം തട്ടിയെടുത്തുവെന്ന ആരോപണവും തള്ളിക്കളഞ്ഞിരുന്നു.
കഴിഞ്ഞ അഞ്ച് വര്ഷത്തിനിടെ സുശാന്ത് സിംഗ് രജ്പുത് തന്റെ ബാങ്ക് അക്കൗണ്ടുകള് വഴി 70 കോടി രൂപയുടെ ഇടപാടുകള് നടത്തിയിരുന്നു. സ്ഥലം കാറുകള്, ബൈക്കുകള് എന്നിവ വാങ്ങുന്നതിനും ജീവനക്കാര്ക്കുള്ള ശമ്പളം, പിആര് ഏജന്സികള്ക്കുള്ള പേയ്മെന്റുകള്, നികുതികള് എന്നിവയ്ക്കായാണ് കൂടുതല് തുക ചെലവഴിച്ചതെന്ന് എന്നാണ് ഓഡിറ്റ് കാണിക്കുന്നു. പൂനെക്കടുത്ത് പാവന അണക്കെട്ടില് ഒരു ഫാം ഹൗസും വാങ്ങിയിരുന്നു.
റിയ ചക്രവര്ത്തിയുമായി ബന്ധപ്പെട്ട് 50 ലക്ഷം രൂപയോളം ചെലവായി. ഈ ചെലവുകള് പ്രധാനമായും യാത്രകള്, സ്പാകളിലെ സൗന്ദര്യ ചികിത്സകള്, ഷോപ്പിംഗ്, സമ്മാനങ്ങള് എന്നിവയുമായി ബന്ധപ്പെട്ടതാണ്. 2019 ഒക്ടോബറിലെ തങ്ങളുടെ യൂറോപ്പ് പര്യടനത്തില് സുശാന്ത് സിംഗ് രജ്പുത് ലക്ഷക്കണക്കിന് രൂപ ചെലവഴിച്ചതായി ഓഗസ്റ്റ് 27 ന് ഇന്ത്യാ ടുഡേ ടിവിക്ക് നല്കിയ അഭിമുഖത്തില് റിയ ചക്രവര്ത്തി സമ്മതിച്ചിരുന്നു.
അതേസമയം ചില സമയങ്ങളില് സുശാന്തിനെ ചികിത്സിച്ച അഞ്ച് പ്രമുഖ ഡോക്ടര്മാരെങ്കിലും അദ്ദേഹത്തിന് മാനസികാരോഗ്യ പ്രശ്നങ്ങളുണ്ടെന്ന് സമ്മതിച്ചിട്ടുണ്ട്. അദ്ദേഹത്തിന്റെ സഹോദരി പ്രിയങ്കയും ജൂണ് 6 ന് വാട്സ്ആപ്പ് വഴി ഡിപ്രഷനുള്ള മരുന്നുകളുടെ കുറിപ്പടി അദ്ദേഹത്തിന് അയച്ചുകൊടുത്തിരുന്നു. ജൂണ് 8-ന് സുശാന്ത് സിംഗ് രജ്പുതുമായി 'അനധികൃത' കുറിടിയെ ചൊല്ലി തര്ക്കമുണ്ടായെന്നും വീട് വിട്ടിറങ്ങി എന്നും റിയ പറഞ്ഞിരുന്നു.
സുശാന്ത് സിംഗ് രാജ്പുതിന്റെ മരണശേഷം മാനസികാരോഗ്യ പ്രശ്നങ്ങള്ക്ക് ചികിത്സിക്കാന് ഉപയോഗിക്കുന്ന നിരവധി മരുന്നുകള് അദ്ദേഹത്തിന്റെ വീട്ടില് നിന്ന് കണ്ടെത്തിയതായി മുംബൈ പോലീസ് പരാമര്ശിച്ചിട്ടുണ്ട്. 2019 ഒക്ടോബര് മുതല് 2020 ജൂണ് 8 വരെ അദ്ദേഹത്തോടൊപ്പം താമസിച്ച റിയ ചക്രവര്ത്തി, അദ്ദേഹത്തിന് ബൈപോളാര് ഡിസോര്ഡര് ഉണ്ടെന്ന് സ്ഥിരീകരിച്ചിരുന്നു.
