Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
എല്ല് പൊട്ടിയ 17 കാരന്റെ കൈ മുറിച്ചുമാറ്റി; തലശ്ശേരി ജനറല്‍ ആശുപത്രിക്കെതിരെ ചികിത്സാ പിഴവ് ആരോപിച്ച് കുടുംബം
കണ്ണൂര്‍: തലശ്ശേരി ജനറല്‍ ആശുപത്രിക്കെതിരെ ഗുരുതര ആരോപണവുമായി 17 കാരന്റെ കുടുംബം. ഫുട്‌ബോള്‍ കളിക്കിടെ വീണ് എല്ല് പൊട്ടിയ വിദ്യാര്‍ത്ഥിയുടെ കൈ മുറിച്ചു മാറ്റേണ്ടി വന്നത് ചികിത്സാ പിഴവ് മൂലമാണ് എന്ന ആരോപണവുമായി കുടുംബം രംഗത്തെത്തിയത്. തലശേരി ചേറ്റംകുന്ന് നാസാ ക്വാര്‍ട്ടേര്‍സില്‍ താമസിക്കുന്ന അബൂബക്കര്‍ സിദ്ദീഖിന്റെ മകന്‍ സുല്‍ത്താനാണ് കൈ നഷ്ടമായത്.
പാലയാട് ഗവണ്‍മെന്റ് ഹയര്‍ സെക്കന്ററി സ്‌കൂള്‍ പ്ലസ് വണ്‍ വിദ്യാര്‍ത്ഥിയാണ് 17 കാരനായ സുല്ത്താന്. ഒക്ടോബര്‍ 30 നായിരുന്നു സുല്ത്താന് വീണ് പരിക്കേറ്റത്. വൈകീട്ട് വീടിന് അടുത്തുള്ള മൈതാനത്ത് ഫുട്‌ബോള്‍ കളിക്കുന്നതിനിടെ ഗ്രൗണ്ടില്‍ വീണാണ് സുല്‍ത്താന്റെ എല്ല് പൊട്ടിയത്. ഇതിനെ തുടര്‍ന്നാണ് തലശേരി ജനറല്‍ ആശുപത്രിക്കെതിരെ ചികിത്സാ പിഴവാണ് എന്ന ആരോപണം ഉയര്‍ന്നത്.
സുല്ത്താന് വീണ ഉടനെ തന്നെ തലശേരി ജനറല്‍ ആശുപത്രിയിലെത്തിച്ചിരുന്നു. എന്നാല്‍ ഇവിടെ എക്‌സ്‌റേ മെഷീന്‍ കേടായതിനാല്‍ എക്‌സ്‌റേ എടുക്കാന്‍ കൊടുവള്ളി കോ-ഓപറേറ്റീവ് ആശുപത്രിയിലേക്ക് സുല്‍ത്താനെ കൊണ്ടുപോയി. ഇവിടെ നിന്ന് എക്‌സ്‌റേ എടുത്ത് ഒരു മണിക്കൂറില്‍ തന്നെ എക്‌സ്‌റേ തലശേരി ആശുപത്രിയില്‍ ഹാജരാക്കി. കുട്ടിയുടെ കൈയില്‍ രണ്ട് പൊട്ടലുണ്ടായിരുന്നു എന്ന് ഇതില്‍ നിന്ന് മനസിലാക്കി.
അന്ന് എക്‌സ്‌റേ ഫോട്ടോയെടുത്ത് അസ്ഥിരോഗ വിഭാഗം ഡോക്ടര്‍ക്ക് അയച്ച് കൊടുക്കുകയും തുടര്‍ന്ന് സ്‌കെയില്‍ ഇട്ട് കൈ കെട്ടുകയും ചെയ്തു. എന്നാല്‍ കുട്ടിക്ക് പിന്നീട് കലശലായ വേദന അനുഭവപ്പെടുകയായിരുന്നു. പിറ്റേ ദിവസം ഡോക്ടര്‍ വിജുമോന്‍ സുല്ത്താന് ശസ്ത്രക്രിയ നിര്‍ദ്ദേശിച്ചെങ്കിലും ഇതിന് വേണ്ട നടപടികള്‍ ഒന്നും തന്നെ കൈക്കൊണ്ടില്ല. അതിനിടെ സുല്‍ത്താന്റെ കൈയുടെ നിറം മാറി തുടങ്ങി.
