നിരപരാധിയായ യുവാവിനെ കേസില് കുടുക്കിയെന്ന ആരോപണത്തിന് വീണ ജോര്ജ്ജിന്റെ മറുപടി
കൊച്ചി: നിരപരാധിയായ യുവാവിനെ താന് കേസില് അകപ്പെടുത്തിയെന്ന മാധ്യമ പ്രവര്ത്തകന്റെ ഫേസ്ബുക്കിലൂടെയുള്ള ആരോപണത്തിന് മറുപടയുമായി ആറന്മുളയിലെ സിപിഎം സ്ഥാനാര്ത്ഥി വീണാ ജോര്ജ്ജ്. ഫേസ്ബുക്കിലൂടെയാണ് വീണ മറുപടി നല്കിയത്. മാധ്യമ പ്രവര്ത്തകനായ ഗിരിഷ് ജനാര്ദ്ദനനാണ് വീ
ണ ജോര്ജ്ജിനെതിരെ ആരോപണം ഉന്നയിച്ചത്.
ഗീരീഷിന്റെ ആരോപണം വന്ന രണ്ടാം ദിവസമാണ് വീണ ഫേസ്ബുക്കിലൂടെ ആരോപണത്തിന് മറുപടി നല്കിയത്. ഗിരീഷിന്റെ ഫേസ്ബുക്ക് പോസ്റ്റ് സോഷ്യല് മീഡിയയില് ചര്ച്ചയായ സാഹചര്യത്തിലായിരുന്നു വീണയുടെ വിശദീകരണം. തന്നെ അപായപ്പെടുത്താന് ശ്രമിച്ചെന്ന പേരില് നിരപരാധിയായ യുവാവിനെ വീണ ജോര്ജ്ജ് കേസില് കുടുക്കിയെന്നും യുവാവിന്റെ നിരപാധിത്വം ബോധ്യപ്പെട്ടിട്ടും അയാളോട് മാപ്പ് പറയാനോ തെറ്റ് തിരുത്താനോ വീണ തയ്യാറായില്ല എന്നതുമായിരുന്നു ഗിരീഷിന്റെ പോസ്റ്റില് പറഞ്ഞത്.
ഈ പോസ്റ്റ് ചര്ച്ചയായതോടെയാണ് വീണ മറുപടിയുമായി എത്തിയത്. വീണയുടെ ഫേസ്ബുക്ക് പോസ്റ്റിന്റെ പൂര്ണ രൂപം
ഇര മാപ്പ് പറയണം എന്നത് വേട്ടക്കാരന്റെ ക്രൂരത
--------------------------------------------------------------------------
കുഞ്ഞുങ്ങളെ സ്കൂളില് വിട്ടതിനു ശേഷം മടങ്ങുമ്പോള് ഞങ്ങളുടെ വാടകവീട്ടിലേക്കുള്ള സ്വകാര്യ വഴിയില് പതിയിരുന്ന് ആക്രമിക്കുകയും ബൈക്കിടിച്ച് അപായപ്പെടുത്താന് ശ്രമിക്കുകയും ചെയ്ത അജ്ഞാതനായ അക്രമിയെ കണ്ടുപിടിച്ച് നീതിന്യായവ്യവസ്ഥയ്ക്ക് മുന്നില് കൊണ്ടുവരണം എന്ന് ഞാന് പരാതി കൊടുത്തു. സംഭവം നടന്നിട്ട് അഞ്ചു മാസമാകുന്നു. ബഹളം കേട്ട് ആളുകള് ഓടി വന്നപ്പോഴാണ് അക്രമി ബൈക്കില് രക്ഷപെട്ടത്. അന്ന് ആളുകള് ഓടി വന്നില്ലായിരുന്നെങ്കില് മറ്റൊരു സൗമ്യ കൂടി ഉണ്ടാകുമായിരുന്നു. അവിടെ ആളുകള് ഉണ്ടാകുമെന്ന് പ്രതി കരുതിയില്ല. വളരെ ആസൂത്രിതമായി നിര്വ്വഹിക്കാന് ശ്രമിച്ച കുറ്റകൃത്യത്തിലെ പ്രതിയെ അന്വേഷിച്ചതും കണ്ടെത്തിയതും പോലീസാണ്. ഞാനല്ല. എനിക്ക് അയാളെ അതിന് മുന്പ് അറിയുകയുമില്ല്. പിടിക്കപ്പെട്ടാല് രക്ഷപെടാന് പ്രതി ഏതു മാര്ഗവും സ്വീകരിക്കുമെന്നുള്ളത് ഇപ്പോള് കൂടുതല് വ്യക്തമാകുന്നു.
