സ്വര്ണ്ണകടത്ത് അന്വേഷണം; മലബാര് മേഖലയിലും മംഗ്ളുരുവിലും വ്യാപിപ്പിക്കും
കൊച്ചി: സ്വര്ണകടത്ത് അന്വേഷണം ഉന്നതങ്ങളിലേക്ക് വ്യാപിക്കുന്നുവെന്ന് റിപ്പോര്ട്ട്. റാക്കറ്റിന് ഉന്നതരുടെ സഹായം പതിവായി ലഭിക്കുന്നുവെന്നാണ് സൂചന. മലബാര് മേഖലയിലും മംഗ്ളുരുവിലും ഇതുസംബന്ധിച്ച് അന്വേഷണം വ്യാപിപ്പിക്കും.
മറ്റ് സംസ്ഥാനങ്ങളിലും സ്വര്ണ്ണം എത്തിച്ചതിന്റെ തെളിവുണ്ട്. ഭീകര പ്രവര്ത്തനങ്ങള്ക്കായി സ്വര്ണകടത്ത് ഉപയോഗിക്കുന്നുണ്ടെന്ന സൂചന കസ്റ്റംസ് നേരത്തെ നല്കിയിരുന്നു. സ്വര്ണ്ണകടത്ത് കേസില് പ്രതി ചേര്ക്കപ്പെട്ടിട്ടുള്ള മുന്നാം പ്രതി ഫാസില് ഫരീദിനെ ഇന്ത്യയിലേക്ക് കൈമാറാന് യുഎഇയോട് ആവശ്യപ്പെട്ടിട്ടുണ്ട്. ഇതിനുള്ള നടപടികള് ഉടന് ആരംഭിക്കും. ഫാസില് മുമ്പില് ഗള്ഫില് നിന്നും കേരളത്തിലേക്ക് സ്വര്ണ്ണം കടത്തിയെന്നാണ് സൂചന.
തിരുവനന്തപുരം വിമാനത്താവളം കേന്ദ്രീകരിച്ച് നടക്കുന്ന സ്വര്ണ്ണകടത്ത് കേസില് പ്രതിചേര്ക്കപ്പെട്ടിട്ടുള്ള സ്വപ്ന സുരേഷിനെയും സന്ദീപ് നായരെയും കൊച്ചിയിലെ എന്ഐഎ ഓഫീസിലെത്തിച്ചിരിക്കുകയാണ്. കൊച്ചി കടവന്ത്ര ഗിരിനഗര് റോഡിലാണ് എന്ഐഎ ഓഫീസ് സ്ഥിതിചെയ്യുന്നത്.
ഇതോടെ കോണ്ഗ്രസ്, ബിജെപി പ്രവര്ത്തകരാണ് പ്രതിഷേധവുമായി എന്ഐഎ ഓഫീസിന് മുമ്പിലെത്തിയിരുന്നു. പ്രതിഷേധക്കാര് തടിച്ചുകൂടിയതോടെ പോലീസ് ലാത്തിവീശുകയായിരുന്നു. ഇതോടെ പ്രതികളെ എന്ഐഎ ഓഫീസിലേക്ക് കയറ്റിയ ശേഷം ഗേറ്റടയ്ക്കുകയായിരുന്നു.
പ്രതികളെ ആലുവ ജില്ലാ ആശുപത്രിയിലെത്തിച്ച് കൊറോണ വൈറസ് പരിശോധനയ്ക്കായുള്ള സ്രവം ശേഖരിച്ച ശേഷമാണ് എന്ഐഎ ഓഫീസിലെത്തിച്ചത്.
രാവിലെ ആറ് മണിയോടെയാണ് സ്വര്ണ്ണക്കടത്തുകേസിലെ രണ്ട് പ്രതികളുമായി എന്ഐഎ സംഘം കേരളത്തിലേക്ക് പുറപ്പെടുന്നത്. യാത്രാ മധ്യേ പലയിടത്തുവെച്ചും വാഹന വ്യൂഹത്തിന് നേരെ പ്രതിഷേധം ഉണ്ടായിരുന്നു. പ്രതികളുമായി ബെംഗളൂരുവില് നിന്ന് പുറപ്പെട്ട സംഘത്തിന്റെ വണ്ടി വടക്കഞ്ചേരിക്ക് സമീപത്ത് വെച്ച് ടയര് പഞ്ചറായതോടെ മറ്റൊരു വാഹനത്തിലേക്ക് പ്രതികളെ മാറ്റിയ ശേഷമാണ് യാത്ര തുടര്ന്നത്.
കൊച്ചിയിലേക്കുള്ള യാത്രക്കിടെ ഓരോ സ്റ്റേഷന് പരിധിയില് വെച്ചും പോലീസ് സംഘം സുരക്ഷയൊരുക്കിയാണ് പ്രതികളെ എന്ഐഎ ഓഫീസിലെത്തിക്കുന്നത്.കേസില് മുഖ്യമന്ത്രിയുടെ മുന് സെക്രട്ടറി എം ശിവശങ്കര് ഐഎഎസിനെ കസ്റ്റംസ് ചോദ്യം ചെയ്യും. ശിവശങ്കറിന്റെ ഫ്ളാറ്റില് വെച്ചാണ് ജൂണ് മുപ്പതിന് നടന്ന സ്വര്ണ്ണകടത്തിന്റെ ആസുത്രണം നടന്നതെന്നാണ് കസ്റ്റ്്സ് പുറത്ത് വിടുന്ന വിവരം. പിന്നാലെയാണ് ശിവശങ്കറിനെ ചോദ്യം ചെയ്യാന് തീരുമാനിച്ചത്.
ശിവശങ്കറിന്റെ ഫ്ളാറ്റില് വെച്ച് ആസുത്രണം നടന്നതിന്റെ തെളിവുകള് കസ്റ്റംസിന് ലഭിച്ചതായി വ്യക്തമാക്കി. എന്നാല് സ്വര്ണ്ണകടത്തുമായി ശിവശങ്കറിനെ ബന്ധിപ്പിക്കുന്ന തെളിവില്ലെന്നും കസ്റ്റംസ് പറയുന്നു. ശിവശങ്കര് ഇല്ലാത്തപ്പോഴും പ്രതികള് ഫ്ലാറ്റില് വരാറുണ്ടായിരുന്നു.
Click it and Unblock the Notifications
Sign in with Google