പനിയില് വിറച്ച് കേരളം; ആശുപത്രിയില് എത്തുന്നത് പതിനായിരത്തോളം പേര്, ജാഗ്രതാ നിര്ദ്ദേശം
തിരുവനന്തപുരം: സംസ്ഥാനത്ത് പനി കേസുകള് വര്ദ്ധിക്കുന്നു. സംസ്ഥാനത്തെ മുഴുവന് ജില്ലകളിലും ഡെങ്കിപ്പനി കേസുകളുണ്ട്. കൂടാതെ എലിപ്പനി അടക്കമുള്ള കേസുകളും വിവിധ ജില്ലകളില് റിപ്പോര്ട്ട് ചെയ്യുന്നുണ്ട്. ഈ വര്ഷത്തെ എലിപ്പനി മരണം ഇതിനോടകം തന്നെ 25 കടന്നിരിക്കുകയാണ്. പകര്ച്ചപനിയില് ആശുപത്രിയില് അഡ്മിറ്റ് ആകുന്നവരുടെ എണ്ണവും ഉയരുകയാണ്. 10.060 പേരാണ് കഴിഞ്ഞ ദിവസം പനി ബാധിച്ച് കേരളത്തിലെ വിവിധ ആശുപത്രികളിലെ ഒപികളില് തേടിയത്.
212 പേരെ കിടത്തിച്ചികിത്സിക്കേണ്ടി വന്നു. പനിക്ക് പുറമെ ടൈഫോയിഡ്, മഞ്ഞപ്പിത്തം, ചിക്കന്പോക്സ് എന്നീ രോഗങ്ങളും പടരുകയാണ്. ഈ വര്ഷം മാത്രം 6 പേരാണ് ഡെങ്കിപ്പനി ബാധിച്ച് മരിച്ചത്. പനികളില് നേരത്തെ തിരിച്ചറിഞ്ഞില്ലെങ്കില് ജീവനെടുക്കുന്ന ഡെങ്കിപ്പനിയും എലിപ്പനിയുമാണ് വലിയ വില്ലന്.
മഴക്കാലമായതിനാല് പകര്ച്ചപ്പനികള്ക്കെതിരെ ജില്ലാതലത്തില് നിരീക്ഷണം ശക്തിപ്പെടുത്തുമെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചിരുന്നു. കഴിഞ്ഞ ദിവസം 63 പേര്ക്കാണ് ഡെങ്കിപ്പനി റിപ്പോര്ട്ട് ചെയ്തത്. ഡെങ്കിപ്പനി, എലിപ്പനി എന്നിവയ്ക്കെതിരെ അതീവ ജാഗ്രത പുലര്ത്തണമെന്നാണ് ആരോഗ്യ വകുപ്പിന്റെ നിര്ദ്ദേശം.
ഫീല്ഡ്തല ജാഗ്രതയും ശക്തമാക്കണം. എവിടെയെങ്കിലും പകര്ച്ചപ്പനി റിപ്പോര്ട്ട് ചെയ്താല് ഉടനടി ജില്ലാതലത്തില് റിപ്പോര്ട്ട് ചെയ്യണം. ഏതെങ്കിലും തരത്തിലുള്ള ഔട്ട്ബ്രേക്ക് ഉണ്ടായാല് ഉടന്തന്നെ നടപടികള് സ്വീകരിക്കണം. ജില്ലാതല പ്രവര്ത്തനങ്ങള് കൃത്യമായി സംസ്ഥാനതലത്തില് വിലയിരുത്തി മേല്നടപടി സ്വീകരിക്കണമെന്നും മന്ത്രി നിര്ദേശം നല്കിയിരുന്നു.
പനി ക്ലിനിക്കുകള് ഫലപ്രദമായി പ്രവര്ത്തിക്കുന്നു എന്ന് ഉറപ്പാക്കാന് മന്ത്രി നിര്ദേശം നല്കി. മെഡിക്കല് കോളേജുകളില് ആവശ്യകത മുന്നില് കണ്ട് പ്രത്യേക വാര്ഡും ഐസിയുവും സജ്ജമാക്കണം. ആശുപത്രികളില് മതിയായ ഡോക്ടര്മാര് ഉള്പ്പെടെയുള്ള ജീവനക്കാര് ഉണ്ടായിരിക്കണം.
