Click it and Unblock the Notifications
Just In
Don't Miss
-
കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ് -
ഞാന് കെട്ടാന് ആഗ്രഹിച്ചിരുന്ന കുട്ടിയാണ്, വിവാഹിതയായെങ്കില് അണ്ഫോളോ ചെയ്യുന്നു! അപര്ണയോട് ആരാധകര് -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം -
IPL 2024: ജയം തുടരാന് ഡല്ഹി, കണക്കുവീട്ടാന് ഗുജറാത്ത്; ടോസ് 7 മണിക്ക് -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
അയാളും മരിച്ചിട്ടില്ല!! സുരേന്ദ്രന്റെ വാദം പൊളിയുന്നു...മഞ്ചേശ്വരത്ത് താമര വിരിയില്ല !!
പരേതരുടെ ലിസ്റ്റിലെ ഒരാള്‍ കൂടി കോടതിയില്‍ ഹാജരായി
മഞ്ചേശ്വരം: കഴിഞ്ഞ നിയമസഭാ തിരഞ്ഞെടുപ്പില്‍ കള്ള വോട്ട് ചെയ്‌തെന്ന് ആരോപിച്ച് ഹര്‍ജി നല്‍കിയ ബിജെപി നേതാവ് കെ സുരേന്ദ്രന് വീണ്ടും തിരിച്ചടി. പരേതരുടെ ലിസ്റ്റെന്നു സുരേന്ദ്രന് നല്‍കിയ പട്ടികയിലെ ഒരാള്‍ക്കൂടി കോടതിയില്‍ ഹാജരായി. ഉപ്പള സ്വദേശി അബ്ദുല്ലയാണ് കോടതിയില്‍ ഹാജരായി മൊഴി നല്‍കിയത്. താന്‍ തന്നെയാണ് അന്നു വോട്ട് ചെയ്തതെന്നും അബ്ദുല്ല കോടതിയില്‍ പറഞ്ഞു. സുരേന്ദ്രന് നല്‍കിയ ലിസ്റ്റിലെ ഇതു രണ്ടാമത്തെ 'പരേതനാണ്' കോടതിയിലെത്തി തെളിവ് നല്‍കുന്നത്.
മുസ്ലീം ലീഗ് സ്ഥാനാര്‍ഥിയായിരുന്ന പിബി അബ്ദുല്‍ റസാഖിന്റെ വിജയത്തിനെതിരേയാണ് സുരേന്ദ്രന് ഹൈക്കോടതിയെ സമീപിച്ചത്. വ്യാപകമായി കള്ള വോട്ട് നടന്നിട്ടുണ്ടെന്നും തിരഞ്ഞെടുപ്പ് ഫലം റദ്ദാക്കണമന്നും ആവശ്യപ്പെട്ടായിരുന്നു സുരേന്ദ്രന് ഹരജി.
തിരഞ്ഞെടുപ്പിനു മുമ്പ് മരിച്ച ആറ് ആളുകളുടെ പേരില്‍ മഞ്ചേശ്വരം തിരഞ്ഞെടുപ്പില്‍ കള്ളവോട്ട് നടന്നിട്ടുണ്ടെന്നാണ് സുരേന്ദ്രന് കോടതിയില്‍ വാദിച്ചത്. സുരേന്ദ്രന് നല്‍കിയ പരേതരുടെ ലിസ്റ്റില്‍ ആദ്യമായി കോടതിയില്‍ ഹാജരായത് അമ്മദ് കുഞ്ഞിയായിരുന്നു. 37ാം ബൂത്തിലെ എണ്ണൂറാമത്തെ വോട്ടറായിരുന്നു ഇയാള്‍. താന്‍ ജീവിച്ചിരിപ്പുണ്ടെന്നും അന്നു വോട്ട് ചെയ്തത് താന്‍ തന്നെയാണെന്നും അമ്മദ് കുഞ്ഞി കോടതിയില്‍ അറിയിക്കുകയായിരുന്നു.
സ്ഥലത്ത് ഇല്ലാത്തവരുടെയും വിദേശത്തുള്ളവരുടെയും മരിച്ചവരുടെയും പേരില്‍ മഞ്ചശ്വരം നിയമസഭാ മണ്ഡലത്തില്‍ കള്ള വോട്ട് നടന്നിട്ടുണ്ടെന്നാണ് സുരേന്ദ്രന് ഹരജിയില്‍ ആരോപിച്ചത്. ഇതേ തുടര്‍ന്ന് പട്ടികയനുസരിച്ച് 259 പേരെ വിളിച്ചു വരുത്തി തെളിവെടുക്കാന്‍ കോടതി ആവശ്യപ്പെടുകയായിരുന്നു. വിദേശത്തായിരുന്നിട്ടും വോട്ട് ചെയ്‌തെന്ന് അറിയിച്ച് പട്ടികയിലെ ചിലര്‍ സമന്‍സ് ലഭിച്ചതു മൂലം കോടതിയില്‍ ഹാജരാവുകയും ചെയ്തിരുന്നു. ഇവരെയും കോടതി വിസ്തരിച്ചിട്ടുണ്ട്. തിരഞ്ഞെടുപ്പില്‍ 89 വോട്ടുകള്‍ക്കാണ് സുരേന്ദ്രന് പരാജയപ്പെട്ടത്. കള്ളവോട്ട് നടന്നിട്ടില്ലായിരുന്നെങ്കില്‍ താന്‍ ജയിക്കുമായിരുന്നുവെന്ന് സുരേന്ദ്രന് അന്നു വാദിച്ചിരുന്നു.
