' ഇത് ശരിയാകില്ല... എസ്എഫ്ഐയെ നിയന്ത്രിക്കണം'; സിപിഎമ്മിനോട് ആവശ്യപ്പെടാന് സിപിഐ
തിരുവനന്തപുരം: സി പി എമ്മിന്റെ വിദ്യാര്ത്ഥി സംഘടനയായ എസ് എഫ് ഐയെ നിയന്ത്രിക്കണമെന്ന് സി പി ഐ. എസ് എഫ് ഐയുമായി ബന്ധപ്പെട്ട് തുടര്ച്ചയായ വിവാദങ്ങള് സംസ്ഥാന സര്ക്കാരിനെ പ്രതിക്കൂട്ടില് നിര്ത്തുന്ന സാഹചര്യത്തിലാണ് സി പി ഐയുടെ നിര്ദേശം. ഇക്കാര്യം സി പി എമ്മിനോട് ആവശ്യപ്പെടാന് ഇന്ന് ചേര്ന്ന സി പി ഐ യോഗത്തില് തീരുമാനമായി.
സി പി എമ്മുമായി ഇക്കാര്യം ചര്ച്ച ചെയ്യാമെന്ന് സി പി ഐ സംസ്ഥാന സെക്രട്ടറി കാനം രാജേന്ദ്രന് പറഞ്ഞു. സംസ്ഥാനത്ത് വിദ്യാഭ്യാസ സ്ഥാപനങ്ങളില് എസ് എഫ് ഐ യെ നിയന്ത്രിക്കാന് സി പി എമ്മിന് സാധിക്കുന്നില്ലെന്ന് സി പി ഐ എക്സിക്യൂട്ടീവ് യോഗം വിലയിരുത്തി. എസ് എഫ് ഐയിലെ വ്യാജരേഖാ വിവാദം സംസ്ഥാന സര്ക്കാരിനെ തന്നെ പ്രതിക്കൂട്ടിലാക്കിയിരിക്കെയാണ് സി പി ഐ ഇന്ന് യോഗം ചേര്ന്നത്.
യോഗത്തില് ഈ വിഷയം സംബന്ധിച്ച് ശക്തമായ പ്രതിഷേധമാണ് നേതാക്കളുടെ ഭാഗത്ത് നിന്നും ഉയര്ന്ന് വന്നത്. അതേസമയം ഇന്ന് രാവിലെ നിഖില് തോമസിന്റെ വ്യാജ സര്ട്ടിഫിക്കറ്റ് വിവാദത്തിലടക്കം എസ് എഫ് ഐയെ തള്ളിപ്പറയുന്ന നിലപാടല്ലായിരുന്നു കാനം രാജേന്ദ്രന് സ്വീകരിച്ചിരുന്നത്. പുറത്തുവരുന്നതൊന്നും പുതിയ കാര്യങ്ങളല്ലെന്നും പുതിയ സംഭവമുണ്ടാകുമ്പോള് തുടക്കത്തില് എല്ലാവരും ന്യായീകരിക്കുമെന്നുമായിരുന്ന കാനം പറഞ്ഞത്.
മുന് എസ് എഫ് ഐ നേതാവ് കെ വിദ്യയുടെ വ്യാജരേഖാ ആരോപണം വന്നപ്പോഴും മഹാരാജാസില് പണ്ടും തട്ടിപ്പ് ഉണ്ടായിട്ടുണ്ട് എന്നായിരുന്നു കാനം രാജേന്ദ്രന് പറഞ്ഞിരുന്നത്. എന്നാല് എക്സിക്യൂട്ടീവ് യോഗത്തില് നേതാക്കള് ശക്തമായ നിലപാടെടുത്തോടെ കാനവും ഇതിനോടും യോജിച്ചു. ഇതിന് പിന്നാലെയാണ് സി പി എമ്മുമായി വിഷയം സംസാരിക്കാമെന്ന് കാനം പറഞ്ഞത്.
എസ് എഫ് ഐയിലെ ചില നേതാക്കളുടെ പ്രവര്ത്തനം സര്ക്കാരിന്റെയും മുന്നണിയുടെയും പ്രതിച്ഛായയെ തകര്ക്കുകയാണ് എന്നാണ് സി പി ഐയുടെ വിലയിരുത്തല്. ഇപ്പോഴത്തെ വിവാദങ്ങള് സര്ക്കാരിന് നാണക്കേടായി. നേതാക്കള്ക്ക് സര്ക്കാരിന്റെ സഹായം ലഭിക്കുന്നതായി ജനം ചിന്തിക്കുന്നുവെന്നും ചില വിദ്യാര്ഥി നേതാക്കള് ചെയ്യുന്ന പ്രവര്ത്തനങ്ങള്ക്ക് മുന്നണി മൊത്തത്തില് നാണക്കേട് അനുഭവിക്കേണ്ട സ്ഥിതിയാണ് എന്നും നേതാക്കള് വിമര്ശിച്ചു.
ലോക്സഭാ തിരഞ്ഞെടുപ്പ് അടുത്തു വരുന്ന ഘട്ടത്തില് പരമാവധി വിവാദങ്ങള് ഒഴിവാക്കി മുന്നോട്ടു പോകണം. എസ് എഫ് ഐ ക്രിമിനല് സംഘങ്ങളെ പോലെയാണെന്നും ചിലര് വിമര്ശിച്ചു. നേരത്തെ സി പി ഐ മുഖപത്രമായ ജനയുഗവും വിദ്യാര്ത്ഥി സംഘടനയായ എ ഐ എസ് എഫും എസ് എഫ് ഐക്കെതിരെ രംഗത്തെത്തിയിരുന്നു. പരീക്ഷാ ക്രമക്കേട് ഗുരുതരമാണെന്നാണ് ജനയുഗം പറഞ്ഞത്.
-
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം
Click it and Unblock the Notifications
Sign in with Google