മെഡിക്കല് കോളേജുകള് ഉള്പ്പെടെ എല്ലാ ആശുപത്രികളും മരുന്നിന്റേയും സുരക്ഷാ ഉപകരണങ്ങളുടേയും ടെസ്റ്റ് കിറ്റുകളുടേയും ലഭ്യത ഉറപ്പാക്കണം. ഡോക്സിസൈക്ലിന്, ഒ.ആര്.എസ്. എന്നിവ അധികമായി കരുതണം. മരുന്ന് സ്റ്റോക്ക് ഇടയ്ക്കിടയ്ക്ക് വിലയിരുത്തി മുന്കൂട്ടി ബന്ധപ്പെട്ടവരെ അറിയിച്ച് മരുന്ന് ലഭ്യത ഉറപ്പാക്കണം.
വീടിന് പുറത്തെന്ന പോലെ അകത്ത് നിന്നും ഡെങ്കിപ്പനി പരത്തുന്നതായി യോഗം വിലയിരുത്തി. വീട്ടിനകത്തെ ചെടിച്ചട്ടികള്, മണിപ്ലാന്റ്, ഫ്രിഡ്ജിന്റെ ട്രേ എന്നിവ കൊതുകുകള് വളരുവാന് കാരണമാകുന്നെന്ന് കണ്ടെത്തിയിട്ടുണ്ട്. അതിനാല് ഓരോ വീട്ടുകാരും ശ്രദ്ധിക്കണം. കൊതുക് വളരുന്ന സാഹചര്യമുണ്ടാക്കുന്ന ഒരു തുള്ളി വെള്ളം പോലും വീട്ടിനകത്തും പുറത്തും കെട്ടി നിര്ത്താന് അനുവദിക്കരുത്. തദ്ദേശ സ്ഥാപനങ്ങളുമായി സഹകരിച്ച് ഉറവിട നശീകരണമുള്പ്പെടെയുള്ള ആരോഗ്യ ജാഗ്രതാ പ്രവര്ത്തനങ്ങള് പ്ലാന് ചെയ്ത് നടപ്പിലാക്കണം.
രോഗം പൊട്ടിപ്പുറപ്പെടുന്ന സ്ഥലങ്ങളില് എത്രയും വേഗം ഉറവിട നശീകരണം ഉറപ്പാക്കണം. ജലദൗര്ലഭ്യമുള്ള സ്ഥലങ്ങളില് പാത്രങ്ങളില് സൂക്ഷിക്കുന്ന വെള്ളം മൂടിവയ്ക്കണം. ചില ആക്രിക്കടകളും നിര്മ്മാണ സ്ഥലങ്ങളും കൊതുകിന്റെ ഉറവിടമാണെന്ന് കണ്ടെത്തിയിട്ടുണ്ട്. അതിനാല് ആക്രി സാധനങ്ങള് നനയാതെ സൂക്ഷിക്കണം. നിര്മ്മാണ സ്ഥലങ്ങളില് വെള്ളം കെട്ടി നില്ക്കുന്ന സാഹചര്യമുണ്ടാകരുത്. ആരോഗ്യ പ്രവര്ത്തകര് ഇത് നിരീക്ഷിച്ച് നടപടി സ്വീകരിക്കണം.
ചെളിയിലോ വെള്ളത്തിലോ ഇറങ്ങുന്നവര് ആരോഗ്യ പ്രവര്ത്തകരുടെ നിര്ദേശ പ്രകാരം എലിപ്പനി പ്രതിരോധ ഗുളികയായ ഡോക്സിസൈക്ലിന് കഴിക്കേണ്ടതാണ്. അവബോധ പ്രവര്ത്തനങ്ങള് ശക്തമാക്കാനും ആരോഗ്യ വകുപ്പ് നിര്ദ്ദേശം നല്കിയിട്ടുണ്ട്.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google