അതിനിടെ സുശാന്ത് സിംഗ് രജ്പുത് ബോളിവുഡിലെ സ്വജനപക്ഷപാതത്തിന്റെ ഇരയാണെന്ന് ആരോപണവും ഇതിനിടെ ഉയര്ന്നിരുന്നു. അവസരങ്ങള് നിഷേധിക്കപ്പെട്ടതാണോ അതോ സാമൂഹിക ബഹിഷ്കരണമാണോ ആത്മഹത്യയ്ക്ക് പിന്നിലെന്ന് സി ബി ഐ അന്വേഷിക്കുന്നുണ്ട്. സുശാന്തിന് ആരെങ്കിലുമായി വ്യക്തിപരമോ തൊഴില്പരമോ ആയ ശത്രുതയുണ്ടായിരുന്നോ എന്നും അന്വേഷിക്കുന്നുണ്ട്.
നര്ക്കോട്ടിക് കണ്ട്രോള് ബ്യൂറോ (എന്സിബി) നടത്തിയ അന്വേഷണത്തിന് ശേഷം സുശാന്ത് സിംഗ് രജ്പുത് സ്ഥിരമായി മയക്കുമരുന്ന് വലിക്കുന്നയാളായിരുന്നുവെന്നാണ് പറയുന്നത്. മരിക്കുന്നതിന് രണ്ട് ദിവസം മുമ്പ് വീഡ് മൂന്ന് സിഗരറ്റ് ഉണ്ടാക്കാന് വീട്ടുജോലിക്കാരനായ നീരജ് സിംഗിനോട് ഇയാള് ആവശ്യപ്പെട്ടിരുന്നു. ഈ സിഗരറ്റുകള് പിന്നീട് മുംബൈ പോലീസ് പിടിച്ചെടുത്തു. ആത്മഹത്യയ്ക്ക് പിന്നില് മയക്കുമരുന്ന് ഉപയോഗമാണോയെന്ന് സി ബി ഐ അന്വേഷിക്കുന്നുണ്ട്.
മയക്കുമരുന്ന് വാങ്ങുന്നതിനും കടത്തുന്നതിനുമായി സെപ്റ്റംബര് 8 ന് അറസ്റ്റിലായ റിയ ചക്രവര്ത്തിക്ക് ഒക്ടോബര് 7 ന് ബോംബെ ഹൈക്കോടതി 100,000 രൂപയുടെ വ്യക്തിഗത ബോണ്ടില് ജാമ്യം അനുവദിച്ചിരിക്കുകയാണ്. റിയ ചക്രവര്ത്തിയും അവളുടെ സഹോദരന് ഷോക്കും രാജ്പുതിന് മയക്കുമരുന്ന് വാങ്ങിയെന്നും മയക്കുമരുന്ന് കഴിക്കുന്ന ശീലം അവര് മറച്ചുവെച്ചെന്നും എന്സിബി ഹരജിയില് അവകാശപ്പെട്ടിരുന്നു. 1985ലെ നാര്ക്കോട്ടിക് ഡ്രഗ്സ് ആന്ഡ് സൈക്കോട്രോപിക് സബ്സ്റ്റാന്സസ് (എന്ഡിപിഎസ്) നിയമത്തിലെ സെക്ഷന് 27 (എ) പ്രകാരം 10 വര്ഷം കഠിന തടവ് ലഭിക്കാവുന്ന വകുപ്പാണ് ഏജന്സി ഇവര്ക്കെതിരെ ചുമത്തിയത്.
