Click it and Unblock the Notifications
Just In
-
-
-
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
രണ്ട് റഷ്യന്‍ പൗരന്‍മാരുടെ മരണത്തിന് പിന്നാലെ ഒഡിഷയില്‍ വീണ്ടും റഷ്യന്‍ യുവാവിന്റെ തിരോധാനം; ദുരൂഹത?
ഭുവനേശ്വര്‍: ഒഡിഷയില്‍ നിന്ന് വീണ്ടും റഷ്യന്‍ പൗരനെ കാണാതായി. റഷ്യന്‍ പ്രസിഡന്റ് വ്ളാഡിമിര് പുടിന്റെ വിമര്‍ശകരായ രണ്ട് പേരെ കാണാതവുകയും പിന്നീട് മരിച്ച നിലയില്‍ കണ്ടെത്തുകയും ചെയ്തിരുന്നു. ഇതിന് പിന്നാലെ ആണ് മൂന്നാമനേയും കാണാതായിരിക്കുന്നത്.
റഷ്യയുടെ ഉക്രൈന്‍ അധിനിവേശത്തിനിടെ യുദ്ധ വിരുദ്ധ നിലപാട് സ്വീകരിച്ചിരുന്നവരെ ആണ് കാണാതായിരിക്കുന്നത്. ഭുവനേശ്വറില്‍ യുദ്ധവിരുദ്ധ, പുടിന് വിരുദ്ധ മുദ്രാവാക്യങ്ങള്‍ എഴുതിയ പ്ലക്കാര്‍ഡുകള്‍ പിടിച്ച് നിന്ന ആളെ ആണ് ഏറ്റവും ഒടുവില്‍ കാണാതായിരിക്കുന്നത്.
ഏകദേശം ഒരു മാസം മുമ്പ്, ഭുവനേശ്വര്‍ റെയില്‍വേ സ്റ്റേഷനില്‍, 'ഞാന്‍ റഷ്യന്‍ അഭയാര്‍ത്ഥിയാണ്, ഞാന്‍ യുദ്ധത്തിന് എതിരാണ്, ഞാന്‍ പുടിന് എതിരാണ്, ഞാന്‍ ഭവനരഹിതനാണ്, ദയവായി എന്നെ സഹായിക്കൂ' എന്നെഴുതിയ പ്ലക്കാര്‍ഡ് പിടിച്ച് ഒരാള്‍ നിന്നിരുന്നു.
നിയമനിര്‍മ്മാതാവും വ്യവസായിയുമായ പവല്‍ ആന്റോവ്, സഹയാത്രികന്‍ വ്ളാഡിമിര് ബിഡെനോവ് എന്നിവരുടെ മരണത്തിന് ശേഷമാണ് യുദ്ധ വിരുദ്ധ പ്ലക്കാര്‍ഡ് പിടിച്ച് നില്‍ക്കുന്ന ആളുടെ ഫോട്ടോ വൈറലായത്. ഡിസംബര്‍ 24 ന് ഹോട്ടലിന്റെ മൂന്നാം നിലയില്‍ നിന്ന് വീണാണ് പവല്‍ ആന്റോവ് മരിച്ചത്, ഡിസംബര്‍ 22 ന് ബിഡെനോവിനെ മുറിയില്‍ മരിച്ച നിലയില്‍ കണ്ടെത്തുകയായിരുന്നു.
ഭുവനേശ്വര്‍ റെയില്‍വേ സ്റ്റേഷനിലെ ജിആര്‍പി ഉദ്യോഗസ്ഥര്‍ ഒരു മാസം മുമ്പ് പ്ലക്കാര്‍ഡ് പിടിച്ചയാളുമായി സംസാരിച്ചിരുന്നു. പരിശോധിച്ചപ്പോള്‍ അയാളുടെ പാസ്‌പോര്‍ട്ടും വിസയും ശരിയാണ് എന്ന് കണ്ടെത്തിയിരുന്നു എന്നും ജിആര്‍പി ഇന്‍സ്‌പെക്ടര്‍ ഇന്‍ ചാര്‍ജ് ജയദേവ് ബിശ്വജിത്ത് പറഞ്ഞു.
ഇംഗ്ലീഷ് പരിചയമില്ലാത്തതിനാല്‍ ഇയാളില്‍ നിന്ന് കൂടുതല്‍ വിവരങ്ങള്‍ ശേഖരിക്കാനായില്ലെന്നും അദ്ദേഹം പറഞ്ഞു. അതേസമയം ഇയാളെ കാണാതായതിന് പിന്നാലെ ജിആര്‍പി തങ്ങളെ ബന്ധപ്പെട്ടിരുന്നു എന്നും അടിയന്തര സഹായം നല്‍കിയിട്ടുണ്ട് എന്നും പുരി എസ്പി കന്‍വര്‍ വിശാല്‍ സിംഗ് പറഞ്ഞു. അതേസമയം രണ്ട് റഷ്യക്കാരുടെ മരണത്തില്‍ സി ഐ ഡി അന്വേഷണം നടക്കുന്നുണ്ട്.
