'മലയാളി നേഴ്സുമാര്ക്ക് കോറോണ വൈറസ് ബാധയുണ്ടായ സംഭവം ഗൗരവമായി കണ്ട് നടപടികള് സ്വീകരിക്കണം'
തിരുവനന്തപുരം: സൗദി അറേബ്യയിലെ അസിര് അബാ അല് ഹയാത്ത് ആശുപത്രിയിലെ മലയാളി നേഴ്സുമാര്ക്ക് കോറോണ വൈറസ് ബാധയുണ്ടായ സംഭവം ഗൗരവമായി കണ്ട് നടപടി സ്വീകരിക്കണമെന്ന് അഭ്യര്ത്ഥിച്ച് മുഖ്യമന്ത്രി പിണറായി വിജയന് കേന്ദ്ര വിദേശകാര്യമന്ത്രി എസ് ജയശങ്കറിന് കത്തയച്ചു. സൗദി സര്ക്കാരുമായി ബന്ധപ്പെട്ട് രോഗബാധയുള്ളവര്ക്ക് വിദഗ്ധ ചികിത്സയും സംരക്ഷണവും ഉറപ്പുവരുത്തുന്നതുള്പ്പെടെയുള്ള നടപടികള് സ്വീകരിക്കണമെന്നും കത്തില് മുഖ്യമന്ത്രി ആവശ്യപ്പെട്ടു.
അസിര് അബാ അല് ഹയാത്ത് ആശുപത്രിയിലെ നഴ്സായ കോട്ടയം ഏറ്റുമാനൂര് സ്വദേശിക്കാണ് കൊറോണ വൈറസ് ബാധിച്ചത്. വിദഗഗ്ധ ചികിത്സക്കായി ഇവരെ അസീര് സെന്ട്രല് ഹോസ്പിറ്റലിലെ ഐസലെഷേന് വാര്ഡിലേക്ക് മാറ്റിയിരിക്കുകയാണ്. ഇതേ ആശുപത്രിയിലെ ഫിലിപ്പീനി സ്വദേശിയായ നഴ്സിന് നേരത്തെ വൈറസ് ബാധ സ്ഥിരീകരിച്ചിരുന്നു. ആശുപത്രിയില് ചികിത്സയ്ക്ക് എത്തിയ ഫിലിപ്പീന്സ് സ്വദേശിയായ രോഗിയില് നിന്നാണ് വൈറസ് ബാധിച്ചതെന്നാണ് റിപ്പോര്ട്ടുകള് സൂചിപ്പിക്കുന്നത്.
മലയാളി നഴ്സില് വൈറസ് ബാധ കണ്ടെത്തിയതിനെ തുടര്ന്ന് ഇവര്ക്കൊപ്പം ജോലി ചെയ്യുന്ന മുപ്പതോളം പേരെ ഇതേ ആശുപത്രിയിലെ ഐസലേഷന് വാര്ഡില് നിരീക്ഷണത്തിനായി മാറ്റിയിരിക്കുകയാണ്. കൊറോണ വൈറസ് ചൈനയില് പടരുന്ന പശ്ചാത്തലത്തില് സംസ്ഥാനത്ത് ആരോഗ്യ വകുപ്പ് ജാഗ്രത നിര്ദേശം പുറപ്പെടുവിച്ചിട്ടുണ്ട്.
കേരളത്തിലെ എയര്പോര്ട്ട് കേന്ദ്രീകരിച്ച് നിരീക്ഷണം ശക്തമാക്കാന് നിര്ദേശം നല്കിയിട്ടുണ്ടെന്ന് സംസ്ഥാന ആരോഗ്യ മന്ത്രി ഷൈലജ ടീച്ചര് അറിയിച്ചു. ചൈനയില് പോയി തിരിച്ചു വന്നവര് അതത് ജില്ലാ മെഡിക്കല് ഓഫീസറുമായി ബന്ധപ്പെടാന് നിര്ദേശം നല്കിയിട്ടുണ്ടെന്നും മന്ത്രി പറഞ്ഞു.
Click it and Unblock the Notifications
Sign in with Google