സമൂഹത്തിലെ ഉന്നത വ്യക്തികളുമായും മയക്കുമരുന്ന് വിതരണക്കാരുമായും ബന്ധമുള്ള മയക്കുമരുന്ന് സിന്ഡിക്കേറ്റിലെ സജീവ അംഗങ്ങളാണ് ഇരുവരും എന്നാണ് സഹോദരങ്ങളെ എന്സിബി വിശേഷിപ്പിച്ചത്. റിയ ജാമ്യത്തിലാണെങ്കിലും ഷോക്കിന്റെ ജാമ്യാപേക്ഷ ഹൈക്കോടതി തള്ളിയിരുന്നു. റിയയുടെ കൈവശം മയക്കുമരുന്ന് കണ്ടെത്താത്തതിനാലാണ് ഹൈക്കോടതി ജാമ്യം അനുവദിച്ചതെന്ന് ക്രിമിനല് അഭിഭാഷകനായ അനികേത് നികം പറയുന്നു.
ഹോട്ട് ലുക്കിലും കൂളാണ് റായ് ലക്ഷ്മി, ചിത്രങ്ങള് കാണാം
-
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന് -
'മഞ്ജു വാര്യർ കോടിക്കണക്കിന് രൂപയാണ് ഇങ്ങനെ സമ്പാദിക്കുന്നത്,ഏതൊക്കെ കോലത്തിലാണ് വരുന്നത്';ശാന്തിവിള ദിനേശ് -
ഒരു ആപ്പിൾ ഐഫോൺ വാങ്ങാൻ ആഗ്രഹിക്കാത്തവർ ആരുണ്ട്? എങ്കിൽ ഐഫോൺ 15 തന്നെയാവാം, വില? -
മോഹൻലാലിൻ്റെ ആഡംബര വസതികൾ കണ്ണുതള്ളിക്കും; ദുബായിൽ 25 കോടിയുടെ ഫ്ലാറ്റ്, ഊട്ടിയിൽ ആഡംബര വില്ല,കൊച്ചിയിലും -
തമിഴ്നാട്ടിൽ ബിജെപി-ടിവികെ സഖ്യമോ? ചുക്കാൻ പിടിക്കുന്നത് പവൻ കല്യാൺ? ഒടുവിൽ ആ തീരുമാനം അറിയിച്ചു -
കേരളം കിട്ടിയില്ലെങ്കിൽ എന്താ, തമിഴ്നാട് ബിജെപിയുടെ കൈകളിലേക്ക്?.ഡിഎംകെയ വീഴ്ത്തുമെന്ന് സർവ്വെ -
എൽഡിഎഫും യുഡിഎഫും ഒപ്പത്തിനൊപ്പമെത്തും, കിംഗ് മേക്കറാകുമോ ബിജെപി? മാട്രിസ്-ഐഎഎന്സ് സർവ്വേ ഫലം -
നടന് വിജയിയെ വിടാതെ ബിജെപി; കുടുങ്ങിയത് എഐഎഡിഎംകെ, സെങ്കോട്ടയ്യന് ഡിഎംകെ പിടിക്കുമോ -
'12ാം വയസില് കുഞ്ഞാലിക്കുട്ടിയെ കാണാന് തുടങ്ങിയതാ'; സബാഹ് രണ്ടുംകല്പ്പിച്ച്, കണക്കുകള് അനുകൂലം -
കൊയിലാണ്ടി, ബാലുശ്ശേരി നിലനിർത്തുക സിപിഎമ്മിന് വെല്ലുവിളി; തിരുവമ്പാടിയിലും കനത്ത പോരാട്ടം ഉറപ്പ് -
കണ്ണൂരിൽ പൊട്ടിത്തെറി: മുതിർന്ന സിപിഎം നേതാവ് ടികെ ഗോവിന്ദൻ പാർട്ടി വിട്ടു
Click it and Unblock the Notifications
Sign in with Google