കോടതിയെ വെട്ടാന് നോക്കിയ സര്ക്കാര് മാത്രമല്ല; പെട്ടത് പ്രതിപക്ഷവും, മാന്യനായി ബല്റാം
തിരുവനന്തപുരം: സ്വാശ്രയ മെഡിക്കല് കോളേജ് പ്രവേശനത്തില് കോടതിയെ വെട്ടാന് സംസ്ഥാന സര്ക്കാര് നടത്തിയ നീക്കത്തില് പെട്ടത് പ്രതിപക്ഷവും. പ്രതിപക്ഷത്തിന്റെ പൂര്ണ പിന്തുണയോടെ പാസാക്കിയ ബില്ലിനെതിരെയാണ് സുപ്രീംകോടതി രൂക്ഷമായി വിമര്ശനം ഉന്നയിച്ചത്. പ്രതിപക്ഷത്ത് നിന്ന് തൃത്താല എംഎല്എ വിടി ബല്റാം മാത്രമാണ് ബില്ലിനെ എതിര്ത്തത്. പ്രതിപക്ഷം ബില്ലിനെ അനുകൂലിച്ച നടപടിക്കെതിരെ കോണ്ഗ്രസ് നേതാക്കള് തന്നെ രംഗത്തുവന്നിട്ടുണ്ട്.
കണ്ണൂര് അഞ്ചരക്കണ്ടി, പാലക്കാട് കരുണ എന്നീ മെഡിക്കല് കോളജുകളിലേക്കുള്ള പ്രവേശവുമായി ബന്ധപ്പെട്ടാണ് സംസ്ഥാന സര്ക്കാര് സഭയില് ബില്ല് അവതരിപ്പിച്ചത്. ഈ കോളജുകളിലെ പ്രവേശനം ക്രമപ്പെടുത്തുന്നതിന് പ്രതിപക്ഷ പാര്ട്ടികളും ബില്ലിനെ അനുകൂലിച്ചു. സുപ്രീംകോടതി ബന്ധപ്പെട്ട ഹര്ജി പരിഗണിക്കുന്നതിന് തൊട്ടുമുമ്പുള്ള ദിവസമാണ് സംസ്ഥാന സര്ക്കാരിന്റെ നടപടി. അതുകൊണ്ടുതന്നെയാണ് കോടതി വിധി മറികടക്കാന് സംസ്ഥാനം ശ്രമിക്കരുതെന്ന് സുപ്രീംകോടതി താക്കീത് നല്കിയത്. ഉത്തരവ് ലംഘിച്ചാല് കടുത്ത നടപടിയുണ്ടാകുമെന്നും സുപ്രീംകോടതി മുന്നറിയിപ്പ് നല്കി.
കേരള മെഡിക്കല് കോളജ് പ്രവേശനം സാധൂകരിക്കല് ബില്ല് ബുധനാഴ്ചയാണ് സംസ്ഥാന നിയമസഭ പാസാക്കിയിത്. വ്യാഴാഴ്ച കേസ് സുപ്രീംകോടതി പരിഗണിക്കുന്നതിന് തൊട്ടുമുമ്പായിട്ടായിരുന്നു സര്ക്കാര് നീക്കം. വ്യാഴാഴ്ച നടക്കുന്ന വാദം കേള്ക്കല് നീട്ടി വയ്ക്കണമെന്നും കേരളം ആവശ്യപ്പെട്ടിരുന്നു.
വിദ്യാര്ഥികളുടെ ഭാവി കണക്കിലെടുത്താണ് പുതിയ ബില്ല് അവതരിപ്പിക്കുന്നതെന്ന് മന്ത്രി കെകെ ശൈലജ സഭയില് പറഞ്ഞിരുന്നു. ഇതേ വാദം തന്നെയാണ് പ്രതിപക്ഷ നേതാവ് രമേശ് ചെന്നിത്തലയും പറഞ്ഞത്. ഭരണപക്ഷവും പ്രതിപക്ഷവും ഒരുമിച്ച് പാസാക്കിയ ബില്ലാണ് സുപ്രീംകോടതി റദ്ദാക്കിയിരിക്കുന്നത്. മെഡിക്കല് കൗണ്സില് ഓഫ് ഇന്ത്യ സമര്പ്പിച്ച ഹര്ജി പരിഗണിക്കുമ്പോഴാണ് കോടതി നടപടി. സര്ക്കാരിനെ ശക്തമായി താക്കീത് ചെയ്തു കോടതി. അഞ്ചരക്കണ്ടി മെഡിക്കല് കോളജിലെ 150 വിദ്യാര്ഥികളെയും കരുണയിലെ 30 വിദ്യാര്ഥികളെയും പുറത്താക്കാനും സുപ്രീംകോടതി നിര്ദേശിച്ചു.
വിദ്യാഭ്യാസ കച്ചവടത്തെ പിന്തുണയ്ക്കുന്ന ബില്ലാണിതെന്ന് വിടി ബല്റാം നിലപാടെടുത്തിരുന്നു. ഓര്ഡിനന്സില് കോടതി സംശയം പ്രകടിപ്പിച്ച സാഹചര്യത്തില് ബില്ല് കൊണ്ടുവരുന്നത് ക്രമവിരുദ്ധമാണെന്നും ബല്റാം സൂചിപ്പിച്ചിരുന്നു. ബില്ല് പാസാക്കാന് പ്രതിപക്ഷം കൂട്ടുനിന്നതിനെ കോണ്ഗ്രസ് നേതാവ് ബെന്നി ബഹന്നാനും കുറ്റപ്പെടുത്തി. വിഷയത്തില് വന് സാമ്പത്തിക ക്രമക്കേട് നടന്നിട്ടുണ്ടെന്നു അദ്ദേഹം ആരോപിച്ചു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google