അഞ്ചു മാസം മുന്പ് നടന്ന സംഭവം ഇപ്പോള് കോടതിക്ക് മുന്നിലാണ്. ഇക്കാലയളവില് ഇല്ലാതിരുന്ന ആരോപണം ഇപ്പോള് എങ്ങനെ ഉണ്ടായി. ഇരയാക്കപ്പെട്ട ആള് മാപ്പ് പറയണം എന്നത് നമ്മുടെ നാട്ടിലെ സ്ത്രീകളുടെ ദയനീയാവസ്ഥ വ്യക്തമാക്കുന്നു. തെളിവുകളും സാക്ഷികളും ഉള്ള കേസില് നുണപ്രചരണം വിലപ്പോവില്ല. തിരഞ്ഞെടുപ്പ് പശ്ചാത്തലത്തില് കള്ളക്കഥകള് മെനഞ്ഞ് സോഷ്യല് മീഡിയയിലൂടെ ഉള്ള അസത്യപ്രചരണത്തിന്റെ ഉദ്ദേശ്യം വ്യക്തമാണ്. സ്ത്രീകള് സുരക്ഷിതരെന്ന് കരുതുന്ന ഇവിടെ ഇതിന് മുന്പും പിന്പും ഈ ദുരനുഭവം എത്രയോ സ്ത്രീകള്ക്ക് ഉണ്ടായി കാണും.
തിരഞ്ഞെടുപ്പ് രംഗത്ത് നുണപ്രചരണം നടത്തിയാല് ഞാന് ഭയന്നോടും എന്ന് ചിലര് സ്വപ്നം കണ്ടുകാണും.ഇര അക്രമിയുടെ മുന്നില് മാപ്പ് പറയണം എന്ന നീതി ശാസ്ത്രം കേരളീയസമൂഹത്തില് വിലപ്പോവില്ല.ഒരു സ്ത്രീയും ഇങ്ങനെ ആക്രമിക്കപ്പെടരുത്. ഇനി ഒരിയക്കലും ഈ ദുരനുഭവം ഒരു സ്ത്രീയ്ക്കും ഉണ്ടാകരുത്. സ്വന്തം അമ്മയും സഹോദരിയും ഭാര്യയുമാണ് ഇങ്ങനെ ആക്രമിക്കപ്പെടുന്നതെങ്കില് അവരെകൊണ്ട് പ്രതിയോട് മാപ്പ് പറയിക്കുമോ. നീതി ലഭിക്കാന് എന്റെ അവസാന നിമിഷം വരെ ഞാന് പോരാടും.
(ഗിരീഷ് എന്ന ഒരാളുടെ പോസ്റ്റ് കണ്ടു. ഗിരീഷ് എന്നു പറയുന്ന ആളെ എനിക്ക് അറിഞ്ഞു കൂടാ. അദ്ദേഹത്തിന്റെ പ്രിയപെട്ടവര്ക്ക് നേരെയാണ് ആക്രമണം ഉണ്ടാകുന്നതെങ്കില് , ആക്രമിച്ചു അവളെ കൊന്നുകൊള്ളൂ എന്ന് പറയുമായിരിക്കാം. അദ്ദേഹത്തിന് പരാതിയും കാണില്ലായിരിക്കാം. അദ്ദേഹത്തിന്റെ പോസ്റ്റിലെ വീണയും തബലയും പ്രയോഗവും ,ഓര്ത്തഡോക്സ് ദമ്പതി പ്രയോഗവും അദ്ദേഹത്തിന്റെ ഇന്റന്ഷന് വ്യക്തമാക്കുന്നു. രാഷ്ട്രീയപ്രവര്ത്തനം നടത്തുന്ന സ്ത്രീയുടെ ഭര്ത്താവിന് അദ്ദേഹം നല്കുന്ന വിശേഷണവും കൊള്ളാം . അദ്ദേഹത്തെ പൊതുസമൂഹം വിലയിരുത്തട്ടെ. )
സോഷ്യല് മീഡിയയില് ചര്ച്ചയായ ഗിരീഷിന്റെ ഫേസ്ബുക്ക് പോസ്റ്റ് ഇങ്ങനെ
വല്ലാതെ ശൂന്യമാവുന്ന നേരങ്ങളില് അഭയാര്ത്ഥിയായി ചെന്നുപറ്റുന്ന പ്രിയപ്പെട്ട ചിലയിടങ്ങളുണ്ട്. പറവൂരില് അംജാദലിയുടെ വക്ക...
Posted by Gireesh Janardhanan on Tuesday, April 5, 2016
Click it and Unblock the Notifications
Sign in with Google