Click it and Unblock the Notifications
Just In
-
-
-
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ആകാശത്ത് കുട വിരിയിച്ച് സൗദി; 17 നഗരങ്ങള്‍, 27 ആഘോഷം, ജിസിസി മിന്നിത്തിളങ്ങുന്നു
റിയാദ്: സൗദി അറേബ്യയുടെ 87 മത് ദേശീയദിനത്തിന്റെ ആഘോഷം പൊടിപൊടിക്കുകയാണ്. രാജ്യത്തെ 17 നഗരങ്ങളില്‍ വിവിധങ്ങളായ 27 ആഘോഷ പരിപാടികളാണ് ആസൂത്രണം ചെയ്തിരിക്കുന്നത്. കഴിഞ്ഞ വ്യാഴാഴ്ച തുടങ്ങിയ ആഘോഷം തിങ്കളാഴ്ച വരെ തുടരും.
ആഘോഷത്തിന്റെ തുടക്കം ജിദ്ദയില്‍ നിന്നായിരുന്നു. അവസാനിക്കുന്നത് നജ്‌റാനിലാണ്. ദമ്മാം, റിയാദ്, ഹൈല്‍, അല്‍ഖോബാര്‍, ജസാന്‍, അബഹ, ഉനൈസ, തബൂക്ക്, സക്കാക്ക, ജുബൈല്‍, യാമ്പു, ഹഫ്രുല്‍ ബതൈന്‍, ഹുഫൂഫ്, മദീന എന്നിവിടങ്ങളില്ലെല്ലാം ആഘോഷം നടക്കും.
സ്വപ്‌ന പദ്ധതിയായ വിഷന്‍ 2030ന്റെ പ്രധാന്യം വിളിച്ചോതുന്നതായിരിക്കും എല്ലാ പരിപാടികളും. കായിക മല്‍സരങ്ങള്‍, സാംസ്‌കാരിക ഉല്‍സവങ്ങള്‍, വെടിക്കെട്ട് തുടങ്ങിയ വിവിധ പരിപാടികളാണ് ആസൂത്രണം ചെയ്തിരിക്കുന്നത്.
എല്ലാ നഗരങ്ങളിലും ഐക്യം വിളിച്ചോതുന്ന പരിപാടികളും ആസൂത്രണം ചെയ്തിട്ടുണ്ട്. ഇതോടൊപ്പം ദേശീയ ഗാനവുമുണ്ടാകും. റിയാദിലെ കിങ്ഡം ടവര്‍ പ്രകാശപൂരിതമാണ്.
അതേസമയം, ജിസിസിയിലെ മറ്റു രാജ്യങ്ങളിലും സൗദിയുടെ ദേശീയ ദിനം കെങ്കേമമായി ആഘോഷിക്കുന്നുണ്ട്. യുഎഇ, കുവൈത്ത്, ബഹ്‌റൈന്‍ എന്നിവിടങ്ങളിലും പരിപാടികള്‍ നടക്കും. ഒമാന്‍ പൊതു അവധി പ്രഖ്യാപിച്ചു. ദേശീയ ദിനമായ ശനിയാഴ്ച സൗദിയില്‍ വാരാന്ത്യ അവധിയാണ്. അതുകൊണ്ട് തന്നെ ഞായറാഴ്ച സര്‍ക്കാര്‍ പ്രത്യേക അവധി നല്‍കുമെന്ന് അറിയിച്ചിട്ടുണ്ട്.
സൗദി ടെലിഫോണ്‍ കമ്പനികള്‍ അവരുടെ മൊബൈല്‍ സെറ്റില്‍ മൊബൈല്‍ ഡിസ്‌പ്ലേയില്‍ മാറ്റം വരുത്തി. രാജ്യസ്‌നേഹവുമായി ബന്ധപ്പെട്ട വരികളാണിപ്പോള്‍. സാധാരണ മൊബൈല്‍ സേവന കമ്പനികള്‍ അവരുടെ പേരാണ് ഡിസ്‌പ്ലേ ആയി നല്‍കാറ്.
