Click it and Unblock the Notifications
Just In
Don't Miss
-
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
പാകിസ്താനില്‍ സംഘര്‍ഷം ഒഴിയുന്നില്ല, രാജിവക്കില്ലെന്നുറച്ച് ഷെരീഫ്
ഇസ്ലാമാബാദ്: പ്രധാനമന്ത്രി നവാസ് ഷെരീഫിന്റെ രാജി ആവശ്യപ്പെട്ട് നടക്കുന്ന പ്രക്ഷോഭം രൂക്ഷമായി തുടരുന്നു. എന്നാല്‍ ഒരു കാരണവശാലും രാജിവക്കില്ലെന്ന നിലപാടില്‍ ഉറച്ച് നില്‍ക്കുകയാണ് നവാസ് ഷെരീഫ്. പ്രശ്‌നം ചര്‍ച്ച ചെയ്യാന്‍ സംയുക്ത പാര്‍ലമെന്റ് സമ്മേളനം വിളിച്ചിട്ടുണ്ട്.
പ്രതിപക്ഷ നേതാവായ ഇമ്രാന്‍ ഖാന്റേയും മതപണ്ഡിതന്‍ താഹിര്‍ ഉല്‍ ഖദ്രിയുടേയും നേതൃത്വത്തിലാണ് പ്രക്ഷോഭം. പ്രധാനമന്ത്രിയുടെ വസതി വളഞ്ഞ സമരക്കാര്‍ കഴിഞ്ഞ ദിവസം പാകിസ്താന്റെ ഔദ്യോഗിക ടിവി ചാനല്‍ പിടിച്ചടക്കിയിരുന്നു. ഇതോടെ ചാനല്‍ സംപ്രേഷണം മുടങ്ങി. പിന്നീട് അധികൃതര്‍ പ്രക്ഷോഭകാരികളില്‍ നിന്ന് ചാനലിന്റെ നിയന്ത്രണം തിരിച്ചെടുത്തു.
ഇതിനിടെ പാകിസ്താനില്‍ വീണ്ടുമൊരു പട്ടാള അട്ടിമറിക്കുള്ള സാധ്യതയൊരുങ്ങുന്നതായി റിപ്പോര്‍ട്ടുകളുണ്ടായിരുന്നു. സര്‍ക്കാരിന്റെ ഭാഗത്ത് നിന്ന് അക്രമാസക്തമായ നടപടികള്‍ ഉണ്ടാകരുതെന്ന് സൈനിക മേധാവി ആവശ്യപ്പെട്ടിരുന്നു.
പ്രക്ഷോഭം രൂക്ഷമായതോടെ കഴിഞ്ഞ ദിവസം നവാസ് ഷെരീഫ് സൈനിക മേധാവിയുമായി കൂടിക്കാഴ്ച നടത്തി. ഇതോടെ ഊഹാപോഹങ്ങള്‍ പലതും പരക്കാന്‍ തുടങ്ങി. ഷെരീഫിനെ സൈന്യം രാജിവക്കാന്‍ നിര്‍ബന്ധിച്ചതായും വാര്‍ത്തകള്‍ വന്നു. എന്നാല്‍ ഇക്കാര്യം നിഷേധിച്ച് ഷെരീഫ് തന്നെ പിന്നീട് രംഗത്തെത്തി.
പ്രക്ഷോഭത്തെ നേരിടാന്‍ സൈന്യത്തെ രംഗത്തിറക്കുമെന്ന് സൂചനകളുണ്ട്. നിയമ വ്യവസ്ഥ ഉപയോഗിച്ച് സമരം അടിച്ചമര്‍ത്താനുള്ള നീക്കവും നടക്കുന്നുണ്ട്.
