കരുവന്നൂര് കൊള്ള: സിപിഎം വന്മരങ്ങള്ക്ക് കാറ്റ് പിടിച്ച് തുടങ്ങി, സർക്കാർ നടപടിയെടുക്കണം'; വിഡി സതീശൻ
തിരുവനന്തപുരം: കരുവന്നൂരിലെ കൊള്ളയോടെ സി പി എമ്മിലെ വൻ മരങ്ങൾക്ക് കാറ്റ് പിടിച്ച് തുടങ്ങിയെന്ന് പ്രതിപക്ഷ നേതാവ് വിഡി സതീശൻ. കൊള്ളക്കാരെ സംരക്ഷിക്കാനും ന്യായീകരിക്കാനും സി പി എം ഇപ്പോഴും ശ്രമിക്കുന്നത് അപഹാസ്യമാണ്. നിക്ഷേപകരുടെ ഒരു രൂപ പോലും നഷ്ടപ്പെടില്ലെന്ന് മുഖ്യമന്ത്രി പറയുന്നത് കാപട്യമാണ്. നിക്ഷേപം മടക്കി നല്കാന് സര്ക്കാര് അടിയന്തിര നടപടിയെടുക്കണമെന്നും സതീശൻ പറഞ്ഞു.
'കരുവന്നൂര് ബാങ്ക് കൊള്ളയില് വന്മരങ്ങള് വേരോടെ നിലംപൊത്തുമെന്ന ഭയമാണ് സി പി എമ്മിനെന്ന് ഞങ്ങള് നേരത്തെ പറഞ്ഞിരുന്നതാണ്. ഇപ്പോള് വന്മരങ്ങള്ക്ക് കാറ്റ് പിടിച്ച് തുടങ്ങിയിട്ടുണ്ട്. അതിന്റെ അങ്കലാപ്പിലും വെപ്രാളത്തിലുമാണ് സി പി എം നേതൃത്വം ഒന്നാകെ.
കൊള്ളക്കാരെ സംരക്ഷിക്കാനും ന്യായീകരിക്കാനും സി പി എം ഇപ്പോഴും ശ്രമിക്കുന്നത് അപഹാസ്യമാണ്. ഇരകളായ സാധാരണ മനുഷ്യരുടെ കൂടെയല്ല സി പി എമ്മും സര്ക്കാരും. നിക്ഷേപകരെ കവര്ച്ച ചെയ്ത കൊള്ളക്കാര്ക്കൊപ്പമാണവര്. നിക്ഷേപകരുടെ ഒരു രൂപ പോലും നഷ്ടപ്പെടില്ലെന്ന് മുഖ്യമന്ത്രി പറയുന്നത് കാപട്യമാണ്.
പ്രതിപക്ഷം നിരന്തരം ആവശ്യപ്പെട്ടിട്ടും നിക്ഷേപക ഗ്യാരണ്ടിയുടെ കാര്യത്തില് സര്ക്കാര് അനങ്ങിയിട്ടില്ല. കൊള്ളക്കാരെ സംരക്ഷിച്ച് ഇ ഡിയുടെ വരവിന് അവസരം ഒരുക്കിക്കൊടുത്ത സി പി എമ്മും സര്ക്കാരും കേരളത്തിന്റെ ജീവനാഡിയായ സഹകരണ പ്രസ്ഥാനങ്ങളുടെ വിശ്വാസ്യതയാണ് തകര്ക്കുന്നത്.
ഭരണത്തുടര്ച്ചയുടെ ഹുങ്കില് നിയമവിരുദ്ധമായതൊക്കെയും ചെയ്തു കൂട്ടിയതിന്റെ പരിണിത ഫലമാണ് സി പി എം ഇപ്പോള് നേരിട്ടു കൊണ്ടിരിക്കുന്നത്. നേതാക്കള് ബാങ്ക് കൊള്ളയടിച്ചപ്പോള് പാര്ട്ടി പ്രവര്ത്തകര് ഉള്പ്പെടെ ആയിരക്കണക്കിന് നിക്ഷേപകരെയാണ് നിങ്ങള് ദുരിതത്തിലാക്കിയതെന്ന് ഇനിയെങ്കിലും തിരിച്ചറിയണം. കരുവന്നൂരിലും കണ്ടലയിലും ഉള്പ്പെടെയുള്ള സഹകരണ ബാങ്കുകളില് നിക്ഷേപകര്ക്ക് പണം മടക്കി നല്കാനുള്ള അടിയന്തിര നടപടി സ്വീകരിക്കാന് സര്ക്കാര്തയാറാകണമെന്നും സതീശൻ പറഞ്ഞു.
കെഎസ്ആർടിസിയിലെ മണ്ഡല പര്യടനം; സർക്കാരിനെ പരിഹസിച്ച് വിഡി സതീശൻ
എൽഡിഎഫ് സർക്കാരിന്റെ ജനസദസ് പരിപാടിയോടനുബന്ധിച്ച് നടത്തുന്ന മണ്ഡലപര്യടനത്തെ പരിഹസിച്ച് പ്രതിപക്ഷ നേതാവ് വിഡി സതീശൻ. കെഎസ്ആർടിസിയിൽ യാത്ര നടത്തും മുൻപ് ജീവനക്കാർതക്ക് ശമ്പളം നൽകൂവെന്നും ഇല്ലെങ്കിൽ അവർ നിങ്ങളെ വഴിയിൽ ഇറക്കിവിട്ടേക്കാമെന്നും സതീശൻ പറഞ്ഞു.
'കേരള സര്ക്കാരിന്റെ നേട്ടങ്ങള് പ്രചരിപ്പിക്കാന് മുഖ്യമന്ത്രിയും മന്ത്രിമാരും എല്ലാ മണ്ഡലങ്ങളിലും പര്യടനം നടത്തുന്നുണ്ട്. പ്രത്യേകം തയാറാക്കിയ KSRTC ബസിലാണത്രേ യാത്ര! ബസില് കയറുന്നതിന് മുന്പ് ഡ്രൈവര്ക്കും കണ്ടക്ടര്ക്കും ശമ്പളം കിട്ടിയിട്ട് എത്ര നാളായെന്ന് ചോദിക്കുന്നത് നന്നായിരിക്കും. ഇല്ലെങ്കില് അവര് ചിലപ്പോള് നിങ്ങളെ വഴിയിലിട്ട് പോയാലോ!', പ്രതിപക്ഷ നേതാവ് ചോദിച്ചു.
Click it and Unblock the Notifications
Sign in with Google