ഇതിനെ തുടര്‍ന്ന് വിജുമോന്‍ അടിയന്തിരമായി ശസ്ത്രക്രിയക്ക് വിധേയമാക്കി. ഒരു പൊട്ടല്‍ പരിഹരിച്ചുവെന്ന് അദ്ദേഹം അറിയിച്ചു എന്ന് രക്ഷിതാക്കള്‍ പറയുന്നു. പിന്നീട് നവംബര്‍ 11 നാണ് കുട്ടിയെ മെഡിക്കല്‍ കോളേജിലേക്ക് മാറ്റാന്‍ നിര്‍ദ്ദേശിച്ചത് എന്ന് വീട്ടുകാര്‍ പറയുന്നു. എന്നാല്‍ കണ്ണൂര്‍ പരിയാരം മെഡിക്കല്‍ കോളേജില്‍ പ്രവേശിപ്പിച്ചെങ്കിലും മികച്ച ചികിത്സ കിട്ടിയില്ല എ ന്നും കുടുംബം ആരോപിക്കുന്നു.
ഒടിഞ്ഞ കൈ മുഴുവനായി മുറിച്ച് മാറ്റണമെന്ന് മെഡിക്കല്‍ കോളെജിലെ ഡോക്ടര്‍മാര്‍ പറഞ്ഞതോടെ കുട്ടിയെ സ്വകാര്യ ആശുപത്രിയിലേക്ക് മാറ്റുകയും ഇവിടെ വെച്ച് കൈമുട്ടിന് താഴേക്കുള്ള ഭാഗം മുറിച്ച് മാറ്റുകയുമായിരുന്നു. സംഭവത്തില്‍ ആശുപത്രി അധികൃതരുടെ ഭാഗത്ത് നിന്നുണ്ടായ പിഴവ് ചൂണ്ടിക്കാട്ടി മുഖ്യമന്ത്രി പിണറായി വിജയനും ആരോഗ്യ മന്ത്രി വീണാ ജോര്‍ജ്ജിനും കുട്ടിയുടെ കുടുംബം പരാതി നല്‍കിയിട്ടുണ്ട്.
എന്നാല്‍ ചികിത്സാ പിഴവ് ഉണ്ടായിട്ടില്ല എന്നാണ് തലശേരി ജനറല്‍ ആശുപത്രി അധികൃതര്‍ പറയുന്നത്. കുട്ടിയുടൈ എല്ല് പൊട്ടി മൂന്നാമത്തെ ദിവസം കുട്ടിക്ക് കൈയ്യിലേക്കുള്ള രക്തയോട്ടം നിലയ്ക്കുന്ന കമ്പാര്‍ട്ട്‌മെന്റ് സിന്‍ഡ്രോം എന്ന അവസ്ഥ വന്നു എന്നും പിന്നീട് സര്‍ജറി ചെയ്‌തെങ്കിലും നീര്‍ക്കെട്ട് മാറാനുള്ളത് കൊണ്ട് കൈ തുന്നിക്കെട്ടിയിരുന്നില്ല എന്നും അധികൃതര്‍ പറയുന്നു.
സുല്‍ത്താന്റെ കൈയ്ക്ക് അണുബാധയ്ക്ക് സാധ്യതയുണ്ടെന്ന് ബന്ധുക്കളോട് പറഞ്ഞിരുന്നു എന്നും പത്താമത്തെ ദിവസമാണ് അണുബാധ ശ്രദ്ധയില്‍ പെട്ടത് എന്നും തലശേരി ജനറല്‍ ആശുപത്രി അധികൃതര്‍ പറയുന്നു. ഇതിനൊപ്പം രക്തം വാര്‍ന്ന് പോയി. രക്തം വാര്‍ന്ന് പോയില്ലെങ്കില്‍ കൈ രക്ഷിക്കാന്‍ കഴിയുമായിരുന്നു എന്നും പിന്നീട് വിദഗ്ധ ചികിത്സയ്ക്കായി ഉടന്‍ മെഡിക്കല്‍ കോളേജിലേക്ക് വിടുകയും ചെയ്‌തെന്നും ആശുപത്രിയുടെ വാദം.
