വ്യാജ ഫെയ്സ് ബുക്ക് പ്രൊഫൈൽ ഉപയോഗിച്ച് പണം തട്ടാൻ ശ്രമിച്ചുവെന്ന് പരാതി
കണ്ണൂർ: കണ്ണൂരിൽ വീണ്ടും വ്യാജ ഫെയ്സ് ബുക്ക് പ്രൊഫൈൽ ഉപയോഗിച്ച് പണം തട്ടാൻ ശ്രമിച്ചുവെന്ന് പരാതി. കണ്ണൂർ കോർപറേഷൻ മേയർ ടി.ഒ. മോഹനന്റെ പേരിൽ വ്യാജ അക്കൗണ്ട് ഉപയോഗിച്ചാണ് പണം തട്ടാൻ ശ്രമിച്ചത്. തന്റെ ഒരു ബന്ധു ആശുപത്രിയിലാണെന്നും പറഞ്ഞാണ് മേയറുടെ പ്രൊഫൈൽ ഫോട്ടോയുള്ളഫേസ്ബുക്കിലൂടെ പണം ആവശ്യപ്പെട്ടത്.
പണം ആവശ്യപ്പെട്ട് മെസേജുകൾ വന്ന സുഹൃത്തുക്കൾ ടി.ഒ. മോഹനനെ വിളിച്ച് കാര്യം തിരക്കിയപ്പോഴാണ് വ്യാജ അക്കൗണ്ട് ഉണ്ടാക്കി പണം തട്ടാൻ ശ്രമിച്ചതാണെന്ന് ശ്രദ്ധയിൽപ്പെട്ടത്. ഇതോടെയാണ് ടി.ഒ. മോഹനൻ തന്റെ ഒറിജിനൽ ഫേസ് ബുക്ക് അക്കൗണ്ടിൽ തന്റെ പേരിൽ വ്യാജ അക്കൗണ്ട് നിലവിലുണ്ടെന്നും പല ആവശ്യങ്ങളും പറഞ്ഞ് പണം തട്ടാൻ ശ്രമിക്കുന്നത് ശ്രദ്ധയിൽപ്പെട്ടിട്ടുണ്ടെന്നും ആരും വഞ്ചിതരാകരുതെന്നും അറിയിച്ചത്.
ടി. ഒ. മോഹനന്റെ അതേ പ്രൊഫൈൽ ഫോട്ടോ വച്ചാണ് വ്യാജ അക്കൗണ്ടും നിർമിച്ചത്. ഫ്രണ്ട് ലിസ്റ്റിലുള്ള എല്ലാവർക്കും റിക്വസ്റ്റ് അയച്ചാണ് തട്ടിപ്പ് നടത്താൻ ശ്രമിച്ചത്. ഫെയ്ക്ക് അക്കൗണ്ടിലൂടെ പണം തട്ടാൻ ശ്രമിച്ചയുടൻ തന്നെ കാര്യം അറിഞ്ഞതുകൊണ്ട് ആരുടെയും പണം നഷ്ടപ്പെട്ടിട്ടില്ലെന്ന് മേയർ പറഞ്ഞു. ഇതിനെതിരേ സൈബർ സെല്ലിലും പോലീസിനും പരാതി നൽകിയിട്ടുണ്ടെന്നും മേയർ പറഞ്ഞു.
മേയറുടെ പരാതിയിൽ കണ്ണുർസിറ്റി പൊലിസ് കമ്മിഷണർ ആർ.ഇളങ്കോ കേസെടുത്ത് അന്വേഷണമാരംഭിച്ചു. ചികിത്സാ ചെലവിൻ്റെ മറവിൽ കണ്ണൂർ ജില്ലയിൽ നിരവധിയാളുകൾക്കാണ് പണം നഷ്ടപ്പെട്ടത്. നേരത്തെ എം.എൽ.എമാരായ ടി. ഐ മധുസൂദനൻ ,കെ .പി മോഹനൻ, അഡ്വ.സണ്ണി ജോസഫ് എന്നിവരുടെ പേരിലും പണം തട്ടാൻ ശ്രമിച്ചിരുന്നു.ഇവർ നൽകിയ പരാതിയിൽ പൊലിസ് കേസെടുത്ത് അന്വേഷണം നടത്തിയിരുന്നുവെങ്കിലും പ്രതികളെ പിടികൂടാനായില്ല.
ഇതിനു പുറമേ കണ്ണുർ റൂറൽ പൊലിസ് കമ്മിഷണർ നവനീത് ശർമ്മയുടെ പേരിലും വ്യാജ ഫെയ്സ് ബുക്ക് അക്കൗണ്ടാക്കി പണം തട്ടാൻ ശ്രമിച്ചിരുന്നു. ഈ കേസിലും പൊലിസിന് ഇതുവരെ പ്രതികളെ പിടി കിട്ടിയിട്ടില്ല. കല്യാശേരിയിൽ വീട്ടമ്മയുടെ ബാങ്ക് അകൗണ്ടിൽ നിന്നും പിൻ നമ്പർ ഹാക്ക് ചെയ്തു ഒരു ലക്ഷം രൂപ കവർന്ന കേസിലും ഇതുവരെ പ്രതികളെ പിടി കിട്ടിയിട്ടില്ല.
ഈ സാഹചര്യത്തിൽ പൊലിസ് അന്വേഷണം ശക്തമാക്കിയിരുന്നുവെങ്കിലും തട്ടിപ്പ് സംഘം വിലസുകയായിരുന്നു. ഉത്തരേന്ത്യ കേന്ദ്രീകരിച്ചുള്ള സംഘമാണ് വടക്കെ മലബാറിൽ ഓൺലൈൻ തട്ടിപ്പ് നടത്തുന്ന തെന്നാണ് പൊലിസിന് ലഭിച്ച വിവരം എന്നാൽ ഇതിൻ്റെ ഉറവിട മെവിടെയാണെന്ന് പൊലിസിന് ഇതുവരെ വ്യക്തമായിട്ടില്ല. വ്യക്തികളുടെ മാത്രമല്ല സ്ഥാപനങ്ങളുടെ പേരിലും ഇവർ തട്ടിപ്പ് നടത്തുന്നുണ്ട്.
Recommended Video
കൊ വിഡ് ലോക്ക് ഡൗണിൻ്റെ മറവിൽ വിശ്വാസികൾക്ക് ചില ക്ഷേത്രങ്ങളിൽ ഓൺ ലൈനായി പുജ ചെയ്തു കൊടുക്കുമെന്ന് വാഗ്ദ്ധാനം ചെയ്തു പണം തട്ടുന്ന സംഘവും സജീവമാണ് പെരളശേരി സുബ്രമഹ്മണ്യസ്വാമി ക്ഷേത്രം, മാടായിക്കാവ് എന്നിവയുടെ വ്യാജ ഫെയ്സ് ബുക്ക് പേജുണ്ടാക്കിയാണ് തട്ടിപ്പിന് ശ്രമിച്ചത്. ക്ഷേത്രം ഭാരവാഹികളുടെ പരാതിയിൽ പൊലിസ് കേസെടുത്ത് അന്വേഷണം നടത്തിയെങ്കിലും ഇതുവരെ പ്രതികളെ പിടി കുടാൻ കഴിഞ്ഞിട്ടില്ല.
Click it and Unblock the Notifications
Sign in with Google