Click it and Unblock the Notifications
Just In
Don't Miss
-
ആക്ടിവ ഇവിയ്ക്ക് വെല്ലുവിളിയായി സുസുക്കി രംഗത്ത്; കട്ട കോംപറ്റീഷനായി ഇ -ആക്സസും അണിയറയിൽ -
മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര് -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ഗുജറാത്തില്‍ ബിജെപി നില പരുങ്ങലില്‍, യോഗിയെ വിളിക്കുന്നു; അപ്പൊ ഉത്തര്‍പ്രദേശ്, ലക്ഷ്യം 150 സീറ്റ്
182ല്‍ 150 സീറ്റ് ഇത്തവണ പിടിക്കണമെന്നാണ് ബിജെപി ലക്ഷ്യമിടുന്നത്. 29ന് പാര്‍ട്ടി ദേശീയ അധ്യക്ഷന്‍ അമിത് ഷാ ഗുജറാത്തിലെത്തി നേതാക്കളുമായി ചര്‍ച്ച നടത്തും.
ഗാന്ധിനഗര്‍: നിയമസഭാ തിരഞ്ഞെടുപ്പിന് ഒരുങ്ങുന്ന ഗുജറാത്തില്‍ ബിജെപി തന്ത്രങ്ങള്‍ മെനയുന്നു. മുസ്ലിം വിരുദ്ധ പ്രചാരണം പോലുള്ള പതിവ് തന്ത്രങ്ങള്‍ക്ക് പുറമെ മറ്റു ചില കാര്യങ്ങള്‍ കൂടി പാര്‍ട്ടി ആലോചിക്കുന്നുണ്ടെന്നാണ് വിവരം. ഇക്കാര്യം ചര്‍ച്ച ചെയ്യാന്‍ സംസ്ഥാന അധ്യക്ഷന്‍ ജിതു വഗാനിയുടെ നേതൃത്വത്തില്‍ പ്രത്യേക യോഗം ചേര്‍ന്നു.
182ല്‍ 150 സീറ്റ് ഇത്തവണ പിടിക്കണമെന്നാണ് ബിജെപി ലക്ഷ്യമിടുന്നത്. 29ന് പാര്‍ട്ടി ദേശീയ അധ്യക്ഷന്‍ അമിത് ഷാ ഗുജറാത്തിലെത്തി നേതാക്കളുമായി ചര്‍ച്ച നടത്തും. രണ്ട് ദിവസം അദ്ദേഹം ഗുജറാത്തിലെ ചര്‍ച്ചകളില്‍ പങ്കെടുക്കുമെന്നാണ് വിവരം.
കഴിഞ്ഞ ദിവസം നടന്ന യോഗത്തില്‍ ബിജെപി എംഎല്‍എമാര്‍, പഞ്ചായത്ത് പ്രസിഡന്റുമാര്‍, സൗരാഷ്ട്ര, രാജ്‌കോട്ട് തുടങ്ങിയ മേഖലകളില്‍ നിന്നുള്ള പാര്‍ട്ടിയിലെ പ്രമുഖ നേതാക്കള്‍ എന്നിവരാണ് പങ്കെടുത്തത്. പാര്‍ട്ടിയുടെ സ്വാധീനം കുറവുള്ള മേഖലയില്‍ സാന്നിധ്യം വര്‍ധിപ്പിക്കാന്‍ സ്വീകരിക്കേണ്ട കാര്യങ്ങളും യോഗം ചര്‍ച്ച ചെയ്തു.
പാര്‍ട്ടി അധ്യക്ഷന്‍ ജിതു വഗാനിക്കും മുഖ്യമന്ത്രി റുപാണിക്കും അഗ്നി പരീക്ഷയാണ് അടുത്ത നിയമസഭാ തിരഞ്ഞെടുപ്പ്. പാര്‍ട്ടിയുടെ പ്രതിഛായക്ക് മങ്ങലേറ്റ സാഹചര്യത്തിലാണ് ഇത്തവണ തിരഞ്ഞെടുപ്പിനെ നേരിടാനൊരുങ്ങുന്നത്. ബിജെപിയുടെ പ്രധാന വോട്ട് ബാങ്കായിരുന്ന പട്ടേല്‍ സമുദായത്തിലെ ഒരുവിഭാഗം ഇപ്പോള്‍ സംവരണ വിഷയത്തെ ചൊല്ലി പാര്‍ട്ടിക്കൊപ്പമില്ല.
സൗരാഷ്ട്ര, കച്ച് മേഖലകളില്‍ 53 നിയമസഭാ മണ്ഡലങ്ങളാണുള്ളത്. ഇതില്‍ 35 ഉം ബിജെപി മണ്ഡലങ്ങളാണ്. ഈ മേഖലകളില്‍ നിന്നു 40 ലധികം സീറ്റുകളാണ് പാര്‍ട്ടി ലക്ഷ്യമിടുന്നത്. അതേസമയം, സംസ്ഥാനത്തെ മുസ്ലീംകള്‍ കടുത്ത ആശങ്കയിലാണ്. കഴിഞ്ഞ ദിവസം പത്താനില്‍ വര്‍ഗീയ കലാപമുണ്ടായ പശ്ചാത്തലത്തില്‍ പ്രത്യേകിച്ചും. ഇവിടെ രണ്ട് പേര്‍ കൊല്ലപ്പെടുകയും 50 ലധികം വീടുകള്‍ കൊള്ളയടിച്ച് തീവയ്ക്കുകയും ചെയ്തിരുന്നു.
തിരഞ്ഞെടുപ്പ് പ്രചാരണത്തിന് എത്തിക്കേണ്ട പ്രമുഖരുടെ പട്ടികയും കഴിഞ്ഞദിവസത്തെ പാര്‍ട്ടി യോഗത്തില്‍ തയ്യാറാക്കി. പ്രധാനമന്ത്രി നരേന്ദ്ര മോദി, ദേശീയ അധ്യക്ഷന്‍ അമിത് ഷാ എന്നിവര്‍ക്ക് പുറമെ ഇത്തവണ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥും പ്രചാരണത്തിനെത്തും.
അമിത് ഷാ 29ന് അഹ്മദാബാദിലെത്തും. പാര്‍ട്ടി പ്രവര്‍ത്തനങ്ങള്‍ വിലയിരുത്തുന്ന അദ്ദേഹം മേഖല തിരിച്ച് നോതാക്കളുമായി ചര്‍ച്ച നടത്തും. ഉത്തര്‍പ്രദേശില്‍ മികച്ച വിജയം നേടിയതിന്റെ പ്രതീക്ഷയിലാണ് ബിജെപി. അതേ പ്രകടനം ഗുജറാത്തിലും കാഴ്ച വയ്ക്കാനാവുമെന്ന് ജിതു വഗാനി മാധ്യമങ്ങളോട് പറഞ്ഞു.
